《Sky Sports》：車路士將正式買斷高華錫，須於6月30日前行使權利
車路士於2018-19球季以借用形式獲得皇家馬德里中場高華錫(Mateo Kovacic) ，以及祖雲達斯前鋒希古恩 (Gonzalo Higuain) ，車路士來季會否嘗試留低二人，或會否轉會禁令影響，仍有不少猜測。根據最新報導，車路士將會，而且可以，正式買斷皇馬中場高華錫。
英國《Sky Sports》報導，指車路士已經同皇家馬德里達成共識，以永久轉會形式簽下借將高華錫。報導稱車路士需要向皇馬支付4500萬歐元 (4025萬鎊) 轉會費，以簽下呢名克羅地亞國腳中場。
高華錫外借到車路士以嚟都係領隊沙利麾下嘅中場主力，雖然沙利已經喺季後宣布離隊轉教祖雲達斯，但似乎冇影響車路士留下高華錫嘅決定，加上陣中年輕中場路夫度斯卓克 (Ruben Loftus-Cheek) 季尾重傷，令高華錫更顯重要。至於希古恩，報導認為車路士將唔會嘗試將佢留低。
車路士早前被國際足協頒布轉會禁令，令佢哋喺兩個轉會窗內，唔可以為「新球員」註冊，車路士已上訴至體育仲裁法庭，但未有因此而暫緩禁令嘅消息。《Sky Sports》指出，由於高華錫於2018-19球季嘅租借合約中，包含買斷條款，因此只要車路士於6月30日租借合約期滿前，行使買斷權利並完成手續，高華錫將唔會被視為「新球員」，從而可以成功於新球季註冊。
Source: Sky Sports
英國《Sky Sports》報導，指車路士已經同皇家馬德里達成共識，以永久轉會形式簽下借將高華錫。報導稱車路士需要向皇馬支付4500萬歐元 (4025萬鎊) 轉會費，以簽下呢名克羅地亞國腳中場。
高華錫外借到車路士以嚟都係領隊沙利麾下嘅中場主力，雖然沙利已經喺季後宣布離隊轉教祖雲達斯，但似乎冇影響車路士留下高華錫嘅決定，加上陣中年輕中場路夫度斯卓克 (Ruben Loftus-Cheek) 季尾重傷，令高華錫更顯重要。至於希古恩，報導認為車路士將唔會嘗試將佢留低。
車路士早前被國際足協頒布轉會禁令，令佢哋喺兩個轉會窗內，唔可以為「新球員」註冊，車路士已上訴至體育仲裁法庭，但未有因此而暫緩禁令嘅消息。《Sky Sports》指出，由於高華錫於2018-19球季嘅租借合約中，包含買斷條款，因此只要車路士於6月30日租借合約期滿前，行使買斷權利並完成手續，高華錫將唔會被視為「新球員」，從而可以成功於新球季註冊。
Source: Sky Sports