諾域治挫布力般，來季英超見！
英冠升班資格爭奪情況激烈，今日清晨率先決出一個升班名額。外號「金絲雀」嘅諾域治今季喺英冠可謂大殺四方，大部分時間佔據榜首位置，奪得冠軍機會高唱入雲。
諾域治最近成績有所停滯，連續四場和波收場，不過另一方面睇，佢哋喺今仗賽前已經連續12場不敗，成績相對穩定，而穩定正係英冠球隊面對全季46輪比賽最需要嘅質素 (當然唔包括穩定地差) 。
今日清晨，諾域治於主場迎戰聯賽中游分子布力般流浪，主隊只需要取得一分，即可提早鎖定升班資格。「金絲雀」於上半場由史迪派文 (Marco Stiepermann) 及馬里奧維蘭斯 (Mario Vrančić) 各建一功，雖然及後被路易斯查維斯 (Lewis Travis) 追回一球，仍無阻主隊以2-1取勝。
全取三分後，「金絲雀」即使喺餘下最後一輪聯賽中輸波，仍然最少可以獲得聯賽第二名，鎖定一個自動升班名額。
至於另一個自動升班名額，今季大部分時間佔據第二名位置嘅列斯聯，最近已經失去呢個位置，被另一老牌球會錫菲聯後來居上，錫菲聯更只同諾域治相差三分，兼有得失球稍稍領先，隨時有機會喺最後一輪後上奪得冠軍。列斯聯喺今輪比賽未踢之下，落後錫菲聯6分，兩場比賽理論上最多可以追至同分，但得失球就相差13球，令列斯聯取得第二位自動升班名額嘅機會渺茫，不過列斯聯、西布朗及阿士東維拉已最少可以得到升班附加賽資格。
全場精華
http://goals2.veuclips.com/player/html/xGMTs7FVUG?popup=yes&autoplay=1
諾域治最近成績有所停滯，連續四場和波收場，不過另一方面睇，佢哋喺今仗賽前已經連續12場不敗，成績相對穩定，而穩定正係英冠球隊面對全季46輪比賽最需要嘅質素 (當然唔包括穩定地差) 。
今日清晨，諾域治於主場迎戰聯賽中游分子布力般流浪，主隊只需要取得一分，即可提早鎖定升班資格。「金絲雀」於上半場由史迪派文 (Marco Stiepermann) 及馬里奧維蘭斯 (Mario Vrančić) 各建一功，雖然及後被路易斯查維斯 (Lewis Travis) 追回一球，仍無阻主隊以2-1取勝。
全取三分後，「金絲雀」即使喺餘下最後一輪聯賽中輸波，仍然最少可以獲得聯賽第二名，鎖定一個自動升班名額。
至於另一個自動升班名額，今季大部分時間佔據第二名位置嘅列斯聯，最近已經失去呢個位置，被另一老牌球會錫菲聯後來居上，錫菲聯更只同諾域治相差三分，兼有得失球稍稍領先，隨時有機會喺最後一輪後上奪得冠軍。列斯聯喺今輪比賽未踢之下，落後錫菲聯6分，兩場比賽理論上最多可以追至同分，但得失球就相差13球，令列斯聯取得第二位自動升班名額嘅機會渺茫，不過列斯聯、西布朗及阿士東維拉已最少可以得到升班附加賽資格。
全場精華
http://goals2.veuclips.com/player/html/xGMTs7FVUG?popup=yes&autoplay=1