拜仁簽兩守將必清中堅，傳謝路美保定成犧牲品機會極大
早前，德甲班霸拜仁慕尼黑正式宣布，以8,000萬歐元打破球會轉會費紀錄，由馬德里體育會簽下後衛盧卡斯靴南迪斯（Lucas Hernandez），佢將會喺7月1日同另一位於一月提早簽入嘅法國後衛柏華特 (Benjamin Pavard) 加盟。兩人都可以擔任閘位及中堅位置，但一下子簽入兩位可以踢中堅位置嘅年輕守將，難免令人聯想到拜仁現有中堅之中，最少有一人將會被徹底棄用甚至清洗。
23歲嘅法國後衛盧卡斯靴南迪斯，於2018世界盃上擔任法國國家隊左閘，佢亦可以擔任中堅。根據《Transfermarkt》資料，盧卡斯靴南迪斯喺球會賽事擔任中堅嘅時間稍多，共有77場，但擔任左閘嘅比賽亦有59場。拜仁慕尼黑陣中現時只有艾拿巴一名正宗左閘，必要時由右閘拉芬拿客串，但拉芬拿將會喺季後自由身離隊。以艾拿巴嘅級數、佢喺拜仁嘅地位及26歲年齡，相信除非艾拿巴自己希望離隊尋求新挑戰，否則佢將會繼續係拜仁左閘首選。當然，艾拿巴喺拜仁亦曾經踢過中場，但估計拜仁應該唔需要艾拿巴出現喺呢個位置上。換句話講，只要拜仁豪擲8,000萬歐元唔係買盧卡斯靴南迪斯返嚟做後備的話，佢基本上已經預訂一個正選中堅位。
同樣23歲嘅法國後衛柏華特，世界盃時出任右閘並射入一球世界波，但佢喺球會主要擔任中堅，今季喺史特加有19場擔任中堅，而擔任右閘嘅只有2場比賽。先睇右閘位置，拜仁喺右閘上有甘美治及老將拉芬拿，如前文所講，拉芬拿喺季後自由身離隊，所以來季只剩甘美治一人。眾所周知，甘美治係中場出身，客串右閘多時，但最近喺德國國家隊比賽曾經「歸位」踢中場，所以拜仁來季右閘位有可能視乎戰術需要用上甘美治或柏華特，但考慮到柏華特出擊能力並非太強，佢嘅定位仍有好大機會同樣係中堅，但相信拜仁現階段唔會太介意將佢先列後備。
如此一來，麻煩就出現，拜仁現時有謝路美保定、侯姆斯及蘇爾 (Niklas Süle) 三人。蘇爾呢位23歲中堅今季已經為拜仁喺德甲正選上陣23次，喺德國隊亦成為正選，相信佢來季仍然係拜仁正選中堅。所以，即使將柏華特主要放喺右閘位，謝路美保定及侯姆斯兩位老大哥中，應該都有一人要離開球隊，剩低四位可以踢中堅嘅球員已相當足夠。
根據南德意志報《Suddeutsche Zeitung》(德國發行量最大的以訂閱方式發行的全國性報紙) 報導，要走嘅人極大機會係謝路美保定，該報更直接用上「肯定」嘅字眼。的確，謝路美保定雖然只係30歲，同侯姆斯一樣，只係剛進入普遍認為嘅球員生涯衰退期，但保定嘅下滑明顯更嚴重，特別係佢偏向依賴身體質素而非洞察力防守，佢嘅防守能力伴隨身體機能退步而直線下滑，因此佢有可能繼最近被德國主帥路維公開棄用之後，再次被放棄。
該報更認為，拜仁主帥尼高高華將會嘗試使用蘇爾、盧卡斯靴南迪斯及柏華特打三中堅，利用盧卡斯靴南迪斯及柏華特可串演閘位嘅優勢，將二人放喺左、右中堅，擔任現時流行嘅半閘半中堅。筆者個人認為，即使拜仁來季踢四後防，四人正選防線應該會係艾拿巴、蘇爾、盧卡斯靴南迪斯及甘美治，柏華特會先任後備中堅或右閘。
另外，亦有傳言只拜仁仍打算再斥資收購阿積士年輕中堅迪列特 (Matthijs de Ligt) ，一旦成事，連侯姆斯亦不能倖免。至於謝路美保定嘅去向，現階段未有可靠消息，傳聞曼聯、PSG及祖雲達斯都佢有意，但舉者個人認為暫時可信性頗低。
