教沙地阿拉伯球隊15戰僅3勝，比歷將執教西布朗戰英冠
英冠球隊西布朗官方宣布，正式任命前韋斯咸領隊比歷 (Slaven Bilic) 為新任主帥，帶領球隊力求於2019-20球季爭取升上英超。
比歷執教韋斯咸時曾經大獲好評，但最終喺2017-18球季中，因為球隊陷入頹勢而離任。雖然黯然下台，但比歷「埋單計數」，仍然以每場英超平均取得1.33分，成為韋斯咸史上第一人。
休息接近一年，比歷喺2018年9月27日成為沙地阿拉伯球隊伊蒂哈德 (Al-Ittihad) 主帥。呢隊曾經取得8次聯賽及3次亞洲冠軍嘅球隊，陷入小低潮，2011-12球季起就只有2015-16球季進入三甲。2018-19球季初段表現欠佳後，伊蒂哈德邀請比歷接手，但佢亦無力回天，15場比賽中只取得3勝，結果執教5個月就被辭退。結果，伊蒂哈德今季只能以第10位完成聯賽，係自1976-77以嚟最低排名 (但沙地聯賽參賽隊伍亦由當年8隊增至今季16隊) 。
西布朗今季三月辭退戴倫摩亞 (Darren Moore)，改由教練團成員 James Shan 擔任看守領隊，後於升班附加賽出局。最終，西布朗決定邀請比歷接手。比歷接受西布朗官網訪問表示，獲得西布朗接觸時毫不猶豫就答應，希望協助球隊重返英超。
Source: BBC、90min
比歷執教韋斯咸時曾經大獲好評，但最終喺2017-18球季中，因為球隊陷入頹勢而離任。雖然黯然下台，但比歷「埋單計數」，仍然以每場英超平均取得1.33分，成為韋斯咸史上第一人。
休息接近一年，比歷喺2018年9月27日成為沙地阿拉伯球隊伊蒂哈德 (Al-Ittihad) 主帥。呢隊曾經取得8次聯賽及3次亞洲冠軍嘅球隊，陷入小低潮，2011-12球季起就只有2015-16球季進入三甲。2018-19球季初段表現欠佳後，伊蒂哈德邀請比歷接手，但佢亦無力回天，15場比賽中只取得3勝，結果執教5個月就被辭退。結果，伊蒂哈德今季只能以第10位完成聯賽，係自1976-77以嚟最低排名 (但沙地聯賽參賽隊伍亦由當年8隊增至今季16隊) 。
西布朗今季三月辭退戴倫摩亞 (Darren Moore)，改由教練團成員 James Shan 擔任看守領隊，後於升班附加賽出局。最終，西布朗決定邀請比歷接手。比歷接受西布朗官網訪問表示，獲得西布朗接觸時毫不猶豫就答應，希望協助球隊重返英超。
Source: BBC、90min