【驚蟄應節】古圖斯話巴爾獨家村 前輩贊拿斯鬧爆小人：唔會想同呢種人玩囉！
皇家馬德里門將古圖斯 (Thibaut Courtois) 今季加盟後，喺爭議聲中已取代基羅拿華斯成為皇馬首席門將。反而效力皇馬第6年嘅加利夫巴爾 (Gareth Bale) ，喺球隊嘅前途似乎漸走下坡，最近更有古圖斯直指巴爾毫不合群，似乎一直未能融入球隊係巴爾喺皇馬遇上困境嘅一大問題來源。不過，前熱刺副隊長贊拿斯就為巴爾反擊古圖斯，認為佢公開批評隊友嘅行為令人費解。
早前，皇馬門將古圖斯向傳媒表示，自己已經迅速融入皇馬嘅生活，經常同其他隊友一齊，「我好夜先食，好夜先瞓，呢個係佢哋嘅生活方式」，但加利夫巴爾完全唔肯投入，「有一日我哋全隊夜晚去食飯，但巴爾同卻奧斯都冇嚟，佢哋覺得太夜。我哋約咗夜晚9:30喺餐廳，10:15左右開始食，去到午夜我哋仲飲緊咖啡。我哋深夜1點去瞓，朝早11點練波，我覺得時間啱啱好。不過巴爾話『我唔去喇，我11點就瞓覺』」。古圖斯更指認為巴爾有才能，但唔融入球隊生活而埋沒才能，覺得好可惜。 (《'He needed to go to bed!' - Courtois unhappy at Bale for skipping Real Madrid team meal》)
喺電視台做評述嘅前熱刺副隊長贊拿斯 (Jermaine Jenas) 就為巴爾抱打不平：「我認為古圖斯已經失控，竟然公開咁樣話巴爾。
我就同巴爾相處得好好，其中一樣我鍾意佢嘅地方，就係佢會做返自己。有時我哋全隊約出去，佢的確有時會選擇唔去，留喺屋企陪屋企人，但我完全唔覺得有問題。
佢成日都會返卡迪夫陪屋企人，呢個就係佢。咁有咩問題呢？呢個就係巴爾。佢有一個年輕嘅家庭，想多啲一齊生活，咁點解一定要成日跟隊友出去開party先？」
贊拿斯更直斥古圖斯做法不當，暗指佢人格有問題：「如果我同隊友之間有問題，我會直接面對面同佢哋講，但喺傳媒面前公開數自己隊友，話人唔合群，就絕對冇必要囉。
點解古圖斯要咁做？我記得喺熱刺嗰陣，我哋搞聖誕party，巴爾通常都話唔嚟。冇問題喎，我哋唔會俾壓力佢。可能佢真係鍾意打golf同陪屋企人，咁做有咩錯呢？
當事情順利時，大家都開心，但當事情開始唔順利，有啲人就會攻擊其他人搵代罪羔羊。佢哋就係嗰種你唔會想喺更衣室見到嘅人囉。」
巴爾加盟皇馬已經六年，如果佢真係冇努力學好西班牙文嘅話 (按馬些路所講) ，咁真係對自己未能融入球隊有一定責任。不過，作為職業球員，想過返有規律早睡早起嘅生活，而被隊友公開指責甚至排擠的話，呢班隊友其實都唔好得去邊。古圖斯繼「勾義嫂」、逼走施治、加盟皇馬即批評馬體會、批評恩師施蒙尼之後，又一次向球迷力證自己係一個點嘅人。重申一次，巴爾喺皇馬搞成咁，自己的確有責任，但贊拿斯真係講得有道理，呢班隊友，人哋歐聯射入世界波嗰陣你唔講，而家球隊低迷就一個二個走出嚟講隊友壞話，有咩目的心照啦， 結果巴爾做晒箭靶仲喺主場俾自己球迷噓。諗返轉頭，唔想同啲小人玩都好合理啫……
Source: Goal
早前，皇馬門將古圖斯向傳媒表示，自己已經迅速融入皇馬嘅生活，經常同其他隊友一齊，「我好夜先食，好夜先瞓，呢個係佢哋嘅生活方式」，但加利夫巴爾完全唔肯投入，「有一日我哋全隊夜晚去食飯，但巴爾同卻奧斯都冇嚟，佢哋覺得太夜。我哋約咗夜晚9:30喺餐廳，10:15左右開始食，去到午夜我哋仲飲緊咖啡。我哋深夜1點去瞓，朝早11點練波，我覺得時間啱啱好。不過巴爾話『我唔去喇，我11點就瞓覺』」。古圖斯更指認為巴爾有才能，但唔融入球隊生活而埋沒才能，覺得好可惜。 (《'He needed to go to bed!' - Courtois unhappy at Bale for skipping Real Madrid team meal》)
喺電視台做評述嘅前熱刺副隊長贊拿斯 (Jermaine Jenas) 就為巴爾抱打不平：「我認為古圖斯已經失控，竟然公開咁樣話巴爾。
我就同巴爾相處得好好，其中一樣我鍾意佢嘅地方，就係佢會做返自己。有時我哋全隊約出去，佢的確有時會選擇唔去，留喺屋企陪屋企人，但我完全唔覺得有問題。
佢成日都會返卡迪夫陪屋企人，呢個就係佢。咁有咩問題呢？呢個就係巴爾。佢有一個年輕嘅家庭，想多啲一齊生活，咁點解一定要成日跟隊友出去開party先？」
贊拿斯更直斥古圖斯做法不當，暗指佢人格有問題：「如果我同隊友之間有問題，我會直接面對面同佢哋講，但喺傳媒面前公開數自己隊友，話人唔合群，就絕對冇必要囉。
點解古圖斯要咁做？我記得喺熱刺嗰陣，我哋搞聖誕party，巴爾通常都話唔嚟。冇問題喎，我哋唔會俾壓力佢。可能佢真係鍾意打golf同陪屋企人，咁做有咩錯呢？
當事情順利時，大家都開心，但當事情開始唔順利，有啲人就會攻擊其他人搵代罪羔羊。佢哋就係嗰種你唔會想喺更衣室見到嘅人囉。」
引用"If I ever had a problem with a team-mate, I went to them directly and told them to their face, but to go to the media and try to belittle a team-mate and say he doesn't like going out was not necessary.
"Why would Courtois do that? I remember speaking to Gaz at Spurs if we had a Christmas party and he would often say he would leave it. No problem, no pressure. Maybe he enjoys playing golf and spending time with his family, but when did that become a crime?
"Look, everyone is happy when things are going great and when things start going wrong, some throw punches and looking for scapegoats. They are the kind of people you don't want too have around a dressing room in my opinion."
巴爾加盟皇馬已經六年，如果佢真係冇努力學好西班牙文嘅話 (按馬些路所講) ，咁真係對自己未能融入球隊有一定責任。不過，作為職業球員，想過返有規律早睡早起嘅生活，而被隊友公開指責甚至排擠的話，呢班隊友其實都唔好得去邊。古圖斯繼「勾義嫂」、逼走施治、加盟皇馬即批評馬體會、批評恩師施蒙尼之後，又一次向球迷力證自己係一個點嘅人。重申一次，巴爾喺皇馬搞成咁，自己的確有責任，但贊拿斯真係講得有道理，呢班隊友，人哋歐聯射入世界波嗰陣你唔講，而家球隊低迷就一個二個走出嚟講隊友壞話，有咩目的心照啦， 結果巴爾做晒箭靶仲喺主場俾自己球迷噓。諗返轉頭，唔想同啲小人玩都好合理啫……
Source: Goal