被傳接觸拉比奧特恐違規，巴塞發聲明澄清：八月及上星期曾與PSG接觸，未與球員達成協議
巴黎聖日耳門中場拉比奧特離隊幾近已成定局，呢位法國國腳同利物浦、阿仙奴等英超球會早已傳出「緋聞」，不過近期法國傳媒大肆報道，指拉比奧特已經同西甲球會巴塞隆拿達成協議，巴塞會方隨即發出聲明澄清，但同時無奈「自爆」兩次求購拉比奧特。
23歲嘅拉比奧特由青年軍時期起已經效力PSG，不過佢已經拒絕與球會續約，或者同主帥杜曹上任及球會對佢嘅定位有關，早前巴黎聖日耳門體育總監 Antero Henrique 向傳媒證實，拉比奧特肯定唔會同球會續約，因此佢將可以於2019年夏天自由身離隊。體育總監同時表示，認為拉比奧特及經理人近半年嚟誤導球會，令球會一直誤以為佢將會簽下長約，結果令球會措手不及，認為呢個處理方式對於球會同球迷相當唔尊重，佢將會被無限期「雪藏」。
當然，PSG大可以喺一月轉會窗將佢賣走，以免人財兩失，但同時PSG絕對有底氣將佢硬留至季尾約滿。最近，更傳出主帥杜曹為免影響軍心，禁止拉比奧特於比賽日進入更衣室。從雙方關係惡化情況嚟睇，PSG可能會選擇用後一種處理方式，一拍兩散。
另一方面，法國傳媒指出，巴塞隆拿已經私下接觸拉比奧特，並達成協議，邀請佢喺一月加盟。不過，如果報道屬實，巴塞於2018年12月31日前私下接觸拉比奧特，可能會被控違例接觸球員而被處罰。根據 FIFA 國際足協規定，球員於合約已到期，或到期前半年內，可以與其他球會私下接觸並簽約。因此，巴塞只可以於一月轉會窗開啟後，先可以繞過PSG直接同球員談判。事實上，巴塞曾經因為違反18歲以下球員國際轉會規則，於2014年被下達一年轉會禁令。
為免惹上麻煩，巴塞於發出12月30日發出官方聲明澄清：「巴塞隆拿球會希望回應法國傳媒對本會與巴黎聖日耳門球員簽約的消息，澄清本會並未違反任何規定。
本會僅曾於八月及上星期作出有關接觸，兩次接觸對象同樣是巴黎聖日耳門體育管理部門，以表達巴塞隆拿對該名球員的興趣。
巴塞隆拿一直嘗試在轉會事務上與PSG及其他球會保持最大的透明度。
巴塞隆拿否認與拉比奧特之間存在任何形式的協議。」
(https://www.fcbarcelona.com/en/club/news/961776/fc-barcelona-statement-on-psg-and-rabiot)
起碼，聲明證實巴塞近來一直嘗試將拉比奧特引入球會，未知巴塞球迷點樣看待呢筆交易嘅前景？拉比奧特會成為布斯基斯接班人嗎？
Source: Sky Sports、BBC
23歲嘅拉比奧特由青年軍時期起已經效力PSG，不過佢已經拒絕與球會續約，或者同主帥杜曹上任及球會對佢嘅定位有關，早前巴黎聖日耳門體育總監 Antero Henrique 向傳媒證實，拉比奧特肯定唔會同球會續約，因此佢將可以於2019年夏天自由身離隊。體育總監同時表示，認為拉比奧特及經理人近半年嚟誤導球會，令球會一直誤以為佢將會簽下長約，結果令球會措手不及，認為呢個處理方式對於球會同球迷相當唔尊重，佢將會被無限期「雪藏」。
當然，PSG大可以喺一月轉會窗將佢賣走，以免人財兩失，但同時PSG絕對有底氣將佢硬留至季尾約滿。最近，更傳出主帥杜曹為免影響軍心，禁止拉比奧特於比賽日進入更衣室。從雙方關係惡化情況嚟睇，PSG可能會選擇用後一種處理方式，一拍兩散。
另一方面，法國傳媒指出，巴塞隆拿已經私下接觸拉比奧特，並達成協議，邀請佢喺一月加盟。不過，如果報道屬實，巴塞於2018年12月31日前私下接觸拉比奧特，可能會被控違例接觸球員而被處罰。根據 FIFA 國際足協規定，球員於合約已到期，或到期前半年內，可以與其他球會私下接觸並簽約。因此，巴塞只可以於一月轉會窗開啟後，先可以繞過PSG直接同球員談判。事實上，巴塞曾經因為違反18歲以下球員國際轉會規則，於2014年被下達一年轉會禁令。
為免惹上麻煩，巴塞於發出12月30日發出官方聲明澄清：「巴塞隆拿球會希望回應法國傳媒對本會與巴黎聖日耳門球員簽約的消息，澄清本會並未違反任何規定。
本會僅曾於八月及上星期作出有關接觸，兩次接觸對象同樣是巴黎聖日耳門體育管理部門，以表達巴塞隆拿對該名球員的興趣。
巴塞隆拿一直嘗試在轉會事務上與PSG及其他球會保持最大的透明度。
巴塞隆拿否認與拉比奧特之間存在任何形式的協議。」
(https://www.fcbarcelona.com/en/club/news/961776/fc-barcelona-statement-on-psg-and-rabiot)
起碼，聲明證實巴塞近來一直嘗試將拉比奧特引入球會，未知巴塞球迷點樣看待呢筆交易嘅前景？拉比奧特會成為布斯基斯接班人嗎？
Source: Sky Sports、BBC