加拉塔沙雷中堅Sick Leave，妻子po相揭發赴馬爾代夫度假超愜意
子華神話齋：「若要人不知，唔好太低B。」職場上，你總會遇到一啲同事明目張膽喺幾日紅日中間拎個sick leave 連放成個星期，真係傻嘅都知你詐病去旅行，仲要喺 Ig、Facebook 上面post相驚死人唔知咁，到底佢哋真係咁天真，定係根本唔怕你發現呢？真係睇唔透……不過原來土超班霸加拉塔沙雷陣中都有個懷疑係咁嘅人。
28歲土耳其中堅沙達阿斯斯 (Serdar Aziz) 效力加拉塔沙雷，佢係球隊主力中堅之一，今季除咗受傷、停賽之外，17輪土超正選上陣10場，歐聯除傷停缺陣外全部打足。阿斯斯喺12月23日本來需要為球隊上陣對施華斯，佢報稱因為腸胃不適而無法上陣。
疑似詐病
不過，佢太太喺最近 post 出 ig story，陽光與海灘，話自己喺馬爾代夫度假過聖誕，仲影到阿斯斯。土耳其同位於印度洋嘅馬爾代夫群島相距超過6,000公里，飛行時間大約需要8小時，有人推算過阿斯斯應該最少喺上述比賽之後幾個鐘頭內就起程，肚痛緊仲去咁遠旅行，真係信不信由你。
當然，平時 sick leave 仲po相影自己行街睇戲食飯食甜品嘅人都會話，就算病都要食嘢之類，又唔可以話佢哋錯晒，的確病咗返唔到工都有可能會去玩嘅，所以絕對唔係要公審人sick leave去玩，問題係po相嘅動機真係令人不解。
合理疑點
雖然喺呢輪比賽之後，土超就會進入歇冬期，加拉塔沙雷下一場比賽係1月12日友賽RB萊比錫，所以阿斯斯有可能喺比賽之前剛好有少少唔舒服而缺陣，遠行搭飛機同比賽唔同，身體仲可以應付到，去到馬爾代夫之後已經好轉，咁橫掂都係歇冬期，放假玩下都好正常，呢一點係對阿斯斯有利嘅。
另外，必須指出一點，小弟喺報導中未有發現阿斯斯「被打卡」嘅確切日期時間，因為嗰張相係ig story，而家已經搵唔返，網上cap圖亦未見到有確切日期時間，話佢喺比賽當日出發只係一面之辭。如果單由佢太太第一張身處馬爾代夫嘅打卡相推斷，只可以肯定佢最遲喺土耳其時間12月24日出發，咁佢肚痛完好返再出發嘅機會就存在。
不過球迷可能都會諗到，通常球隊比賽之後第二日都會有訓練，同時聯賽歇冬期唔代表整段時間都唔訓練，即係阿斯斯應該缺席咗訓練，另一方面佢要搭飛機去馬爾代夫相信都唔係知道自己肚痛缺陣後即興起行，就算有私人飛機都要提早安排啩？佢「肚痛」會唔會係早有預謀？
轉會疑雲
不過，網上有球迷就表示不解，因為阿斯斯之前曾經試過喺撞傷鼻骨之下，帶傷上陣近半季，認為佢唔似會詐病去旅行；亦有球迷認為今次事件係為轉會而生嘅鬧劇，因為傳聞加拉塔沙雷得知事件後將佢列入放售名單，而佢最近同時牽涉入多宗轉會傳聞，如費倫巴治、比錫達斯等，會唔會係同佢部署轉會有關呢？呢點就要留意一月轉會窗先知喇。
點都好，打工仔有時想偷懶都係人之常情，不過最好唔好咁明目張膽po相，就算同事老闆心裡有數，你都冇理由主動搞寸個party，另外最容易中伏嘅係唔記得叮囑同行好友千祈唔好po相同tag自己，豬隊友永遠可以殺人於無形。雖然今次事件冇證據100%顯示阿斯斯詐病，不過小弟想講嘅係無論真病定假病，我都一定唔會po相，識做人一定係咁做，瓜田李下，何必令自己被人懷疑呢？不過如果講到尾原來係轉會陰謀，咁就高招喇。
