曾養傷兩年被醫生警告可能無法走路，34歲「重生」卡蘇拿重返西班牙國家隊
西班牙中場卡蘇拿 (Santi Cazorla) 絕對係一位十分值得尊重及表揚嘅球員，大約一年半前，卡蘇拿接受《馬卡報》專訪，透露佢較早前遭遇嚴重傷病，幾乎需要截肢，最近重返西甲維拉利爾嘅佢，不但克服傷患，更寶刀未老，以出色表現再次入選西班牙國家隊。
回想卡蘇拿初初加盟阿仙奴時，有部分冇留意西甲嘅球迷，曾經質疑身高只有1.68米嘅卡蘇拿能否適應英超，但佢馬上已經用出色嘅腳下功夫、長短傳、護球及控制節奏能力征服球迷，特別係佢左右腳嫻熟無異，以及被安排打後一格踢墮後中場仍然完全勝任，令球迷佩服得五體投地。其實，今日回想，卡蘇拿生於盛產出色中場嘅西班牙，歷來有不知多少出色嘅中場無奈因為激烈競爭而與「狂牛軍團」無緣，但卡蘇拿仍然有77次國家隊上陣經歷，已經證明佢確有過人之處。
阿仙奴嘅出色球員，好多都敵唔過傷患。卡蘇拿於2016年10月，為阿仙奴上陣時，阿基理斯腱受傷，幾乎摧毀卡蘇拿嘅職業生涯。位於腳踭嘅阿基理斯腱，的確係後患無窮嘅傷患，但當時冇人估到會發展至後來嘅地步。卡蘇拿喺2017年10月接受《馬卡報》訪問，透露自己長期缺陣嘅內情。
卡蘇拿當時透露，佢初次接受阿基理斯腱手術後，患處無法癒合，受到細菌感染，結果先後接受過8次手術，右腳阿基理斯腱少咗8厘米，而且唔夠皮膚縫合，要由手部移植皮膚補上。醫生同卡蘇拿講，由於當時嘅細菌感染有可能危及性命，曾經考慮要卡蘇拿截肢保命，並且同佢講「你可以同個仔喺花園散步，已經執到」。呢個係2017年10月嘅事，但根據後來嘅報導，卡蘇拿右腳腳踭一共進行過10次手術。
終於回復健康後，卡蘇拿喺2018年夏天自由身重返年輕時效力過嘅西甲球隊維拉利爾。即使已經34歲，兼養傷近兩年，卡蘇拿仍然成為「黃色潛艇」重要嘅一員，今季一共為球隊各項賽事上陣45場，貢獻7個入球及11個助攻，其中對皇家馬德里時更梅開二度。「卡叔」今季亦有令人深刻嘅另一幕，佢喺4月初對貝迪斯時射失12碼，令球隊輸波，佢喺賽後因為自責令球隊護級勢危而痛哭 (現時維拉利爾已成功護級) ；但佢喺3日後於歐霸八強對華倫西亞再次主射12碼命中，一向斯文且面帶笑容嘅「卡叔」更罕有衝上前怒踢皮球及門柱一吐烏氣。正如「卡叔」生涯經歷，「凡殺不死我的，必使我更強大」，佢總係會捲土重來。
今日嘅西班牙國家隊中場或者大不如前，但人才唔會冇，因此卡蘇拿嘅入選仍然係唔容易。國家隊主帥安歷基最近公布6月出戰歐國盃外圍賽嘅名單，中場線上除咗選入布斯基斯之外，其他中場球員包括柏利祖、沙治羅拔圖，雖然已非年輕球員，但都係國家隊經驗極淺 (30歲嘅柏利祖只有2次國家隊上陣經驗)，另外仲有拿玻里中場法比安雷斯及馬體會中場洛迪屬年輕球員，呢個情況下安歷基選擇重召已經四年冇入選嘅老將卡蘇拿，一來肯定佢今季嘅出色表現及積極態度，為其他球員豎立榜樣，二來佢係今次陣中除沙治奧拉莫斯及布斯基斯外最多國家隊經驗之人，期望佢可以幫助陣中資歷較淺嘅球員。
