41歲保方宣布離開PSG：「今次經驗令我成長，出國之旅完結」
巴黎聖日耳門門將保方，今日宣布離開球隊，為短短一年法國之旅劃上句號，但未有透露下一站去向。
意大利門神保方去年夏天成為自由身，離開效力17年嘅祖雲達斯，毅然以40歲之軀展開職業生涯首次出國之旅，加盟法甲班霸巴黎聖日耳門，希望一圓歐聯夢。可惜，PSG縱有尼馬、麥巴比等球星，於歐聯仍然一籌莫展。
PSG不但歐聯戰績令人失望，本土賽事中亦「只能」取得法國冠軍，法國足總盃及法國聯賽盃都未能奪冠，成績可謂完全不合格。連帶一向穩健嘅保方，亦間中「老貓燒鬚」出現失誤，喺佢職業生涯中十分罕見，有傳PSG會方因此認為保方不復當年勇，亦未能單靠經驗改善球隊戰績。
41歲嘅保方今日宣布佢將會離開PSG：
「我高興地帶住今次經驗離開，毫無疑問令我成長咗。我離開意大利嘅旅程今日作結。
海明威 (Ernest Hemingway) 曾經話過，世上只有兩個地方令人可以快樂生活『屋企，同埋巴黎』，由今日起，呢句說話同樣適用於我身上。巴黎，某種意義上，亦係我嘅屋企，Allez Paris (PSG口號)！」
保方又感謝球會主席、隊友、球迷及所有職員。
Source: BBC
意大利門神保方去年夏天成為自由身，離開效力17年嘅祖雲達斯，毅然以40歲之軀展開職業生涯首次出國之旅，加盟法甲班霸巴黎聖日耳門，希望一圓歐聯夢。可惜，PSG縱有尼馬、麥巴比等球星，於歐聯仍然一籌莫展。
PSG不但歐聯戰績令人失望，本土賽事中亦「只能」取得法國冠軍，法國足總盃及法國聯賽盃都未能奪冠，成績可謂完全不合格。連帶一向穩健嘅保方，亦間中「老貓燒鬚」出現失誤，喺佢職業生涯中十分罕見，有傳PSG會方因此認為保方不復當年勇，亦未能單靠經驗改善球隊戰績。
41歲嘅保方今日宣布佢將會離開PSG：
「我高興地帶住今次經驗離開，毫無疑問令我成長咗。我離開意大利嘅旅程今日作結。
海明威 (Ernest Hemingway) 曾經話過，世上只有兩個地方令人可以快樂生活『屋企，同埋巴黎』，由今日起，呢句說話同樣適用於我身上。巴黎，某種意義上，亦係我嘅屋企，Allez Paris (PSG口號)！」
保方又感謝球會主席、隊友、球迷及所有職員。
Source: BBC