費蘭甸奴世界盃陰影未散，為家人拒再代表巴西
為國家隊上陣對足球員嚟講係無上光榮，特別係喺巴西呢種傳統足球強國，不過喺光榮同責任以外，如果球員得到唔應用尊重，為國上陣可能變成一種負擔。曼城中場費蘭甸奴自世界盃後，未有重返巴西國家隊，正係基於上述原因。
2018俄羅斯世界盃，巴西喺八強面對比利時，由於巴西陣中首選防守中場、效力皇家馬德里嘅卡斯米路停賽，費蘭甸奴成為代替佢正選上陣嘅防守中場。有別於喺新科英超冠軍曼城嘅穩定演出，費蘭甸奴喺呢場比賽中表現堪稱災難，喺一次防守角球時擺烏龍只係不幸，但整場比賽完全冇做到中場屏障及控制節奏嘅工作。最終，巴西以1-2八強止步留下遺憾。
費蘭甸奴作為曼城陣中不可或缺嘅一塊拼圖，好難話佢本身能力極差，只係佢喺呢場波入面明顯有「生不逢時」嘅感覺，佢並冇卡斯米路嘅速率，但喺巴西當時戰術體系之下未有因應呢個位置調整，結果費蘭甸奴嘅弱點表露無遺，經常要單人匹馬面對比利時球員嘅正面突破，頻頻出醜，並非完全係佢嘅責任。
https://streamable.com/r98pj
不過，部分激進球迷唔會進行戰術分析，佢哋認定費蘭甸奴係巴西出局罪人，不但稱佢為「猴子」，更騷擾佢嘅家人。有報道指，費蘭甸奴太太收到唔少侮辱性短訊，內容令人不安。
巴西主帥迪堤近日接受訪問，表示自己十分渴望費蘭甸奴可以重返國家隊，但球員回覆指，已經答應家人唔再為巴西國家隊上陣：「喺世界盃過後，選球員時我第一個想打電詔通知嘅係費蘭甸奴，佢係第一位。不過發生喺佢家人身上嘅事太殘酷，佢已經向家人承諾唔會再返嚟。我親自去搵佢傾過，因為巴西隊對於擁有咁樣一位有尊嚴而專業嘅球員感到十分驕傲。我當然唔會蠢到要求一位唔情願嘅球員入伍，我希望佢改變主意，我會支持佢。」
當然，費蘭甸奴已經年屆33歲，為國上陣49次，即使以競技原因退出國家隊亦唔會令人驚訝。同時，巴西其實亦唔係視佢為核心球員，特別係近期選入拿玻里中場阿蘭 (或阿倫) 比起費蘭甸奴或者係更合適人選，但一位球員因為場外因素而選擇退隊，係令人惋惜嘅。
Source: AS、TheSun、FIFATV
2018俄羅斯世界盃，巴西喺八強面對比利時，由於巴西陣中首選防守中場、效力皇家馬德里嘅卡斯米路停賽，費蘭甸奴成為代替佢正選上陣嘅防守中場。有別於喺新科英超冠軍曼城嘅穩定演出，費蘭甸奴喺呢場比賽中表現堪稱災難，喺一次防守角球時擺烏龍只係不幸，但整場比賽完全冇做到中場屏障及控制節奏嘅工作。最終，巴西以1-2八強止步留下遺憾。
費蘭甸奴作為曼城陣中不可或缺嘅一塊拼圖，好難話佢本身能力極差，只係佢喺呢場波入面明顯有「生不逢時」嘅感覺，佢並冇卡斯米路嘅速率，但喺巴西當時戰術體系之下未有因應呢個位置調整，結果費蘭甸奴嘅弱點表露無遺，經常要單人匹馬面對比利時球員嘅正面突破，頻頻出醜，並非完全係佢嘅責任。
https://streamable.com/r98pj
不過，部分激進球迷唔會進行戰術分析，佢哋認定費蘭甸奴係巴西出局罪人，不但稱佢為「猴子」，更騷擾佢嘅家人。有報道指，費蘭甸奴太太收到唔少侮辱性短訊，內容令人不安。
巴西主帥迪堤近日接受訪問，表示自己十分渴望費蘭甸奴可以重返國家隊，但球員回覆指，已經答應家人唔再為巴西國家隊上陣：「喺世界盃過後，選球員時我第一個想打電詔通知嘅係費蘭甸奴，佢係第一位。不過發生喺佢家人身上嘅事太殘酷，佢已經向家人承諾唔會再返嚟。我親自去搵佢傾過，因為巴西隊對於擁有咁樣一位有尊嚴而專業嘅球員感到十分驕傲。我當然唔會蠢到要求一位唔情願嘅球員入伍，我希望佢改變主意，我會支持佢。」
當然，費蘭甸奴已經年屆33歲，為國上陣49次，即使以競技原因退出國家隊亦唔會令人驚訝。同時，巴西其實亦唔係視佢為核心球員，特別係近期選入拿玻里中場阿蘭 (或阿倫) 比起費蘭甸奴或者係更合適人選，但一位球員因為場外因素而選擇退隊，係令人惋惜嘅。
Source: AS、TheSun、FIFATV