不過，西班牙副帥羅拔摩蘭奴宣布安歷基繼上個國際賽期，繼續因為家庭原因休假，缺席6月對對法羅群島及瑞典兩場外圍賽，羅拔摩蘭奴將會代為領軍。
Source: Sky Sports
回想卡蘇拿初初加盟阿仙奴時，有部分冇留意西甲嘅球迷，曾經質疑身高只有1.68米嘅卡蘇拿能否適應英超，但佢馬上已經用出色嘅腳下功夫、長短傳、護球及控制節奏能力征服球迷，特別係佢左右腳嫻熟無異，以及被安排打後一格踢墮後中場仍然完全勝任，令球迷佩服得五體投地。其實，今日回想，卡蘇拿生於盛產出色中場嘅西班牙，歷來有不知多少出色嘅中場無奈因為激烈競爭而與「狂牛軍團」無緣，但卡蘇拿仍然有77次國家隊上陣經歷，已經證明佢確有過人之處。
阿仙奴嘅出色球員，好多都敵唔過傷患。卡蘇拿於2016年10月，為阿仙奴上陣時，阿基理斯腱受傷，幾乎摧毀卡蘇拿嘅職業生涯。位於腳踭嘅阿基理斯腱，的確係後患無窮嘅傷患，但當時冇人估到會發展至後來嘅地步。卡蘇拿喺2017年10月接受《馬卡報》訪問，透露自己長期缺陣嘅內情。
卡蘇拿當時透露，佢初次接受阿基理斯腱手術後，患處無法癒合，受到細菌感染，結果先後接受過8次手術，右腳阿基理斯腱少咗8厘米，而且唔夠皮膚縫合，要由手部移植皮膚補上。醫生同卡蘇拿講，由於當時嘅細菌感染有可能危及性命，曾經考慮要卡蘇拿截肢保命，並且同佢講「你可以同個仔喺花園散步，已經執到」。呢個係2017年10月嘅事，但根據後來嘅報導，卡蘇拿右腳腳踭一共進行過10次手術。
終於回復健康後，卡蘇拿喺2018年夏天自由身重返年輕時效力過嘅西甲球隊維拉利爾。即使已經34歲，兼養傷近兩年，卡蘇拿仍然成為「黃色潛艇」重要嘅一員，今季一共為球隊各項賽事上陣45場，貢獻7個入球及11個助攻，其中對皇家馬德里時更梅開二度。「卡叔」今季亦有令人深刻嘅另一幕，佢喺4月初對貝迪斯時射失12碼，令球隊輸波，佢喺賽後因為自責令球隊護級勢危而痛哭 (現時維拉利爾已成功護級) ；但佢喺3日後於歐霸八強對華倫西亞再次主射12碼命中，一向斯文且面帶笑容嘅「卡叔」更罕有衝上前怒踢皮球及門柱一吐烏氣。正如「卡叔」生涯經歷，「凡殺不死我的，必使我更強大」，佢總係會捲土重來。
今日嘅西班牙國家隊中場或者大不如前，但人才唔會冇，因此卡蘇拿嘅入選仍然係唔容易。國家隊主帥安歷基最近公布6月出戰歐國盃外圍賽嘅名單，中場線上除咗選入布斯基斯之外，其他中場球員包括柏利祖、沙治羅拔圖，雖然已非年輕球員，但都係國家隊經驗極淺 (30歲嘅柏利祖只有2次國家隊上陣經驗)，另外仲有拿玻里中場法比安雷斯及馬體會中場洛迪屬年輕球員，呢個情況下安歷基選擇重召已經四年冇入選嘅老將卡蘇拿，一來肯定佢今季嘅出色表現及積極態度，為其他球員豎立榜樣，二來佢係今次陣中除沙治奧拉莫斯及布斯基斯外最多國家隊經驗之人，期望佢可以幫助陣中資歷較淺嘅球員。
不過，西班牙副帥羅拔摩蘭奴宣布安歷基繼上個國際賽期，繼續因為家庭原因休假，缺席6月對對法羅群島及瑞典兩場外圍賽，羅拔摩蘭奴將會代為領軍。
Source: Sky Sports