不過，筆者希望指出仍有一大變數，就係盧卡斯靴南迪斯嘅傷患。盧卡斯靴南迪斯喺2018年底因為膝部MCL韌帶受傷而長期缺陣，雖然拜仁喺為佢體測後仍照常進行交易，但韌帶傷患從來都係運動員大敵，隨時一復出踢比賽就復發，或康復進度反覆，拜仁應該會喺休賽期根據盧卡斯靴南迪斯嘅康復進度，評估放人嘅需要。
Source: 90min、Suddeutsche Zeitung
23歲嘅法國後衛盧卡斯靴南迪斯，於2018世界盃上擔任法國國家隊左閘，佢亦可以擔任中堅。根據《Transfermarkt》資料，盧卡斯靴南迪斯喺球會賽事擔任中堅嘅時間稍多，共有77場，但擔任左閘嘅比賽亦有59場。拜仁慕尼黑陣中現時只有艾拿巴一名正宗左閘，必要時由右閘拉芬拿客串，但拉芬拿將會喺季後自由身離隊。以艾拿巴嘅級數、佢喺拜仁嘅地位及26歲年齡，相信除非艾拿巴自己希望離隊尋求新挑戰，否則佢將會繼續係拜仁左閘首選。當然，艾拿巴喺拜仁亦曾經踢過中場，但估計拜仁應該唔需要艾拿巴出現喺呢個位置上。換句話講，只要拜仁豪擲8,000萬歐元唔係買盧卡斯靴南迪斯返嚟做後備的話，佢基本上已經預訂一個正選中堅位。
同樣23歲嘅法國後衛柏華特，世界盃時出任右閘並射入一球世界波，但佢喺球會主要擔任中堅，今季喺史特加有19場擔任中堅，而擔任右閘嘅只有2場比賽。先睇右閘位置，拜仁喺右閘上有甘美治及老將拉芬拿，如前文所講，拉芬拿喺季後自由身離隊，所以來季只剩甘美治一人。眾所周知，甘美治係中場出身，客串右閘多時，但最近喺德國國家隊比賽曾經「歸位」踢中場，所以拜仁來季右閘位有可能視乎戰術需要用上甘美治或柏華特，但考慮到柏華特出擊能力並非太強，佢嘅定位仍有好大機會同樣係中堅，但相信拜仁現階段唔會太介意將佢先列後備。
如此一來，麻煩就出現，拜仁現時有謝路美保定、侯姆斯及蘇爾 (Niklas Süle) 三人。蘇爾呢位23歲中堅今季已經為拜仁喺德甲正選上陣23次，喺德國隊亦成為正選，相信佢來季仍然係拜仁正選中堅。所以，即使將柏華特主要放喺右閘位，謝路美保定及侯姆斯兩位老大哥中，應該都有一人要離開球隊，剩低四位可以踢中堅嘅球員已相當足夠。
根據南德意志報《Suddeutsche Zeitung》(德國發行量最大的以訂閱方式發行的全國性報紙) 報導，要走嘅人極大機會係謝路美保定，該報更直接用上「肯定」嘅字眼。的確，謝路美保定雖然只係30歲，同侯姆斯一樣，只係剛進入普遍認為嘅球員生涯衰退期，但保定嘅下滑明顯更嚴重，特別係佢偏向依賴身體質素而非洞察力防守，佢嘅防守能力伴隨身體機能退步而直線下滑，因此佢有可能繼最近被德國主帥路維公開棄用之後，再次被放棄。
該報更認為，拜仁主帥尼高高華將會嘗試使用蘇爾、盧卡斯靴南迪斯及柏華特打三中堅，利用盧卡斯靴南迪斯及柏華特可串演閘位嘅優勢，將二人放喺左、右中堅，擔任現時流行嘅半閘半中堅。筆者個人認為，即使拜仁來季踢四後防，四人正選防線應該會係艾拿巴、蘇爾、盧卡斯靴南迪斯及甘美治，柏華特會先任後備中堅或右閘。
另外，亦有傳言只拜仁仍打算再斥資收購阿積士年輕中堅迪列特 (Matthijs de Ligt) ，一旦成事，連侯姆斯亦不能倖免。至於謝路美保定嘅去向，現階段未有可靠消息，傳聞曼聯、PSG及祖雲達斯都佢有意，但舉者個人認為暫時可信性頗低。
不過，筆者希望指出仍有一大變數，就係盧卡斯靴南迪斯嘅傷患。盧卡斯靴南迪斯喺2018年底因為膝部MCL韌帶受傷而長期缺陣，雖然拜仁喺為佢體測後仍照常進行交易，但韌帶傷患從來都係運動員大敵，隨時一復出踢比賽就復發，或康復進度反覆，拜仁應該會喺休賽期根據盧卡斯靴南迪斯嘅康復進度，評估放人嘅需要。
Source: 90min、Suddeutsche Zeitung