杜奧巴總掛念從前 40歲「魔獸」職業生涯最後一仗，總決賽飲恨正式退役
「唔~~ 天氣不似預期 杜奧巴 總要飛」正係一眾球迷此時此刻嘅心情，因為呢位歌詞「萬能key」，啱啱完成咗佢職業生涯最後一場比賽，從今起高掛球靴。
40歲嘅杜奧巴早喺半年前已經提早宣布今季結束後就會退役，不過大家未必記得呢一日就係今日。2017年4月，杜奧巴成為鳳凰城展翅 (Phoenix Rising) 嘅球員兼班主，一手帶起呢支USL球隊 (USL，United Soccer League 美國次級聯賽) ，佢一加盟已經大踢「老細足球」，首季上陣14場射入10球，今季又上陣9場射入5球，其中不乏世界波或「救命波」。
今季喺USL，「魔獸」帶領鳳凰城進入季後賽，並喺西岸決賽親自射入一球，助球隊以2-1擊敗西岸常規賽冠軍Orange County SC，成為西岸冠軍兼歷史性闖入總決賽，呢場總決賽亦將會係杜奧巴生涯最後一仗。
喺美國時間11月8日星期四晚，即香港時間星期五，鳳凰城展翅於USL總決賽面對東岸冠軍Louisville City，可惜球隊62分鐘被對手射入奠勝一球，以0-1飲恨，令杜奧巴最後一仗留下點點遺憾。不過呢位科特迪瓦神鋒嘅生涯已經充滿傳奇，難怪佢反而喺賽後安慰落淚嘅球迷，又答謝球迷嘅支持。
20年嚟，杜奧巴上陣790場比賽，射入365球，交出126個助攻，又贏得17個大小錦標，最令人難忘嘅時光相信係喺車路士，2011-12歐聯決賽上互射12碼射入致勝一球捧起歐聯獎盃，及協助車路士勇奪4屆英超冠軍。
「杜奧巴 總掛念從前 球場上那可愛片段 突然又已一年」
Source: BBC、Goal、Sportbible
40歲嘅杜奧巴早喺半年前已經提早宣布今季結束後就會退役，不過大家未必記得呢一日就係今日。2017年4月，杜奧巴成為鳳凰城展翅 (Phoenix Rising) 嘅球員兼班主，一手帶起呢支USL球隊 (USL，United Soccer League 美國次級聯賽) ，佢一加盟已經大踢「老細足球」，首季上陣14場射入10球，今季又上陣9場射入5球，其中不乏世界波或「救命波」。
今季喺USL，「魔獸」帶領鳳凰城進入季後賽，並喺西岸決賽親自射入一球，助球隊以2-1擊敗西岸常規賽冠軍Orange County SC，成為西岸冠軍兼歷史性闖入總決賽，呢場總決賽亦將會係杜奧巴生涯最後一仗。
喺美國時間11月8日星期四晚，即香港時間星期五，鳳凰城展翅於USL總決賽面對東岸冠軍Louisville City，可惜球隊62分鐘被對手射入奠勝一球，以0-1飲恨，令杜奧巴最後一仗留下點點遺憾。不過呢位科特迪瓦神鋒嘅生涯已經充滿傳奇，難怪佢反而喺賽後安慰落淚嘅球迷，又答謝球迷嘅支持。
20年嚟，杜奧巴上陣790場比賽，射入365球，交出126個助攻，又贏得17個大小錦標，最令人難忘嘅時光相信係喺車路士，2011-12歐聯決賽上互射12碼射入致勝一球捧起歐聯獎盃，及協助車路士勇奪4屆英超冠軍。
「杜奧巴 總掛念從前 球場上那可愛片段 突然又已一年」
Source: BBC、Goal、Sportbible