雲達沙揭開阿積士屢創奇蹟之謎：「捉」七大新星入房「J歷史」
荷甲球隊阿積士今季喺歐聯屢創奇蹟，先後淘汰皇家馬德里及祖雲達斯，今晨再喺四強首回合客勝熱刺，距離殺入決賽不遠。縱使阿積士過去喺歐洲球壇曾經叱吒風雲，但近年競爭力無疑難以同歐洲五大聯賽豪門相提並論，因此今季歐聯之旅絕對令人喜出望外。
沉寂一時嘅阿積士，今季成為歐聯黑馬，除咗剛好「捱出」現時陣中一眾「妖人」級年輕球員之外，到底有何魔法？一切源於2008-2012年間告魯夫回歸阿積士主管足球事務，寫下球會發展藍圖，雖然告魯夫最終於2012年因為人事糾紛而離任，但根據球會當時官方講法，告魯夫離任仍然會參與有關佢足球理念喺球會嘅實施，佢嘅方針無疑仍然深深影響現時嘅阿積士，其中一項就係邀請一班對球會傳統有深厚認識嘅後輩任職唔同崗位，包括柏金 (已離任) 、奧華馬斯、雲達沙等。雖然前曼聯門將雲達沙回歸阿積士擔任市場部總監時，告魯夫已離任幾個月，但雲達沙透露正係告魯夫嘅邀請令佢最終回歸球會出任管理層。
結果，後來升任為CEO嘅雲達沙，與及足球總監奧華馬斯，成為重建阿積士嘅頭號人物。阿積士青訓世界聞名，但面對球會競爭力遠不及歐洲豪強嘅情況，有能力嘅青訓產品通常好快就會被大球會挖走 (剛巧現時熱刺陣中四位主力球員維頓漢、艾達韋列特、艾歷臣、戴雲遜山齊士同樣曾效力阿積士青年軍) ，形成球會競爭力繼續不足嘅惡性循環。雲達沙最近透露，認為阿積士今季嘅成功同季前一個會議有關。
雲達沙表示喺今季開始前，同奧華馬斯一齊，搵咗陣中七大新星進行一次會面，出席嘅球員有祖斯甸古華特 (Justin Kluivert；已離隊)、多貝治 (Kasper Dolberg)、迪列特 (Matthijs De Ligt)、法蘭基迪莊 (Frenkie de Jong)、雲迪碧克 (Donny van de Beek)、大衛拿尼斯 (David Neres) 及奧拿拿 (Andre Onana)。喺會面中，雲達沙向呢班「潛力股」展示影片，將佢哋同阿積士踢同一位置嘅傳奇球員比較，重溫球會嘅光輝歲月。
「我哋同佢哋講，如果想成為阿積士嘅傳奇，就要為球會贏得重要榮譽。我覺得呢個會面對佢哋係好有啟發性。」
「佢哋對球會有信心。我哋要同年輕球員講，等我哋、信我哋，我哋會令球隊變得更有競爭力。結果佢哋嘅信心創造奇蹟。」
「我同奧華馬斯都曾經係球員，我哋都曾經喺某個時刻離巢，尋求新挑戰，所以我哋知道呢啲事遲早會發生喺呢班球員身上。咁樣完全唔係問題，只要你可以貢獻兩個、三個、四個美好嘅年頭盡力為球會賣命，為我哋贏聯賽冠軍、踢出悅目足球，咁你就可以走。而且我哋都需要不斷創造空門俾更年輕嘅球員上位，否則佢哋又會被埋沒。」
總括而言，雲達沙同奧華馬斯嘅「魔法」，就係令陣中一眾新星了解球會歷史，明白身穿阿積士球衣嘅使命，縱使佢哋之中有部分人將會喺今季後離隊，更加要喺今季為球會搏盡，不負球會嘅栽培。香港球迷圈入面經常會取笑部分球迷只識「J歷史」，但其實歷史識J可以好好J，可以對球員有激勵作用。當然主帥 Erik ten Hag 喺技戰術層面上同樣居功至偉，但球員心理的確會對表現有好大影響。
Source: Guardian
沉寂一時嘅阿積士，今季成為歐聯黑馬，除咗剛好「捱出」現時陣中一眾「妖人」級年輕球員之外，到底有何魔法？一切源於2008-2012年間告魯夫回歸阿積士主管足球事務，寫下球會發展藍圖，雖然告魯夫最終於2012年因為人事糾紛而離任，但根據球會當時官方講法，告魯夫離任仍然會參與有關佢足球理念喺球會嘅實施，佢嘅方針無疑仍然深深影響現時嘅阿積士，其中一項就係邀請一班對球會傳統有深厚認識嘅後輩任職唔同崗位，包括柏金 (已離任) 、奧華馬斯、雲達沙等。雖然前曼聯門將雲達沙回歸阿積士擔任市場部總監時，告魯夫已離任幾個月，但雲達沙透露正係告魯夫嘅邀請令佢最終回歸球會出任管理層。
