曼聯深夜鬥阿仙奴 摩連奴超委屈：只有三名後衛可上陣
曼聯今季表現不穩，連帶主帥摩連奴賴以成名嘅穩健防守亦不復見，撇除有關摩連奴戰術是否過時、是否未能處理與球員關係等爭論，曼聯後場球員嘅級數同狀態的確對球隊戰績有影響，難怪摩連奴多次明示暗示球會應該為佢收購後衛。
周末於英超出擊，曼聯作客只可以後上逼和位處下游嘅修咸頓，「聖人」今季英超僅得一勝，近況水深火熱，但仍然一度領先曼聯2-0，最終曼聯雖然取回一分，但已連續3場聯賽不勝，14仗共失23球。曼聯領隊摩連奴出席對阿仙奴賽前記者會時就解釋，係同兵源短缺有關：「對修咸頓嗰場，我喺比賽前三個鐘頭，仍然唔知道有邊個可以上陣。」
對於出戰阿仙奴嘅陣容，摩連奴同樣表示唔清楚：「上場連我哋自己都唔知到有咩人會出，我哋要等最後消息先知邊個可以出，邊個唔可以出，我諗今次請況都係一樣。
如果你而家問我 (英國時間周二早上) ，我可以話俾你知史摩寧、拜利同鍾斯都踢唔到。連迪路夫同華倫西亞都唔會出到，梳爾就上陣成疑。達美安已經復出，不過仍然要觀察，或者我哋會好似上場咁，等到最後幾個鐘先決定。」加上艾殊利楊格停賽，《ESPN》相信曼聯今仗可用嘅後衛只有馬高斯盧祖、達美安及達洛特三人，隨時需要好似之前咁用麥湯文尼客串中堅。另一方面，曼聯前線同樣有傷兵，山齊士大腿受傷需要長唞，而拉舒福特亦因腳踝輕傷上陣成疑。
Source: ESPN
周末於英超出擊，曼聯作客只可以後上逼和位處下游嘅修咸頓，「聖人」今季英超僅得一勝，近況水深火熱，但仍然一度領先曼聯2-0，最終曼聯雖然取回一分，但已連續3場聯賽不勝，14仗共失23球。曼聯領隊摩連奴出席對阿仙奴賽前記者會時就解釋，係同兵源短缺有關：「對修咸頓嗰場，我喺比賽前三個鐘頭，仍然唔知道有邊個可以上陣。」
對於出戰阿仙奴嘅陣容，摩連奴同樣表示唔清楚：「上場連我哋自己都唔知到有咩人會出，我哋要等最後消息先知邊個可以出，邊個唔可以出，我諗今次請況都係一樣。
如果你而家問我 (英國時間周二早上) ，我可以話俾你知史摩寧、拜利同鍾斯都踢唔到。連迪路夫同華倫西亞都唔會出到，梳爾就上陣成疑。達美安已經復出，不過仍然要觀察，或者我哋會好似上場咁，等到最後幾個鐘先決定。」加上艾殊利楊格停賽，《ESPN》相信曼聯今仗可用嘅後衛只有馬高斯盧祖、達美安及達洛特三人，隨時需要好似之前咁用麥湯文尼客串中堅。另一方面，曼聯前線同樣有傷兵，山齊士大腿受傷需要長唞，而拉舒福特亦因腳踝輕傷上陣成疑。
Source: ESPN