祝福！博洛尼亞主帥「罰球王」米赫洛域患上急性白血病：「我喺房喊咗兩日，但我會打贏場仗」
正所謂人生無常，今日足球壇有出現兩個壞消息，其一係球王施丹及兒子昨日分別以私人理由離盟球隊集訓，今日證實係由於施丹兄長 Farid Zidane 急病去世，皇馬喺訓練前亦為主帥家人默哀；另一件事，就係有「罰球王」之稱嘅博洛尼亞主帥米赫洛域 (Sinisa Mihajlovic) 宣布患上白血病 (又稱血癌)。
現年50歲嘅米赫洛域於意大利時間周六召開記者會，公布自己不幸患上急性白血病 (acute leukemia) 嘅消息。消息一出，球圈內外都對佢感到擔心，同時為佢獻上祝福。
米赫洛域表示：「當醫生話我知時，我感到十分震驚。我喺房入面喊咗兩日，但我唔感到懼怕，我急不及待要去醫院戰勝病魔，我同班球員講我會為勝利而戰，正如我教導佢哋喺球場上嘅態度一樣。
我要感謝博洛尼亞，佢哋令我明白自己係呢個大家庭嘅一份子，我亦都需要佢哋支持去打呢一場仗。同時，我亦都唔希望見到有其他人為我流淚。
我父親係因癌症而過世，所以我定期都會進行身體檢查，否則我可能喺一年內都唔會出現病癥，延誤治療嘅時機。」
球會總監 Walter Sabatini 陪同米赫洛域出席記者會，佢表示會博洛尼亞將會全力支持米赫洛域，亦唔會聘請新主帥。
急性白血病，又分為急性淋巴性白血病及急性骨髓性白血病兩種，米赫洛域未有公布所患類型，但根據絰基百科資料，成人最常見急性白血病係急性骨髓性白血病 (Acute myeloid leukemia) ，特點係骨髓內異常芽細胞快速增殖，影響正常造血細胞產生。不幸中之大幸，資料顯示及時治療嘅患者有機會痊癒。
祝願米赫洛域早日康復！
Source: Sky Sports、Goal、football-italia、Wikipedia
現年50歲嘅米赫洛域於意大利時間周六召開記者會，公布自己不幸患上急性白血病 (acute leukemia) 嘅消息。消息一出，球圈內外都對佢感到擔心，同時為佢獻上祝福。
米赫洛域表示：「當醫生話我知時，我感到十分震驚。我喺房入面喊咗兩日，但我唔感到懼怕，我急不及待要去醫院戰勝病魔，我同班球員講我會為勝利而戰，正如我教導佢哋喺球場上嘅態度一樣。
我要感謝博洛尼亞，佢哋令我明白自己係呢個大家庭嘅一份子，我亦都需要佢哋支持去打呢一場仗。同時，我亦都唔希望見到有其他人為我流淚。
我父親係因癌症而過世，所以我定期都會進行身體檢查，否則我可能喺一年內都唔會出現病癥，延誤治療嘅時機。」
球會總監 Walter Sabatini 陪同米赫洛域出席記者會，佢表示會博洛尼亞將會全力支持米赫洛域，亦唔會聘請新主帥。
急性白血病，又分為急性淋巴性白血病及急性骨髓性白血病兩種，米赫洛域未有公布所患類型，但根據絰基百科資料，成人最常見急性白血病係急性骨髓性白血病 (Acute myeloid leukemia) ，特點係骨髓內異常芽細胞快速增殖，影響正常造血細胞產生。不幸中之大幸，資料顯示及時治療嘅患者有機會痊癒。
引用急性骨髓性白血病是一項潛在可治癒的疾病。整體而言，使用化學治療可以使約70~80％以上的病人得到完全緩解，緩解後須進一步施行鞏固性化學治療，五年疾病痊癒率約40~50%。 少數急性骨髓性白血病，例如急性前骨髓性白血病(AML-M3)，因為可以使用全反式維甲酸治療(All trans retinoic acid)合併化學治療，治癒率可達80~95％以上。治療以化療為主。
祝願米赫洛域早日康復！
Source: Sky Sports、Goal、football-italia、Wikipedia