Source: Sportbible、Sun
28歲土耳其中堅沙達阿斯斯 (Serdar Aziz) 效力加拉塔沙雷，佢係球隊主力中堅之一，今季除咗受傷、停賽之外，17輪土超正選上陣10場，歐聯除傷停缺陣外全部打足。阿斯斯喺12月23日本來需要為球隊上陣對施華斯，佢報稱因為腸胃不適而無法上陣。
疑似詐病
不過，佢太太喺最近 post 出 ig story，陽光與海灘，話自己喺馬爾代夫度假過聖誕，仲影到阿斯斯。土耳其同位於印度洋嘅馬爾代夫群島相距超過6,000公里，飛行時間大約需要8小時，有人推算過阿斯斯應該最少喺上述比賽之後幾個鐘頭內就起程，肚痛緊仲去咁遠旅行，真係信不信由你。
當然，平時 sick leave 仲po相影自己行街睇戲食飯食甜品嘅人都會話，就算病都要食嘢之類，又唔可以話佢哋錯晒，的確病咗返唔到工都有可能會去玩嘅，所以絕對唔係要公審人sick leave去玩，問題係po相嘅動機真係令人不解。
合理疑點
雖然喺呢輪比賽之後，土超就會進入歇冬期，加拉塔沙雷下一場比賽係1月12日友賽RB萊比錫，所以阿斯斯有可能喺比賽之前剛好有少少唔舒服而缺陣，遠行搭飛機同比賽唔同，身體仲可以應付到，去到馬爾代夫之後已經好轉，咁橫掂都係歇冬期，放假玩下都好正常，呢一點係對阿斯斯有利嘅。
另外，必須指出一點，小弟喺報導中未有發現阿斯斯「被打卡」嘅確切日期時間，因為嗰張相係ig story，而家已經搵唔返，網上cap圖亦未見到有確切日期時間，話佢喺比賽當日出發只係一面之辭。如果單由佢太太第一張身處馬爾代夫嘅打卡相推斷，只可以肯定佢最遲喺土耳其時間12月24日出發，咁佢肚痛完好返再出發嘅機會就存在。
不過球迷可能都會諗到，通常球隊比賽之後第二日都會有訓練，同時聯賽歇冬期唔代表整段時間都唔訓練，即係阿斯斯應該缺席咗訓練，另一方面佢要搭飛機去馬爾代夫相信都唔係知道自己肚痛缺陣後即興起行，就算有私人飛機都要提早安排啩？佢「肚痛」會唔會係早有預謀？
轉會疑雲
不過，網上有球迷就表示不解，因為阿斯斯之前曾經試過喺撞傷鼻骨之下，帶傷上陣近半季，認為佢唔似會詐病去旅行；亦有球迷認為今次事件係為轉會而生嘅鬧劇，因為傳聞加拉塔沙雷得知事件後將佢列入放售名單，而佢最近同時牽涉入多宗轉會傳聞，如費倫巴治、比錫達斯等，會唔會係同佢部署轉會有關呢？呢點就要留意一月轉會窗先知喇。
點都好，打工仔有時想偷懶都係人之常情，不過最好唔好咁明目張膽po相，就算同事老闆心裡有數，你都冇理由主動搞寸個party，另外最容易中伏嘅係唔記得叮囑同行好友千祈唔好po相同tag自己，豬隊友永遠可以殺人於無形。雖然今次事件冇證據100%顯示阿斯斯詐病，不過小弟想講嘅係無論真病定假病，我都一定唔會po相，識做人一定係咁做，瓜田李下，何必令自己被人懷疑呢？不過如果講到尾原來係轉會陰謀，咁就高招喇。
Source: Sportbible、Sun