返巴西大戰女花式足球員，尼馬「足球乒乓」唔夠揪
巴西球星尼馬腳下功夫相信唔使懷疑，因為佢經常喺比賽中都用花巧招數過人，森巴味十足。不過，原來咁好波嘅球星，都可能不敵女花式足球員，真係巾幗不讓鬚眉。
正值法甲進入歇冬期，PSG球星尼馬喺聖誕假期返到巴西過節，相信生於南美嘅佢都想順便返去避寒，享受陽光與海灘，同埋陪伴家人。佢最近就喺巴西東南部城市Guaruja，同女子世界花式足球球星 Natalia Guitler 喺「足球乒乓」波檯上一決雌雄。
尼馬同 Natalia Guitler 玩嘅遊戲正式名稱叫做 Teqball ，係兩個人隔住一張特別設計嘅乒乓波檯，用類似打乒乓波嘅方式踢足球，足球出界或者落地就輸，但參賽者可以多次觸球。尼馬作為踢法比較花巧嘅職業足球員，都已經施展出渾身解數，但似乎呢項比賽有特別嘅技巧，結果花式足球員出身嘅 Natalia Guitler 表現得更好。唔知尼馬喺鏡頭背後同對手大戰咗幾多回合，不過喺片段中，佢起碼失咗三球，但 Natalia 只係失咗一球。
去到另一場雙打比賽，Natalia Guitler 都係一樣表現超班。
Natalia Guitler 係一名花式足球員，亦有參加「足排球」 (Footvolley) 等運動，獲獎無數，尼馬搵佢挑機可以話係搵錯對手。
講返喺球場上嘅表現，尼馬今季表現十分出色，聯賽12場入11球、6助攻，歐聯6場入5球2助攻，效率驚人，坊間有傳聞指佢有可能回歸巴塞隆拿，甚至指皇家馬德里仍然對佢有興趣。
Source: Marca
正值法甲進入歇冬期，PSG球星尼馬喺聖誕假期返到巴西過節，相信生於南美嘅佢都想順便返去避寒，享受陽光與海灘，同埋陪伴家人。佢最近就喺巴西東南部城市Guaruja，同女子世界花式足球球星 Natalia Guitler 喺「足球乒乓」波檯上一決雌雄。
尼馬同 Natalia Guitler 玩嘅遊戲正式名稱叫做 Teqball ，係兩個人隔住一張特別設計嘅乒乓波檯，用類似打乒乓波嘅方式踢足球，足球出界或者落地就輸，但參賽者可以多次觸球。尼馬作為踢法比較花巧嘅職業足球員，都已經施展出渾身解數，但似乎呢項比賽有特別嘅技巧，結果花式足球員出身嘅 Natalia Guitler 表現得更好。唔知尼馬喺鏡頭背後同對手大戰咗幾多回合，不過喺片段中，佢起碼失咗三球，但 Natalia 只係失咗一球。
去到另一場雙打比賽，Natalia Guitler 都係一樣表現超班。
Natalia Guitler 係一名花式足球員，亦有參加「足排球」 (Footvolley) 等運動，獲獎無數，尼馬搵佢挑機可以話係搵錯對手。
講返喺球場上嘅表現，尼馬今季表現十分出色，聯賽12場入11球、6助攻，歐聯6場入5球2助攻，效率驚人，坊間有傳聞指佢有可能回歸巴塞隆拿，甚至指皇家馬德里仍然對佢有興趣。
Source: Marca