曼聯名宿史高斯準備開展領隊生涯 競逐英乙兒時愛隊帥位
好多時「踢而優則教」只係美麗嘅誤會，因為執教一支頂級聯賽球隊有太多方面要兼顧，陣容管理、更衣室問題、戰術、與管理層關係等，都唔係教練本身好波就一定可以解決，但失敗嘅例子亦有可能係因為起步點太高，作為初出道嘅教練就去擔任頂級聯賽球隊主帥，自然壓力極大，失敗機會亦更高。咁講法，可能史高斯選擇喺英乙出發係一個明智決定。
根據《BBC》報導，曼聯名宿史高斯正準備開展領隊生涯，目標係英乙球隊奧咸 (Oldham Athletic) ，雙方正進行談判，成事機會頗高。現年44歲嘅史高斯退役後經常喺電視台擔任評述員，但就未曾出任職業球隊主帥，佢曾經喺2015年短暫出任與「92班」共同擁有嘅球隊沙福城 (Salford City) 看守領隊，球隊仍處於非職業聯賽級別，史高斯亦曾經加入曼聯教練團。
《Sky Sports》報導指，奧咸係史高斯兒時支持嘅球隊，佢後來除咗仍會不時入場支持之外，2017年10月已經參加過奧咸主帥面試，但當時奧咸當時決定聘用另一位前曼聯球員韋倫斯 (Richie Wellens) ，韋倫斯球員生涯曾經效力奧咸，2017-18球季出任奧咸主帥，但因球隊由英甲降班而被炒，今季出任英乙史雲頓主帥。
奧咸今季本來由 Frankie Bunn 領軍，但佢喺2018年底因為戰績欠佳而被炒，球隊近仗由看守領隊 Pete Wild 領軍取得3勝1和1負，現時喺英乙暫時排第12位，與升班附加賽區域相距5分。不過，史高斯有份擁有嘅沙福城現時位列第5級別聯賽第3位，與榜首只差1分，頗有機會競逐升班資格，一旦沙福城升上英乙，而奧咸未能升上英甲，兩支球隊一同喺下季英乙競爭，可能引起利益衝突疑慮。
Source: BBC、SkySports
根據《BBC》報導，曼聯名宿史高斯正準備開展領隊生涯，目標係英乙球隊奧咸 (Oldham Athletic) ，雙方正進行談判，成事機會頗高。現年44歲嘅史高斯退役後經常喺電視台擔任評述員，但就未曾出任職業球隊主帥，佢曾經喺2015年短暫出任與「92班」共同擁有嘅球隊沙福城 (Salford City) 看守領隊，球隊仍處於非職業聯賽級別，史高斯亦曾經加入曼聯教練團。
《Sky Sports》報導指，奧咸係史高斯兒時支持嘅球隊，佢後來除咗仍會不時入場支持之外，2017年10月已經參加過奧咸主帥面試，但當時奧咸當時決定聘用另一位前曼聯球員韋倫斯 (Richie Wellens) ，韋倫斯球員生涯曾經效力奧咸，2017-18球季出任奧咸主帥，但因球隊由英甲降班而被炒，今季出任英乙史雲頓主帥。
奧咸今季本來由 Frankie Bunn 領軍，但佢喺2018年底因為戰績欠佳而被炒，球隊近仗由看守領隊 Pete Wild 領軍取得3勝1和1負，現時喺英乙暫時排第12位，與升班附加賽區域相距5分。不過，史高斯有份擁有嘅沙福城現時位列第5級別聯賽第3位，與榜首只差1分，頗有機會競逐升班資格，一旦沙福城升上英乙，而奧咸未能升上英甲，兩支球隊一同喺下季英乙競爭，可能引起利益衝突疑慮。
Source: BBC、SkySports