祖亞倫又中伏！上年被甸尼「的」起，今年再被翻版「咬人蘇」襲擊
祖亞倫 (Joe Allen) 到底係黑仔王定特別惹火？呢位威爾斯中場近日喺英冠聯賽中，被對手施展「咬人蘇」式襲擊，其實今次已經唔係佢第一次成為類似行為嘅「受害者」。
最近一場英冠聯賽，史篤城對打比郡，上半場31分鐘，史篤城中場伊迪保 (Oghenekaro Etebo) 飛鏟領紅，雙方球員發生衝突，其中打比郡中場巴特利莊臣 (Bradley Johnson) 同史篤城嘅祖亞倫爭執時，懷疑咬向後者頸部位置，由於球證睇見祖亞倫先撞向對方，所以兩人齊齊被黃牌警告。
不過由慢鏡中可以睇到，巴特利莊臣肯定明顯曾經用牙撕扯祖亞倫衣領，其後又動作頗大地接近祖亞倫頸部，疑似「出口」襲擊佢頸部，若查明屬實，有機會因此被英格蘭足協秋後算賬處以停賽。
https://streamable.com/ecd4k(影片來源: https://youtu.be/eW5gmw1Drs0)
賽後，雙方領隊同樣嘗試淡化事件，打比郡主帥林伯特稱未有睇清楚事件經過，而史篤城主帥洛維特亦認為對手唔會咬人，又透露祖亞倫表示當時情況並冇睇落咁差。
曾經同「咬人蘇」蘇亞雷斯一齊效力利物浦嘅祖亞倫，之前亦曾經成為暴力行為嘅「受害者」。記得上季史篤城仲喺英超嘅時候，佢哋對住有「球場惡漢」甸尼嘅屈福特，祖亞倫又喺一次衝突中被甸尼揸住塊面成個人抽起，但同樣係兩人各取一面黃牌。
https://i.imgur.com/TnE82s7.gif
相信憑祖亞倫當時嘅回應，可以推斷佢間中就牽涉入類似事件，並非事有湊巧，因為祖亞倫雖然身型上人仔細細，但面對衝突時毫不畏懼，會主動為隊友出頭，甚至「撩交打」，佢當時講笑咁話：「我有一個壞習慣，就係成日揀錯對象打交。」，又大方表示甸尼喺場下都係一個好人，大家只係為比賽著緊。激情得嚟，真係做得到球場事球場了。
Source: Sky Sports、Sportbible
最近一場英冠聯賽，史篤城對打比郡，上半場31分鐘，史篤城中場伊迪保 (Oghenekaro Etebo) 飛鏟領紅，雙方球員發生衝突，其中打比郡中場巴特利莊臣 (Bradley Johnson) 同史篤城嘅祖亞倫爭執時，懷疑咬向後者頸部位置，由於球證睇見祖亞倫先撞向對方，所以兩人齊齊被黃牌警告。
不過由慢鏡中可以睇到，巴特利莊臣肯定明顯曾經用牙撕扯祖亞倫衣領，其後又動作頗大地接近祖亞倫頸部，疑似「出口」襲擊佢頸部，若查明屬實，有機會因此被英格蘭足協秋後算賬處以停賽。
https://streamable.com/ecd4k(影片來源: https://youtu.be/eW5gmw1Drs0)
賽後，雙方領隊同樣嘗試淡化事件，打比郡主帥林伯特稱未有睇清楚事件經過，而史篤城主帥洛維特亦認為對手唔會咬人，又透露祖亞倫表示當時情況並冇睇落咁差。
曾經同「咬人蘇」蘇亞雷斯一齊效力利物浦嘅祖亞倫，之前亦曾經成為暴力行為嘅「受害者」。記得上季史篤城仲喺英超嘅時候，佢哋對住有「球場惡漢」甸尼嘅屈福特，祖亞倫又喺一次衝突中被甸尼揸住塊面成個人抽起，但同樣係兩人各取一面黃牌。
https://i.imgur.com/TnE82s7.gif
相信憑祖亞倫當時嘅回應，可以推斷佢間中就牽涉入類似事件，並非事有湊巧，因為祖亞倫雖然身型上人仔細細，但面對衝突時毫不畏懼，會主動為隊友出頭，甚至「撩交打」，佢當時講笑咁話：「我有一個壞習慣，就係成日揀錯對象打交。」，又大方表示甸尼喺場下都係一個好人，大家只係為比賽著緊。激情得嚟，真係做得到球場事球場了。
Source: Sky Sports、Sportbible