「飲水哥」飲太多，車路士中場真禾特被控醉酒駕駛
車路士中場真禾特 (Danny Drinkwater) 諸事不順，喺車路士成為萬年大後備，未知係唔係因為咁而借酒消愁，日前已證實因醉酒駕駛被捕。
根據《BBC》報導 "Danny Drinkwater charged with drink-driving after crash"，指29嘅「飲水哥」日前因為喺英國柴郡 (Cheshire) 發生輕微交通意外，被揭發醉酒駕駛，被當地警方拘捕，佢已經獲社保釋，需要喺5月13日出庭應訊。
《太陽報》報導，「飲水哥」於英國時間周一清晨離開事發地點附近一間酒吧，車上載有兩名於酒吧派對上認識嘅女士，其中一位係名為Beth Mantel嘅刑事律師，另一位女士名為Emma Brown，「飲水哥」喺路上同另一架車發生輕微碰撞，「飲水哥」及兩位女士同樣報稱受輕傷，「飲水哥」即時以懷疑醉酒駕駛被捕，於周二早上被正式提出檢控。
「飲水哥」當年與簡迪組成中場拍檔，協助李斯特城奇蹟問鼎英超冠軍，風頭一時無兩，喺17-18球季緊隨簡迪腳步，以3,400萬英鎊加盟車路士，自此成為邊緣人物，首季因傷只上陣12場聯賽，今季更只曾於開季社區盾登場，至今無影無蹤。
「飲水哥」似乎並無因此而發奮努力，反而喺車路士周一晚上出戰韋斯咸前，醉酒駕駛被捕，相信佢除咗應付法律制裁之外，亦會被球會重罰，同時影響前途。
Source: BBC、TheSun、90min
根據《BBC》報導 "Danny Drinkwater charged with drink-driving after crash"，指29嘅「飲水哥」日前因為喺英國柴郡 (Cheshire) 發生輕微交通意外，被揭發醉酒駕駛，被當地警方拘捕，佢已經獲社保釋，需要喺5月13日出庭應訊。
《太陽報》報導，「飲水哥」於英國時間周一清晨離開事發地點附近一間酒吧，車上載有兩名於酒吧派對上認識嘅女士，其中一位係名為Beth Mantel嘅刑事律師，另一位女士名為Emma Brown，「飲水哥」喺路上同另一架車發生輕微碰撞，「飲水哥」及兩位女士同樣報稱受輕傷，「飲水哥」即時以懷疑醉酒駕駛被捕，於周二早上被正式提出檢控。
「飲水哥」當年與簡迪組成中場拍檔，協助李斯特城奇蹟問鼎英超冠軍，風頭一時無兩，喺17-18球季緊隨簡迪腳步，以3,400萬英鎊加盟車路士，自此成為邊緣人物，首季因傷只上陣12場聯賽，今季更只曾於開季社區盾登場，至今無影無蹤。
「飲水哥」似乎並無因此而發奮努力，反而喺車路士周一晚上出戰韋斯咸前，醉酒駕駛被捕，相信佢除咗應付法律制裁之外，亦會被球會重罰，同時影響前途。
Source: BBC、TheSun、90min