再離母會，老牌英格蘭翼鋒唐寧轉戰布力般流浪
根據英國《Sky Sports》報導，大家熟悉嘅老牌英格蘭翼鋒唐寧 (Stewart Downing) 以自由球員身份加盟布力般流浪。
34歲嘅唐寧喺2015年夏天離開韋斯咸，重返佢由兒時一直效力至25歲嘅家鄉球隊米杜士堡，直至今年夏天完成合約，被球隊放走。最後一個球季，唐寧雖然並非米杜士堡常規正選，但亦於英冠上陣38次，其中24次正選上陣，14次後備登場，仍然係球隊重要一員。不過，唐寧畢竟年事已高，全季只貢獻2入球1助攻，以自由身離隊亦屬合理。總結兩次米杜士堡生涯，唐寧上陣合共399次，錄得31入球、49助攻。
同樣身處英冠、另一家歷史悠久嘅英格蘭球會布力般流浪，就選擇喺呢個時候向唐寧招手，並官方宣布雙方已簽下一年合約。
唐寧曾為英格蘭國家隊上陣35場，又曾效力米杜士堡、阿士東維拉、利物浦、韋斯咸及新特蘭，踢過左翼、右翼、進攻中場、中場中、甚至左閘，布力般大軍名單中只有丹尼格拉咸等三名30歲以上球員，唐寧即使未必可以成為球隊核心，亦會係一名稱職嘅後備老將，以經驗幫助球隊。
Source: Sky Sports
34歲嘅唐寧喺2015年夏天離開韋斯咸，重返佢由兒時一直效力至25歲嘅家鄉球隊米杜士堡，直至今年夏天完成合約，被球隊放走。最後一個球季，唐寧雖然並非米杜士堡常規正選，但亦於英冠上陣38次，其中24次正選上陣，14次後備登場，仍然係球隊重要一員。不過，唐寧畢竟年事已高，全季只貢獻2入球1助攻，以自由身離隊亦屬合理。總結兩次米杜士堡生涯，唐寧上陣合共399次，錄得31入球、49助攻。
同樣身處英冠、另一家歷史悠久嘅英格蘭球會布力般流浪，就選擇喺呢個時候向唐寧招手，並官方宣布雙方已簽下一年合約。
唐寧曾為英格蘭國家隊上陣35場，又曾效力米杜士堡、阿士東維拉、利物浦、韋斯咸及新特蘭，踢過左翼、右翼、進攻中場、中場中、甚至左閘，布力般大軍名單中只有丹尼格拉咸等三名30歲以上球員，唐寧即使未必可以成為球隊核心，亦會係一名稱職嘅後備老將，以經驗幫助球隊。
Source: Sky Sports