PSG官方聲明指尼馬未如期歸隊 體育總監李安納度：「啱價可賣」
巴西球星尼馬喺場外場內嘅行為都間中惹起爭議，經常成為眾人焦點，今個夏天有傳佢希望離開效力兩季嘅巴黎聖日耳門，而喺最近仲發生擅自離隊事件。
PSG最近開始季前操練，如非代表國家隊或有其他特殊情況，原則上所有球員都要返回球會報到，不過尼馬就被指未有按球會指示報到，球會更於官方網站上發表聲明公布事件。PSG於聲明中表示：「尼馬本應於7月8日返回球會，但球會發現尼馬未有於既定時間及地點報到，而且未有得到球會同意之下缺席。球會對現時情況感到遺憾，並會採取相應行動。」
《Sky Sports》報導，尼馬一方聲稱早已與PSG約定於7月15日歸隊，原因係尼馬於7月10日將會喺巴西出席佢名下慈善基金嘅一個活動，需要與小朋友見面。尼馬父親更稱，早於一年前已經通知PSG有關活動安排。
事件真相已經成為羅生門，不過無論如何，PSG選擇發表聲明公開批評尼馬缺席，已足夠反映雙方關係。更甚者，PSG體育總監李安納度喺相近時間接受《La Parisien》訪問，明言只要條件合適，尼馬就可以離隊：「如果有一個各方同意嘅價錢，尼馬就可以走。我哋暫時未收到任何報價。不過，係真嘅，我哋同巴塞隆拿有十分初步嘅接觸。」
Source: Sky Sports
PSG最近開始季前操練，如非代表國家隊或有其他特殊情況，原則上所有球員都要返回球會報到，不過尼馬就被指未有按球會指示報到，球會更於官方網站上發表聲明公布事件。PSG於聲明中表示：「尼馬本應於7月8日返回球會，但球會發現尼馬未有於既定時間及地點報到，而且未有得到球會同意之下缺席。球會對現時情況感到遺憾，並會採取相應行動。」
《Sky Sports》報導，尼馬一方聲稱早已與PSG約定於7月15日歸隊，原因係尼馬於7月10日將會喺巴西出席佢名下慈善基金嘅一個活動，需要與小朋友見面。尼馬父親更稱，早於一年前已經通知PSG有關活動安排。
事件真相已經成為羅生門，不過無論如何，PSG選擇發表聲明公開批評尼馬缺席，已足夠反映雙方關係。更甚者，PSG體育總監李安納度喺相近時間接受《La Parisien》訪問，明言只要條件合適，尼馬就可以離隊：「如果有一個各方同意嘅價錢，尼馬就可以走。我哋暫時未收到任何報價。不過，係真嘅，我哋同巴塞隆拿有十分初步嘅接觸。」
Source: Sky Sports