卡斯拿斯操練時心臟病發送院，波圖證實消息指進行「聖卡斯」已完成心臟手術
今日傳出一則令球迷膽顫心驚嘅消息，37歲前西班牙國家隊門神卡斯拿斯因為心臟病發被送到醫院，幸好消息指已無大礎。近年運動員心臟健康問題漸受關注，希望卡斯拿斯早日康復及多加休息。
葡萄牙時間5月1日下午 (香港時間5月1日晚上)，傳媒報導指效力波圖嘅卡斯拿斯心臟病發，嚇親唔少球迷，當地報章《A Bola》指卡斯拿斯今日參加球隊操練，途中感到心臟位置疼痛，隨即送院。
波圖會方隨後發表聲明，證實卡斯拿斯喺訓練中心臟病發，更用上 "acute" (急性、劇烈) 字眼，球隊馬上暫停操練，並將呢位門將送到醫院接受治理，卡斯拿斯已進行心臟手術，現時已經冇危險，情況穩定落嚟，而且神智清醒，形容佢嘅心臟問題已經解決，佢喺今季餘下賽事唔會再披甲上陣。
事後，包括「聖卡斯」嘅前球會皇家馬德里在內，眾多球壇人士/球會送上祝福，希望佢早日康復。
卡斯拿斯今個月20日就會度過38歲生日，今次遇上心肌梗塞問題，未知會唔會影響佢為波圖效力第四個球季，當然一切要以健康為重。
Source: SkySports、Goal、Telegraph
葡萄牙時間5月1日下午 (香港時間5月1日晚上)，傳媒報導指效力波圖嘅卡斯拿斯心臟病發，嚇親唔少球迷，當地報章《A Bola》指卡斯拿斯今日參加球隊操練，途中感到心臟位置疼痛，隨即送院。
波圖會方隨後發表聲明，證實卡斯拿斯喺訓練中心臟病發，更用上 "acute" (急性、劇烈) 字眼，球隊馬上暫停操練，並將呢位門將送到醫院接受治理，卡斯拿斯已進行心臟手術，現時已經冇危險，情況穩定落嚟，而且神智清醒，形容佢嘅心臟問題已經解決，佢喺今季餘下賽事唔會再披甲上陣。
事後，包括「聖卡斯」嘅前球會皇家馬德里在內，眾多球壇人士/球會送上祝福，希望佢早日康復。
卡斯拿斯今個月20日就會度過38歲生日，今次遇上心肌梗塞問題，未知會唔會影響佢為波圖效力第四個球季，當然一切要以健康為重。
Source: SkySports、Goal、Telegraph