嚇死人咩！19歲屈福特門將額頭爆開仲想踢，師兄賓科士打大讚惹爭議
足球場上碰撞有所難免，正式比賽時即使場上有球員受傷倒地，球證仍然會允許比賽繼續落去，不過最少有一種情況球證必須即時暫停比賽，就係有球員懷疑頭部受傷，因為咁樣隨時會有生命危險。最近，一位年輕門將喺訓練中頭部嚴重受傷，但佢竟然嘗試繼續進行練習，更得到同隊前輩賓科士打大讚，但根據事後公布嘅影片可見小將傷勢唔輕，究竟呢個行為係咪值得鼓勵呢？
19歲瑞典門將Pontus Dahlberg於2018年1月加盟英超球隊屈福特，以外借方式繼續留喺母會哥德堡，直至夏天加入屈福特陣容。屈福特陣中已經擁有賓科士打及靴里路高美斯兩位老牌門將，所以呢位小將只作為第三號門將累積經驗。
最近國際賽期，未有入選國家隊嘅球員繼續喺球會訓練，跟據英格蘭門將賓科士打幾日前喺社交網上轉述，佢哋喺訓練中一啲都冇鬆懈，更出現驚險一幕。賓科士打指，年輕門將Pontus Dahlberg喺訓練中頭部「硬食」一腳劇痛，但佢仍然堅持繼續踢波，諗住一陣間就冇事喎。不過，根據影片顯示，當時佢受傷情況頗為嚴重，睇落唔似一般爆額角咁簡單，直頭好似穿咗窿凹咗入去一樣。當然，賓科士打並冇明言佢喺咪真係有繼續練波，不過相信當時極大機會已經被球會職員阻止。賓科士打就稱讚呢位小將嘅拼搏精神，亦有網民認為佢係真漢子。
不過諗深一層，頭部撞傷可大可小，盲目吹捧呢種所謂嘅男子氣概真係好事？有球迷留言認為，球場上死亡事故已經夠多，生命應該高於足球，唔應該鼓勵呢種所謂「勇氣」，實在發人深省。
事實上，單係英超近年都發生過唔少頭部撞傷危及生命嘅事故，例如前車路士隊長泰利曾經喺足總盃對阿仙奴被踢中頭部，出現休克及抽搐症狀，佢事後回憶係被當時阿仙奴隊醫利雲救返一命；前車路士門將施治被膝撞導致頭部骨裂，幾乎喪命；前侯城中場賴恩美臣對車路士時撞傷頭部，頭骨爆裂，經多次手術及休養後，直接提早退役。
Source: DailyMail
19歲瑞典門將Pontus Dahlberg於2018年1月加盟英超球隊屈福特，以外借方式繼續留喺母會哥德堡，直至夏天加入屈福特陣容。屈福特陣中已經擁有賓科士打及靴里路高美斯兩位老牌門將，所以呢位小將只作為第三號門將累積經驗。
最近國際賽期，未有入選國家隊嘅球員繼續喺球會訓練，跟據英格蘭門將賓科士打幾日前喺社交網上轉述，佢哋喺訓練中一啲都冇鬆懈，更出現驚險一幕。賓科士打指，年輕門將Pontus Dahlberg喺訓練中頭部「硬食」一腳劇痛，但佢仍然堅持繼續踢波，諗住一陣間就冇事喎。不過，根據影片顯示，當時佢受傷情況頗為嚴重，睇落唔似一般爆額角咁簡單，直頭好似穿咗窿凹咗入去一樣。當然，賓科士打並冇明言佢喺咪真係有繼續練波，不過相信當時極大機會已經被球會職員阻止。賓科士打就稱讚呢位小將嘅拼搏精神，亦有網民認為佢係真漢子。
不過諗深一層，頭部撞傷可大可小，盲目吹捧呢種所謂嘅男子氣概真係好事？有球迷留言認為，球場上死亡事故已經夠多，生命應該高於足球，唔應該鼓勵呢種所謂「勇氣」，實在發人深省。
事實上，單係英超近年都發生過唔少頭部撞傷危及生命嘅事故，例如前車路士隊長泰利曾經喺足總盃對阿仙奴被踢中頭部，出現休克及抽搐症狀，佢事後回憶係被當時阿仙奴隊醫利雲救返一命；前車路士門將施治被膝撞導致頭部骨裂，幾乎喪命；前侯城中場賴恩美臣對車路士時撞傷頭部，頭骨爆裂，經多次手術及休養後，直接提早退役。
Source: DailyMail