普捷天奴證實熱刺將延長艾達韋列特合約一年，自動新增解約金條款至季尾
熱刺一對中堅艾達韋列特 (Toby Alderweireld) 以及維頓漢 (Jan Vertonghen) 合約本來將於2019年夏天屆滿，兩位比利時中堅仍然對球隊十分重要，不過佢哋一直受到其他球隊追求，因此盡快處理佢哋嘅去留問題係熱刺主要工作之一，球會早前已經率先啟動維頓漢合約中延期一年嘅條款，主帥普捷天奴最近證實將會對艾達韋列特採取同樣動作。
傳聞中一直有球隊覬覦29歲嘅艾達韋列特，而球隊喺近年了無寸進之下，容易令球員出外尋求新挑戰，似乎因此艾達韋列特及維頓漢嘅合約先會拖到最後一年仍未解決，而兩者已經分別29及31歲，前者顯然需要把握最後一個機會爭取優厚待遇或再去其他大球會闖盪，後者就有較大機會同球會簽下新合約。
被問到會唔會好似維頓漢嘅例子咁啟動延期條款，普捷天奴就坦言一定會：「冇錯，肯定會。呢個係好明顯嘅事，情況同維頓漢一樣。」
根據《BBC》報導，一旦熱刺啟動艾達韋列特合約延期一年至2020年嘅條款，合約中將會自動新增解約金條款 (release clause) ，只要其他球隊於2019年夏天轉會窗，截止日14天之前提出 2,500萬鎊報價，就可以將艾達韋列特帶走。
《Sky Sports》指，艾達韋列特喺2018夏季轉會窗都曾經被熱刺標價 2,500萬鎊，雖然有眾多傳聞，但《Sky Sports》消息相信艾達韋列特自2015年由馬德里體育會加盟以嚟，從未收到來自其他球會嘅正式報價。
Source: BBC、Sky Sports
傳聞中一直有球隊覬覦29歲嘅艾達韋列特，而球隊喺近年了無寸進之下，容易令球員出外尋求新挑戰，似乎因此艾達韋列特及維頓漢嘅合約先會拖到最後一年仍未解決，而兩者已經分別29及31歲，前者顯然需要把握最後一個機會爭取優厚待遇或再去其他大球會闖盪，後者就有較大機會同球會簽下新合約。
被問到會唔會好似維頓漢嘅例子咁啟動延期條款，普捷天奴就坦言一定會：「冇錯，肯定會。呢個係好明顯嘅事，情況同維頓漢一樣。」
根據《BBC》報導，一旦熱刺啟動艾達韋列特合約延期一年至2020年嘅條款，合約中將會自動新增解約金條款 (release clause) ，只要其他球隊於2019年夏天轉會窗，截止日14天之前提出 2,500萬鎊報價，就可以將艾達韋列特帶走。
《Sky Sports》指，艾達韋列特喺2018夏季轉會窗都曾經被熱刺標價 2,500萬鎊，雖然有眾多傳聞，但《Sky Sports》消息相信艾達韋列特自2015年由馬德里體育會加盟以嚟，從未收到來自其他球會嘅正式報價。
Source: BBC、Sky Sports