【死性不改】朗尼被揭12月中於飛機上醉酒，抵美國機場被捕
英格蘭前鋒朗尼於2018年夏天轉投美職聯球隊華盛頓聯，以半季協助呢支首都球隊由榜尾殺入季後賽，絕對係星級表現。不過於球場之外，佢就改唔到喺唔適當嘅時候飲酒呢個惡習，仲喺機場被捕。
《Sky Sports》報導，華盛頓聯 MVP 朗尼喺2018年12月16日，於華盛頓機場被警方拘補，朗尼已於上星期五繳交罰款，令原定於今月24日舉行嘅聆訊取消，事件告一段落。朗尼亦透過發言人解釋事件。
綜合報導消息，朗尼事發前到沙地阿拉伯出席一個商務推廣活動，結束後乘坐飛機返回華盛頓，航班抵埗時，朗尼被發現神智不清，警方到場後，以公眾地方醉酒及辱罵他人為由將佢拘捕。朗尼一度被帶到羈留所，及後獲准保釋離去。消息指朗尼被罰款$25及$91美元，由於佢喺上星期五已繳交罰款，唔需要上庭應訊。
朗尼透過發言人發表聲明，指當時喺飛機上服用處方安眠藥，加上飲用酒精飲品，導致抵埗時神智不清，因此被警方拘捕，及於短時間內獲釋，朗尼讚揚相關人士嘅處理方式及態度，唔會再公開評論事件。華盛頓聯球會發言人就指，今次屬於私人事件，球會將會喺內部處理。
朗尼加盟華盛頓聯後20場比賽射入12球，更協助球隊由榜尾升至東岸第4位兼殺入季後賽，可惜於首圈互射12碼被哥倫布機員淘汰，但佢嘅表現已經令佢成為球會季度MVP及入選MLS季度最佳11人。
球場以外，朗尼已非第一次因醉酒惹禍，佢喺2017年9月承認一項醉酒駕駛控罪，當時佢駕駛一名女性嘅座駕超速三倍被截停，於英國被罰停牌2年及100小時社會服務令。
Source: Sky Sports、Sky Sports
《Sky Sports》報導，華盛頓聯 MVP 朗尼喺2018年12月16日，於華盛頓機場被警方拘補，朗尼已於上星期五繳交罰款，令原定於今月24日舉行嘅聆訊取消，事件告一段落。朗尼亦透過發言人解釋事件。
綜合報導消息，朗尼事發前到沙地阿拉伯出席一個商務推廣活動，結束後乘坐飛機返回華盛頓，航班抵埗時，朗尼被發現神智不清，警方到場後，以公眾地方醉酒及辱罵他人為由將佢拘捕。朗尼一度被帶到羈留所，及後獲准保釋離去。消息指朗尼被罰款$25及$91美元，由於佢喺上星期五已繳交罰款，唔需要上庭應訊。
朗尼透過發言人發表聲明，指當時喺飛機上服用處方安眠藥，加上飲用酒精飲品，導致抵埗時神智不清，因此被警方拘捕，及於短時間內獲釋，朗尼讚揚相關人士嘅處理方式及態度，唔會再公開評論事件。華盛頓聯球會發言人就指，今次屬於私人事件，球會將會喺內部處理。
朗尼加盟華盛頓聯後20場比賽射入12球，更協助球隊由榜尾升至東岸第4位兼殺入季後賽，可惜於首圈互射12碼被哥倫布機員淘汰，但佢嘅表現已經令佢成為球會季度MVP及入選MLS季度最佳11人。
球場以外，朗尼已非第一次因醉酒惹禍，佢喺2017年9月承認一項醉酒駕駛控罪，當時佢駕駛一名女性嘅座駕超速三倍被截停，於英國被罰停牌2年及100小時社會服務令。
Source: Sky Sports、Sky Sports