【長青樹】點到你唔服？52歲三浦知良正選披甲再破紀錄
日本傳奇前鋒三浦知良 (MIURA Kazuyoshi) 再次挑戰自我，一次又一次打破由自己保持嘅最年長上陣球員紀錄，佢喺2月已經年滿52歲，今輪J2聯賽再次上陣，令人驚嘆。
三浦知良效力橫濱FC已14年，好多球員去到30幾歲，即使身體狀況許可，踢咁多年波難免生厭，因為對足球失去熱誠而決定掛靴，呢一點三浦知良就絕冇問題。三浦知良喺2月26日度過52歲生日，佢返到球會練習，操練後出席傳媒為佢舉辦嘅生日會，佢嘅生日願望正係希望可以正選上陣踢足90分鐘，並且有好嘅入球助攻數字。可見Kazu對足球充滿熱誠。
今季日本J2聯賽進行至第5輪賽事，三浦知良獲得正選上陣機會，踢咗54分鐘，更幾乎取得入球及助攻，雖然數據上未有貢獻，但仍然協助球隊喺主場以2-0擊敗FC岐阜。Kazu賽後坦言，對於未能取得入球感到可惜，但亦認為自己完成本份，另外領隊賽前已經同佢溝通好，大約俾佢踢到下半場第10分鐘，佢感覺身體狀況不俗，仍有能力踢更長時間嘅比賽。
今場比賽精華
https://www.youtube.com/watch?v=26Rc13sYXjk
三浦知良年輕時於巴西出道，效力過山度士及哥列迪巴等球會，回國後又效力過讀賣 (今東京綠茵) 、京都不死鳥及神戶勝利船，喺1993年當選首屆 J League MVP 及亞洲足球先生，2005年起效力橫濱FC至今。多年過後，三浦知良仍然維持高水平嘅身體狀態及足球熱誠，十分難得，亦可以想像佢私生活自律嘅程度。三浦知良保持世界最年長職業球員、日本聯賽最年長上陣球員及日本聯賽最年長入球球員紀錄，「球壇長青樹」當之無愧。
Source: soccer-king、JLeague
三浦知良效力橫濱FC已14年，好多球員去到30幾歲，即使身體狀況許可，踢咁多年波難免生厭，因為對足球失去熱誠而決定掛靴，呢一點三浦知良就絕冇問題。三浦知良喺2月26日度過52歲生日，佢返到球會練習，操練後出席傳媒為佢舉辦嘅生日會，佢嘅生日願望正係希望可以正選上陣踢足90分鐘，並且有好嘅入球助攻數字。可見Kazu對足球充滿熱誠。
今季日本J2聯賽進行至第5輪賽事，三浦知良獲得正選上陣機會，踢咗54分鐘，更幾乎取得入球及助攻，雖然數據上未有貢獻，但仍然協助球隊喺主場以2-0擊敗FC岐阜。Kazu賽後坦言，對於未能取得入球感到可惜，但亦認為自己完成本份，另外領隊賽前已經同佢溝通好，大約俾佢踢到下半場第10分鐘，佢感覺身體狀況不俗，仍有能力踢更長時間嘅比賽。
今場比賽精華
https://www.youtube.com/watch?v=26Rc13sYXjk
三浦知良年輕時於巴西出道，效力過山度士及哥列迪巴等球會，回國後又效力過讀賣 (今東京綠茵) 、京都不死鳥及神戶勝利船，喺1993年當選首屆 J League MVP 及亞洲足球先生，2005年起效力橫濱FC至今。多年過後，三浦知良仍然維持高水平嘅身體狀態及足球熱誠，十分難得，亦可以想像佢私生活自律嘅程度。三浦知良保持世界最年長職業球員、日本聯賽最年長上陣球員及日本聯賽最年長入球球員紀錄，「球壇長青樹」當之無愧。
Source: soccer-king、JLeague