45秒見證「少林隊大戰汽車維修隊」，阿根廷瘋狂球賽飛沙劈石、襲擊球證、插水樣樣齊
南美足球嘅魅力相信唔需要多介紹，例如阿根廷國家打吡河床對小保加惡鬥多年，出動防暴警察屬於基本程序，可見當地人對足球嘅投入程度。
最近正進行阿根廷乙組升班附加賽，由8支球隊決出一個升上甲組嘅資格。阿根廷乙組賽制特別，今屆賽事出現兩隊同分並列榜首，沙米恩圖 (Sarmiento) 雖然比沙蘭迪兵工廠 (Arsenal de Sarandí) 多出一個得失球優勢，但同分卻要直接踢一場過冠軍戰決勝負，最終由沙蘭迪兵工廠奪冠兼取下直接升班資格，沙米恩圖反而要同其餘第3至9位爭另一個升班資格，8隊只能活一隊。由天堂跌落凡間嘅沙米恩圖，更喺首圈對第9位嘅布朗阿祖基 (Brown de Adrogué) 兩回合賽和1-1，僅憑聯賽排名優勢晉級。本文主角並非沙米恩圖，不過佢都會喺最後再次亮相。
今次要講嘅係呢個升班附加賽其中一場四強戲碼，艾馬格羅 (Almagro) 對 科爾多瓦中央(Central Córdoba)。開賽只係20幾分鐘就出現精彩45秒鐘。
https://streamable.com/ocq30
雙方飛沙劈石，互相施展較剪腳、兇狠飛剷，場面十分誇張，唔知以為睇緊少林隊大戰汽車維修隊。仲有球員被對手一推，浮誇倒地，用腳夾人。
不過最精彩一幕，必定係球證出示黃牌時，手肘碰到一名球員，「受害」球員即時「疑似失去意識」倒地，演技可謂由內到外再到返內，無可挑剔，佢係唔係認為應該要趕球證出場呢？
之後，球證再出示紅牌將之前領牌嗰位球員Leonardo Acosta趕出場，Leonardo Acosta不忿上前推撞球證，當然點都要被趕走啦。
呢度咁多個精彩鏡頭，喺一段45秒短片入面齊晒，而且咁多下粗野動作，只有一人被逐，難怪阿根廷球迷咁投入咁興奮。最後，十人應戰嘅艾馬格羅，以1-2輸俾科爾多瓦中央，令科爾多瓦中央以兩回合4-2晉身決賽。科爾多瓦中央喺決賽嘅對手正係開頭所講嘅沙米恩圖，到底沙米恩圖會唔會咁慘情，聯賽積分並列排第一都升唔到班呢？留待決賽分曉。
Source: Sportbible、sofascore
最近正進行阿根廷乙組升班附加賽，由8支球隊決出一個升上甲組嘅資格。阿根廷乙組賽制特別，今屆賽事出現兩隊同分並列榜首，沙米恩圖 (Sarmiento) 雖然比沙蘭迪兵工廠 (Arsenal de Sarandí) 多出一個得失球優勢，但同分卻要直接踢一場過冠軍戰決勝負，最終由沙蘭迪兵工廠奪冠兼取下直接升班資格，沙米恩圖反而要同其餘第3至9位爭另一個升班資格，8隊只能活一隊。由天堂跌落凡間嘅沙米恩圖，更喺首圈對第9位嘅布朗阿祖基 (Brown de Adrogué) 兩回合賽和1-1，僅憑聯賽排名優勢晉級。本文主角並非沙米恩圖，不過佢都會喺最後再次亮相。
今次要講嘅係呢個升班附加賽其中一場四強戲碼，艾馬格羅 (Almagro) 對 科爾多瓦中央(Central Córdoba)。開賽只係20幾分鐘就出現精彩45秒鐘。
https://streamable.com/ocq30
雙方飛沙劈石，互相施展較剪腳、兇狠飛剷，場面十分誇張，唔知以為睇緊少林隊大戰汽車維修隊。仲有球員被對手一推，浮誇倒地，用腳夾人。
不過最精彩一幕，必定係球證出示黃牌時，手肘碰到一名球員，「受害」球員即時「疑似失去意識」倒地，演技可謂由內到外再到返內，無可挑剔，佢係唔係認為應該要趕球證出場呢？
之後，球證再出示紅牌將之前領牌嗰位球員Leonardo Acosta趕出場，Leonardo Acosta不忿上前推撞球證，當然點都要被趕走啦。
呢度咁多個精彩鏡頭，喺一段45秒短片入面齊晒，而且咁多下粗野動作，只有一人被逐，難怪阿根廷球迷咁投入咁興奮。最後，十人應戰嘅艾馬格羅，以1-2輸俾科爾多瓦中央，令科爾多瓦中央以兩回合4-2晉身決賽。科爾多瓦中央喺決賽嘅對手正係開頭所講嘅沙米恩圖，到底沙米恩圖會唔會咁慘情，聯賽積分並列排第一都升唔到班呢？留待決賽分曉。
Source: Sportbible、sofascore