引用“Johan Cruyff told me normally it’s a lawyer or businessman who knows about balance sheets who can become CEO. But, he said, you have come from the university of football, the university of life, what a player must learn: setbacks, success, pressure, winning finals, losing finals, making a mistake in the 89th minute, making a save in the 91st minute. I did a masters in sports management after I retired but it was still a leap of faith that I needed to take, that Ajax needed to take.”
結果，後來升任為CEO嘅雲達沙，與及足球總監奧華馬斯，成為重建阿積士嘅頭號人物。阿積士青訓世界聞名，但面對球會競爭力遠不及歐洲豪強嘅情況，有能力嘅青訓產品通常好快就會被大球會挖走 (剛巧現時熱刺陣中四位主力球員維頓漢、艾達韋列特、艾歷臣、戴雲遜山齊士同樣曾效力阿積士青年軍) ，形成球會競爭力繼續不足嘅惡性循環。雲達沙最近透露，認為阿積士今季嘅成功同季前一個會議有關。
雲達沙表示喺今季開始前，同奧華馬斯一齊，搵咗陣中七大新星進行一次會面，出席嘅球員有祖斯甸古華特 (Justin Kluivert；已離隊)、多貝治 (Kasper Dolberg)、迪列特 (Matthijs De Ligt)、法蘭基迪莊 (Frenkie de Jong)、雲迪碧克 (Donny van de Beek)、大衛拿尼斯 (David Neres) 及奧拿拿 (Andre Onana)。喺會面中，雲達沙向呢班「潛力股」展示影片，將佢哋同阿積士踢同一位置嘅傳奇球員比較，重溫球會嘅光輝歲月。
「我哋同佢哋講，如果想成為阿積士嘅傳奇，就要為球會贏得重要榮譽。我覺得呢個會面對佢哋係好有啟發性。」
「佢哋對球會有信心。我哋要同年輕球員講，等我哋、信我哋，我哋會令球隊變得更有競爭力。結果佢哋嘅信心創造奇蹟。」
「我同奧華馬斯都曾經係球員，我哋都曾經喺某個時刻離巢，尋求新挑戰，所以我哋知道呢啲事遲早會發生喺呢班球員身上。咁樣完全唔係問題，只要你可以貢獻兩個、三個、四個美好嘅年頭盡力為球會賣命，為我哋贏聯賽冠軍、踢出悅目足球，咁你就可以走。而且我哋都需要不斷創造空門俾更年輕嘅球員上位，否則佢哋又會被埋沒。」
總括而言，雲達沙同奧華馬斯嘅「魔法」，就係令陣中一眾新星了解球會歷史，明白身穿阿積士球衣嘅使命，縱使佢哋之中有部分人將會喺今季後離隊，更加要喺今季為球會搏盡，不負球會嘅栽培。香港球迷圈入面經常會取笑部分球迷只識「J歷史」，但其實歷史識J可以好好J，可以對球員有激勵作用。當然主帥 Erik ten Hag 喺技戰術層面上同樣居功至偉，但球員心理的確會對表現有好大影響。
Source: Guardian