近半季狂取64黃5紅，前英超壞孩子教波成全聯賽最「辣」球隊
老套一句「踢而優則教」，並非球壇鐵律，事實上就有好多世界級球員未能成為世界級教練，亦有好多平平無奇嘅球員成為頂級教練，近年更加有成功嘅學院派教練出現。至於點樣為之一個成功嘅教練，有好多準則，成績當然係一大考慮，但個人認為，如果一位教練可以為球隊注入鮮明嘅戰術風格，一睇隊波就知係佢教，都算係另類嘅成功，咁以下呢位前英格蘭中場又算唔算成功呢？
球員成為教練之後，好多時都未必做得到將自己球員時期風格帶落執教嘅球隊，例如一位著名後衛教波時，球隊未能擁有穩固防守，著名前鋒執教球隊進攻乏力，例子多不勝數。今次要同大家分享嘅故事主人翁，祖爾巴頓 (Joey Barton) 偏偏就做得到，不過係另類嗰隻。
祖爾巴頓球員時代於曼城出道，之後輾轉踢過紐卡素、昆士柏流浪、馬賽、般尼、格拉斯哥流浪等著名球會，生涯只有一次英格蘭大國腳上陣紀錄。論技術，呢位防守型中場球員以攔截及跑動覆蓋見稱，係可靠嘅中場屏障，根據著名數據統計機構 Opta 嘅數據，祖爾巴頓喺2004-05球季獲評為英超10大攔截王之一。不過老實講，祖爾巴頓令人印象最深刻嘅應該係球風驃悍同紀律問題，多於佢嘅防守技術。佢不但喺場內經常魯莽犯規、惡意犯規，喺場外亦麻煩多多。場內，祖爾巴頓試過喺2011-12球季對曼城時肘擊迪維斯領紅，離場時再襲擊阿古路及甘賓尼，被罰停賽12場；場外，佢曾被英格蘭足協揭發身為職業球員賭波逾千次而被罰停賽，係典型嘅球壇「壞孩子」。
估唔到，呢位「壞孩子」乘長期停賽期間部署執教工作，2018-19球季索性高掛球靴，出任英甲球隊費列活特 (Fleetwood Town) 主帥，而家只係36歲，屬於球壇少帥。球隊暫時戰績平平，27場聯賽取得9勝8和10負，以35分排第10位，若要爭取升班，同附加賽區域相差12分，不過球隊就喺一項數字上成為英甲之冠。
單論黃牌、紅牌數目，費列活特暫時27場取得55面黃牌，屬英甲第5多，5面紅牌 (連同兩黃一紅) 屬於英甲第2多。根據《Transfermarkt》計算公平競技分數 (fairplay points)，黃牌計1分、兩黃一紅計3分、直紅計5分，分數越高代表最「矛」，費列活特分數屬英甲第3高，亦係英格蘭四級職業聯賽中嘅前列分子，但就不如少賽一輪仍高據呢項數據「榜首」嘅新特蘭，黑貓今季共有6次直接取得紅牌。不過呢個數據未有計算犯規方式，根據傳媒喺足協網站取得嘅資料，訂出一項統計紀律問題嘅方法，一般黃牌4分、兩黃一紅10分、阻止進球機會被逐10分、暴力行為/嚴重犯規/吐口水/攻擊行為/侮辱行為12分，費列活特就以310分成為英甲之最，英甲紀律最差球隊，緊隨其後嘅係巴拉福特，有294分。
的確，祖爾巴頓執教之下，費列活特球員承襲咗佢勇悍嘅球風，同時祖爾巴頓自己亦「以身作則」，最近先因為向球證發表不當言論而被罰停賽，2018年12月22日，費列活特作客布里斯托流浪，共有6名費列活特球員取得黃牌，陣中射手伊雲斯更因肢體衝突而領紅被逐，結果球隊10人應戰，補時階段失守，輸1-2而回，祖爾巴頓比賽期間行為不檢被趕上看台，但佢賽後仍然公開炮轟球證執法水準係一生見過最差。雖然球員伊雲斯最終紅牌上訴得直，但祖爾巴頓仍要被罰停賽。
Source: Sportbible、BBC、Fox
球員成為教練之後，好多時都未必做得到將自己球員時期風格帶落執教嘅球隊，例如一位著名後衛教波時，球隊未能擁有穩固防守，著名前鋒執教球隊進攻乏力，例子多不勝數。今次要同大家分享嘅故事主人翁，祖爾巴頓 (Joey Barton) 偏偏就做得到，不過係另類嗰隻。
祖爾巴頓球員時代於曼城出道，之後輾轉踢過紐卡素、昆士柏流浪、馬賽、般尼、格拉斯哥流浪等著名球會，生涯只有一次英格蘭大國腳上陣紀錄。論技術，呢位防守型中場球員以攔截及跑動覆蓋見稱，係可靠嘅中場屏障，根據著名數據統計機構 Opta 嘅數據，祖爾巴頓喺2004-05球季獲評為英超10大攔截王之一。不過老實講，祖爾巴頓令人印象最深刻嘅應該係球風驃悍同紀律問題，多於佢嘅防守技術。佢不但喺場內經常魯莽犯規、惡意犯規，喺場外亦麻煩多多。場內，祖爾巴頓試過喺2011-12球季對曼城時肘擊迪維斯領紅，離場時再襲擊阿古路及甘賓尼，被罰停賽12場；場外，佢曾被英格蘭足協揭發身為職業球員賭波逾千次而被罰停賽，係典型嘅球壇「壞孩子」。
估唔到，呢位「壞孩子」乘長期停賽期間部署執教工作，2018-19球季索性高掛球靴，出任英甲球隊費列活特 (Fleetwood Town) 主帥，而家只係36歲，屬於球壇少帥。球隊暫時戰績平平，27場聯賽取得9勝8和10負，以35分排第10位，若要爭取升班，同附加賽區域相差12分，不過球隊就喺一項數字上成為英甲之冠。
單論黃牌、紅牌數目，費列活特暫時27場取得55面黃牌，屬英甲第5多，5面紅牌 (連同兩黃一紅) 屬於英甲第2多。根據《Transfermarkt》計算公平競技分數 (fairplay points)，黃牌計1分、兩黃一紅計3分、直紅計5分，分數越高代表最「矛」，費列活特分數屬英甲第3高，亦係英格蘭四級職業聯賽中嘅前列分子，但就不如少賽一輪仍高據呢項數據「榜首」嘅新特蘭，黑貓今季共有6次直接取得紅牌。不過呢個數據未有計算犯規方式，根據傳媒喺足協網站取得嘅資料，訂出一項統計紀律問題嘅方法，一般黃牌4分、兩黃一紅10分、阻止進球機會被逐10分、暴力行為/嚴重犯規/吐口水/攻擊行為/侮辱行為12分，費列活特就以310分成為英甲之最，英甲紀律最差球隊，緊隨其後嘅係巴拉福特，有294分。
的確，祖爾巴頓執教之下，費列活特球員承襲咗佢勇悍嘅球風，同時祖爾巴頓自己亦「以身作則」，最近先因為向球證發表不當言論而被罰停賽，2018年12月22日，費列活特作客布里斯托流浪，共有6名費列活特球員取得黃牌，陣中射手伊雲斯更因肢體衝突而領紅被逐，結果球隊10人應戰，補時階段失守，輸1-2而回，祖爾巴頓比賽期間行為不檢被趕上看台，但佢賽後仍然公開炮轟球證執法水準係一生見過最差。雖然球員伊雲斯最終紅牌上訴得直，但祖爾巴頓仍要被罰停賽。
Source: Sportbible、BBC、Fox