【論爆炸頭的重要性】有VR有真相！Sky Sports搵加歷查代入，證車路士靠韋利安髮型入越位球
球壇入面一直有一個好值得研究嘅「搞笑諾貝爾式」問題，最少筆者自己就好感興趣，究竟一啲留有爆炸頭嘅球員會唔會因為呢個髮型而令佢擁有更大嘅高空優勢呢？筆者印象中，現實嘅呢啲例子暫時都係冇特別優勢嘅，只有已經剪咗頭髮嘅費蘭尼比較有高空優勢但佢本身就已經生得高。
不過，喺「空想科學」世界入面，頭部最高點憑空高咗幾寸，成個球體面積又大咗，應該可以增加同個波嘅接觸面，雖然頭髮唔受力，但 "hi" 到個波批入，或者「落旋」嘅機會都會多咗，甚至幻想得再勁啲，可以用個髮型好似個兜咁裝住個波衝入龍門。講笑完畢，最近嘅一個入波話俾大家知，喺現實世界中，髮型的確可以導致一個入波出現……
星期日一場英超賽事，卡迪夫城對車路士，護級心切嘅主隊卡迪夫城本身發揮非常出色，更憑一個美妙入球先開紀錄，一直領先到下半場84分鐘。點知呢個時候「劇本」上演，車路士憑一個角球攻勢，攻入一記事後清楚睇到係越位在先嘅入球。由於接應二傳頂入嘅艾斯派古達越位多達一個身位，令旁證執法水準再受質疑。「打道氣」嘅卡迪夫城被呢個問題入球追平之後，最終被車路士攻入一個毫無爭議嘅入球，以1-2反輸，痛失護級路上寶貴嘅三分。
賽後，球迷間熱烈討論英超球證水準問題，當時已經有人提出旁證視線被韋利安嘅爆炸頭遮擋。隨後《Sky Sports》喺節目上用現場片段，製作出一個還原度極高嘅VR虛擬現實場景，搵加歷查親身代入。加歷查發現，旁證當時只要嘗試保持同防線平排嘅視線，就會睇唔到艾斯派古達越位，因為視線被韋利安個頭遮擋，加歷查認為可以同情地理解為何喺電光火石間，旁證因此而無法判斷越位。
https://streamable.com/nk2ga
其實，卡迪夫城喺失第二個波之前，仲有一次單刀機會，但車路士守將魯迪加犯規制止攻勢，未入禁區單刀拉跌，按例應該出示紅牌，但球證只以黃牌警告，同樣令人替卡迪夫城不值。呢一個決定就冇辦法用視線阻去辯解喇。
今次實驗證明，以後球員應該全部留大爆炸頭髮型，平時仲可以走埋球證面前，掩護犯規嘅隊友 (誤)。
Source: MondayNightFootball
不過，喺「空想科學」世界入面，頭部最高點憑空高咗幾寸，成個球體面積又大咗，應該可以增加同個波嘅接觸面，雖然頭髮唔受力，但 "hi" 到個波批入，或者「落旋」嘅機會都會多咗，甚至幻想得再勁啲，可以用個髮型好似個兜咁裝住個波衝入龍門。講笑完畢，最近嘅一個入波話俾大家知，喺現實世界中，髮型的確可以導致一個入波出現……
星期日一場英超賽事，卡迪夫城對車路士，護級心切嘅主隊卡迪夫城本身發揮非常出色，更憑一個美妙入球先開紀錄，一直領先到下半場84分鐘。點知呢個時候「劇本」上演，車路士憑一個角球攻勢，攻入一記事後清楚睇到係越位在先嘅入球。由於接應二傳頂入嘅艾斯派古達越位多達一個身位，令旁證執法水準再受質疑。「打道氣」嘅卡迪夫城被呢個問題入球追平之後，最終被車路士攻入一個毫無爭議嘅入球，以1-2反輸，痛失護級路上寶貴嘅三分。
賽後，球迷間熱烈討論英超球證水準問題，當時已經有人提出旁證視線被韋利安嘅爆炸頭遮擋。隨後《Sky Sports》喺節目上用現場片段，製作出一個還原度極高嘅VR虛擬現實場景，搵加歷查親身代入。加歷查發現，旁證當時只要嘗試保持同防線平排嘅視線，就會睇唔到艾斯派古達越位，因為視線被韋利安個頭遮擋，加歷查認為可以同情地理解為何喺電光火石間，旁證因此而無法判斷越位。
https://streamable.com/nk2ga
其實，卡迪夫城喺失第二個波之前，仲有一次單刀機會，但車路士守將魯迪加犯規制止攻勢，未入禁區單刀拉跌，按例應該出示紅牌，但球證只以黃牌警告，同樣令人替卡迪夫城不值。呢一個決定就冇辦法用視線阻去辯解喇。
今次實驗證明，以後球員應該全部留大爆炸頭髮型，平時仲可以走埋球證面前，掩護犯規嘅隊友 (誤)。
Source: MondayNightFootball