前英格蘭國腳活基治執教米杜士堡，羅比堅尼任副手
前英格蘭國腳活基治 (Jonathan Woodgate) 於周五獲英冠球隊米杜士堡委任為領隊，首次成為主教練，正式展開主帥生涯。
英冠球隊米杜士堡今季只能以第7名完成聯賽，僅僅無緣升班附加賽，老牌領隊普利斯 (Tony Pulis) 就於五月宣布離任。米杜士堡最終於本周五委任U18助教活基治「坐正」出任一隊主帥。
39歲嘅活基治球員生涯曾經於米杜士堡青年隊受訓，後來於皇家馬德里壯志未酬，被先借後賣到米杜士堡，職業生涯最後階段再次重返米堡，更於球隊退役。
根據《BBC》分析，米杜士堡今次委任活基治，係為咗重新建立一支擁有球會「身份認同」嘅球隊，佢哋過去曾經多次給予機會，孕育「帥壇新秀」，其中包括白賴仁笠臣 (Bryan Robson) 、麥卡倫 (Steve McClaren) 及修夫基 (Gareth Southgate)，其中白賴仁笠臣及修夫基都係前米堡球員。
球員時代司職中堅嘅活基治，表示自己希望以「悅目、高壓迫嘅進攻足球，贏回球迷嘅歡心」。另外，活基治亦指自己整個教練團都係為上述足球理念而設，其中包括助理領隊羅比堅尼 (Robbie Keane) 。38歲嘅羅比堅尼曾經同活基治於列斯聯及熱刺合作，佢現時於祖國愛爾蘭國家隊擔任助理領隊，並稱已經得到雙方同意，同時擔任米杜士堡及愛爾蘭國家隊助理領隊。
Source: BBC
英冠球隊米杜士堡今季只能以第7名完成聯賽，僅僅無緣升班附加賽，老牌領隊普利斯 (Tony Pulis) 就於五月宣布離任。米杜士堡最終於本周五委任U18助教活基治「坐正」出任一隊主帥。
39歲嘅活基治球員生涯曾經於米杜士堡青年隊受訓，後來於皇家馬德里壯志未酬，被先借後賣到米杜士堡，職業生涯最後階段再次重返米堡，更於球隊退役。
根據《BBC》分析，米杜士堡今次委任活基治，係為咗重新建立一支擁有球會「身份認同」嘅球隊，佢哋過去曾經多次給予機會，孕育「帥壇新秀」，其中包括白賴仁笠臣 (Bryan Robson) 、麥卡倫 (Steve McClaren) 及修夫基 (Gareth Southgate)，其中白賴仁笠臣及修夫基都係前米堡球員。
球員時代司職中堅嘅活基治，表示自己希望以「悅目、高壓迫嘅進攻足球，贏回球迷嘅歡心」。另外，活基治亦指自己整個教練團都係為上述足球理念而設，其中包括助理領隊羅比堅尼 (Robbie Keane) 。38歲嘅羅比堅尼曾經同活基治於列斯聯及熱刺合作，佢現時於祖國愛爾蘭國家隊擔任助理領隊，並稱已經得到雙方同意，同時擔任米杜士堡及愛爾蘭國家隊助理領隊。
Source: BBC