前西班牙新星28歲終入國家隊，簡拿尼斯三斷韌帶幽默應對：「從未失去笑容，疤痕使我成長」
球壇每一年都有無數新星湧現，但從來都係一將功成萬骨枯，好多新星最終都漸漸消失於球迷視線中，真正能夠成為一線球星嘅可謂少之又少。公認擁有超凡潛質，被寄予厚望，但被傷患耽誤而停滯不前，甚至完全被摧毀嘅亦有唔少。如果以入選國家隊作為足球事業上被認可嘅成就的話，簡拿尼斯（Sergio Canales）可以話係少有地成功大翻身嘅「前新星」。
簡拿尼斯年少成名於桑坦德，19歲就吸引皇家馬德里喺2010年以600萬歐元將佢收歸旗下，不過當時佢需要同奧斯爾競爭位置，時任主帥更係不擅培育年輕進攻球員嘅摩連奴，最終簡拿尼斯亦要考慮自己前途，以先租後買方式為華倫西亞效力兩年半。
不論喺華倫西亞定後來嘅皇家蘇斯達，理論上都係適合簡拿尼斯發揮嘅地方，可惜佢由2011至2015年間先後經歷三次十字韌帶斷裂重傷，其中兩次右腳、一次左腳，合共休戰接近兩年。
十字韌帶傷患係球員生涯殺手之一，簡拿尼斯用樂觀心情面對，最近三個球季已經擺脫傷患，今季更喺貝迪斯重新得到認同，各項賽事上陣40場貢獻8球3助攻，用表現說服主帥安歷基將佢選入西班牙今期大軍名單中，出戰歐洲國家盃外圍賽，特別喺中場競爭向來激烈嘅西班牙，加上曾經不似預期嘅職業生涯，司職進攻中場嘅簡拿尼斯得以28歲之齡首次入選成年國家隊，絕對係一大成就，亦係一個勵志故事。
簡拿尼斯早前接受《馬卡報訪問》，坦言自己早就冇再幻想有日可以代表國家隊，因為近年佢只專心追求個人穩定發揮及進步，但佢面對多次嚴重傷患從來未有放棄念頭：「我從來唔會放棄，當然喺康復過程中有時係唔如意，但我拒絕放棄，同埋從未失去我嘅笑容。
任何時候我都想奮鬥落去，我覺得自己可以踢波係好幸運嘅事，所以唔會輕易放棄。
用一句好老套嘅說話去講，我而家當每一場比賽係我嘅最後一場，每一場波都去享受同學習。達到壬大嘅成就係重要，但同樣重要嘅係曾經為佢哋奮鬥過。」
樂觀開朗嘅簡拿尼斯更將左腳膝部嘅手術疤痕加上紋身，成為一串魚骨。
Source: Marca、DailyMail
簡拿尼斯年少成名於桑坦德，19歲就吸引皇家馬德里喺2010年以600萬歐元將佢收歸旗下，不過當時佢需要同奧斯爾競爭位置，時任主帥更係不擅培育年輕進攻球員嘅摩連奴，最終簡拿尼斯亦要考慮自己前途，以先租後買方式為華倫西亞效力兩年半。
不論喺華倫西亞定後來嘅皇家蘇斯達，理論上都係適合簡拿尼斯發揮嘅地方，可惜佢由2011至2015年間先後經歷三次十字韌帶斷裂重傷，其中兩次右腳、一次左腳，合共休戰接近兩年。
十字韌帶傷患係球員生涯殺手之一，簡拿尼斯用樂觀心情面對，最近三個球季已經擺脫傷患，今季更喺貝迪斯重新得到認同，各項賽事上陣40場貢獻8球3助攻，用表現說服主帥安歷基將佢選入西班牙今期大軍名單中，出戰歐洲國家盃外圍賽，特別喺中場競爭向來激烈嘅西班牙，加上曾經不似預期嘅職業生涯，司職進攻中場嘅簡拿尼斯得以28歲之齡首次入選成年國家隊，絕對係一大成就，亦係一個勵志故事。
簡拿尼斯早前接受《馬卡報訪問》，坦言自己早就冇再幻想有日可以代表國家隊，因為近年佢只專心追求個人穩定發揮及進步，但佢面對多次嚴重傷患從來未有放棄念頭：「我從來唔會放棄，當然喺康復過程中有時係唔如意，但我拒絕放棄，同埋從未失去我嘅笑容。
任何時候我都想奮鬥落去，我覺得自己可以踢波係好幸運嘅事，所以唔會輕易放棄。
用一句好老套嘅說話去講，我而家當每一場比賽係我嘅最後一場，每一場波都去享受同學習。達到壬大嘅成就係重要，但同樣重要嘅係曾經為佢哋奮鬥過。」
樂觀開朗嘅簡拿尼斯更將左腳膝部嘅手術疤痕加上紋身，成為一串魚骨。
Source: Marca、DailyMail