前世界最佳左閘A高重返英格蘭球壇，林柏特力邀加盟打比郡再續前緣
前英格蘭國腳艾殊利高爾已經從球迷目光中淡出，因為佢喺2016年1月登陸美職聯MLS球隊洛杉磯銀河後，穩定落嚟已經過咗三個球季，自然少咗人留意佢嘅消息，但呢位38歲左後衛原來仲未有打算退落嚟，根據最近多個可靠消息報導，佢作出令人意外嘅決定，正部署重返英格蘭球壇。
艾殊利高爾喺2016年1月加盟洛杉磯銀河，可惜呢支喺2011-14年間4季取得3個美職總冠軍嘅球隊，近年部入衰退，自2014年後已無緣總冠軍，近兩季更無法打入季後賽，「A高」效力三季都未有贏取任何錦標。縱使到2018球季仍然屬於球隊主力，「A高」同球隊喺季尾約滿後分道揚鑣，佢自球隊喺2018年11月完成合約後努力保持身體狀態，希望喺今個一月轉會窗中繼續搵班落。
根據《Sky Sports》及《BBC》等可靠消息報導，「A高」好有可能重返英格蘭球壇，佢正與英冠球隊打比郡商討合約，成事的話將會效力至少半季。「A高」考慮加盟打比郡，而打比郡考慮簽入「A高」，最大原因當然係打比郡現時由車路士名宿林柏特領軍，林柏特認為自由身嘅舊隊友「A高」係可以幫助球隊衝擊英超席位嘅人選，據聞已經說服嚴控球會財政嘅班主允許向「A高」開出條件。
艾殊利高爾於阿仙奴出道，係2003-04球季不敗奪冠成員，2006-07球季轉投車路士，與林柏特合作長達8個球季，二人協助球隊取得2011-12歐聯冠軍，亦喺英格蘭國家隊合作多年。艾殊利高爾被評為同代世界最佳左後衛。打比郡喺27輪過後，暫時排英冠第6位，僅僅以2分優勢守住升班附加賽席位，但英冠比賽多達46輪，餘下19輪比賽仍可出現不少變數。
Source: Sky Sports、BBC、Guardian
艾殊利高爾喺2016年1月加盟洛杉磯銀河，可惜呢支喺2011-14年間4季取得3個美職總冠軍嘅球隊，近年部入衰退，自2014年後已無緣總冠軍，近兩季更無法打入季後賽，「A高」效力三季都未有贏取任何錦標。縱使到2018球季仍然屬於球隊主力，「A高」同球隊喺季尾約滿後分道揚鑣，佢自球隊喺2018年11月完成合約後努力保持身體狀態，希望喺今個一月轉會窗中繼續搵班落。
根據《Sky Sports》及《BBC》等可靠消息報導，「A高」好有可能重返英格蘭球壇，佢正與英冠球隊打比郡商討合約，成事的話將會效力至少半季。「A高」考慮加盟打比郡，而打比郡考慮簽入「A高」，最大原因當然係打比郡現時由車路士名宿林柏特領軍，林柏特認為自由身嘅舊隊友「A高」係可以幫助球隊衝擊英超席位嘅人選，據聞已經說服嚴控球會財政嘅班主允許向「A高」開出條件。
艾殊利高爾於阿仙奴出道，係2003-04球季不敗奪冠成員，2006-07球季轉投車路士，與林柏特合作長達8個球季，二人協助球隊取得2011-12歐聯冠軍，亦喺英格蘭國家隊合作多年。艾殊利高爾被評為同代世界最佳左後衛。打比郡喺27輪過後，暫時排英冠第6位，僅僅以2分優勢守住升班附加賽席位，但英冠比賽多達46輪，餘下19輪比賽仍可出現不少變數。
Source: Sky Sports、BBC、Guardian