丹尼爾占士已完成體測，曼聯預計以1500萬鎊轉會費敲定第一簽
威爾斯年輕翼鋒丹尼爾占士 (Daniel James) 據報已經於曼聯完成體測，即將成為曼聯今個夏天轉會窗嘅第一簽。
根據英國《Sky Sports》報導，效力史雲斯嘅丹尼爾占士於當地時間星期四接受並完成曼聯體測，意味著曼聯十分接近落實今夏第一筆引援。據報曼聯將會付出初步轉會費1500萬英鎊，另外有約300萬鎊附加條款；曼聯已與球員就個人條件達成共識。
現年21歲嘅丹尼爾占士現時已返回威爾斯國家隊參加操練，備戰今個星期六及下星期二嘅歐國盃外圍賽，對手分別係克羅地亞及匈牙利。
丹尼爾占士曾於侯城及史雲斯青年軍受訓，2017-18季初被外借到英甲球會梳士貝利，但竟於兩個月內被「退貨」。不過，丹尼爾占士隨後漸漸進步及獲得賞識，今季已為史雲斯上陣33場英冠，各項賽事38場，射入5球及交出10個助攻，佢曾經喺比賽中展示驚人速度，令效力諾域治嘅北愛爾蘭守將查馬李維士 (Jamal Lewis) 不禁於近期訪問中，直指丹尼爾占士係自己所面對過最快嘅對手。
Source: Sky Sports、Whoscored
根據英國《Sky Sports》報導，效力史雲斯嘅丹尼爾占士於當地時間星期四接受並完成曼聯體測，意味著曼聯十分接近落實今夏第一筆引援。據報曼聯將會付出初步轉會費1500萬英鎊，另外有約300萬鎊附加條款；曼聯已與球員就個人條件達成共識。
現年21歲嘅丹尼爾占士現時已返回威爾斯國家隊參加操練，備戰今個星期六及下星期二嘅歐國盃外圍賽，對手分別係克羅地亞及匈牙利。
丹尼爾占士曾於侯城及史雲斯青年軍受訓，2017-18季初被外借到英甲球會梳士貝利，但竟於兩個月內被「退貨」。不過，丹尼爾占士隨後漸漸進步及獲得賞識，今季已為史雲斯上陣33場英冠，各項賽事38場，射入5球及交出10個助攻，佢曾經喺比賽中展示驚人速度，令效力諾域治嘅北愛爾蘭守將查馬李維士 (Jamal Lewis) 不禁於近期訪問中，直指丹尼爾占士係自己所面對過最快嘅對手。
Source: Sky Sports、Whoscored