【真．教授】雲加揭秘曾部署於阿仙奴內設立大學：「係我喺球會最後嘅夢想」
前阿仙奴領隊雲加擁有「教授」(The Professor) 嘅外號，佢近日接受專訪時，透露曾經希望喺阿仙奴設立一所大學。
雲加執教阿仙奴長達22年，佢已經年屆69歲高齡，加上離任前球隊戰績欠佳積弱多年，令佢蒙上「老頑固」嘅負面形象。不過，雲加入主阿仙奴之初，正係英倫球壇嘅革命先鋒，除咗足球風格，佢對英倫球壇影響最大嘅係引入運動營養學之類嘅科學化管理思維，原來雲加即使喺離任前仍然向呢個方向努力，只係未有機會完成。
根據《Daily Mail》專訪報導，雲加透露喺執教阿仙奴最後日子中，正在籌備設立一所大學，於球會之內進行現代足球有關嘅心理、身體及技術等方面嘅運動科學研究，以及培養相關人才。
雲加表示：「我喺阿仙奴最後嘅夢想，就係喺球會內開設一間大學。
我當時已經同一啲大公司相討合作，例如 Sony、Siemens，因為呢啲公司擁有龐大嘅研究部門。
我認為呢個係球會發展嘅下一步。」
可惜雲加未完成呢個夢想就已經離任，現時阿仙奴管理層亦已人面全非。不過，雲加其實仲有喺運動科技行業中投資，訪問透露佢注資一間名為PlayerMaker嘅公司，呢間公司發展一種科技，將感應器安裝於球鞋，量度各項身體及技術表現數據。雲加表示投資喺呢間公司上，並冇考慮回報，只係認為呢啲準備便利而超前嘅科技可以為足球帶嚟革新，值得大力支持。
Source: Daily Mail
雲加執教阿仙奴長達22年，佢已經年屆69歲高齡，加上離任前球隊戰績欠佳積弱多年，令佢蒙上「老頑固」嘅負面形象。不過，雲加入主阿仙奴之初，正係英倫球壇嘅革命先鋒，除咗足球風格，佢對英倫球壇影響最大嘅係引入運動營養學之類嘅科學化管理思維，原來雲加即使喺離任前仍然向呢個方向努力，只係未有機會完成。
根據《Daily Mail》專訪報導，雲加透露喺執教阿仙奴最後日子中，正在籌備設立一所大學，於球會之內進行現代足球有關嘅心理、身體及技術等方面嘅運動科學研究，以及培養相關人才。
雲加表示：「我喺阿仙奴最後嘅夢想，就係喺球會內開設一間大學。
我當時已經同一啲大公司相討合作，例如 Sony、Siemens，因為呢啲公司擁有龐大嘅研究部門。
我認為呢個係球會發展嘅下一步。」
可惜雲加未完成呢個夢想就已經離任，現時阿仙奴管理層亦已人面全非。不過，雲加其實仲有喺運動科技行業中投資，訪問透露佢注資一間名為PlayerMaker嘅公司，呢間公司發展一種科技，將感應器安裝於球鞋，量度各項身體及技術表現數據。雲加表示投資喺呢間公司上，並冇考慮回報，只係認為呢啲準備便利而超前嘅科技可以為足球帶嚟革新，值得大力支持。
Source: Daily Mail