恐怖慎入！史篤城中堅梳高斯鏟波90度斷腳
足球場上，最唔希望見到嘅場面就係有球員受重傷。更甚者，如果喺季前熱身賽呢啲競爭意義唔大嘅比賽中受傷就慘上加慘喇。
7月28日，兩支英超球隊相約合演一場熱身賽，由史篤城對李斯特城，不幸一幕發生於39分鐘。
比賽39分鐘，李斯特城攻勢，皮球預計落喺接近底線位置附近，史篤城隊長梳高斯 (Ryan Shawcross) 安全起見落地試圖將個波清出橫邊。
當佢喺草面滑行之際，左腳卻被自己身體重量壓住，小腿近腳踝處受力扭曲，從畫面所見，屈曲角度接近90度。
梳高斯隨即於原地接受幾分鐘嘅應急處理，然後被抬上擔架送院。
網上有球迷馬上將梳高斯2010年令藍斯斷腳一事相提並論，認為係因果報應。作為阿仙奴球迷，亦希望講句公道說話。其實，當年梳高斯固然因為作出兇狠攔截令對手重傷，應該負上責任，受到良心責備及球例嘅懲罰 ，但當時情況相信梳高斯只係一心爭球 (動作過大係事實) ，而且佢亦表現出明顯悔意，已經獲得藍斯原諒。另外，根據近年訪問，梳高斯透露當年領隊普利斯賽前鼓勵球員放開心態，放大防守動作，目的係嚇怕阿仙奴球員，亦間接令梳高斯爭波時更無保留。梳高斯雖然一向攔截勇悍，但佢喺事前或事後都並非「殺人王」，佢雖有過失但並非人格有問題，事件已過去多年，如果將件事聯繫到今次重傷，對佢加以嘲笑或感到心涼，就未免有點那個。
反而，史篤城球迷自從藍斯事件後，每每於主場面對阿仙奴，必定對藍斯報以狂噓，呢啲先係真正冇品至極嘅行為同心態。同時，佢哋嘅邏輯更令人難以理解，為何被史篤城球員傷害嘅球員，反而成為史篤城球迷嘅公敵？今次史篤城球迷目睹球會隊長重傷，希望佢哋終能將心比心。
藍斯事件影片
https://www.youtube.com/watch?v=k07srJRaGL0
Source: Sky Sports
7月28日，兩支英超球隊相約合演一場熱身賽，由史篤城對李斯特城，不幸一幕發生於39分鐘。
比賽39分鐘，李斯特城攻勢，皮球預計落喺接近底線位置附近，史篤城隊長梳高斯 (Ryan Shawcross) 安全起見落地試圖將個波清出橫邊。
當佢喺草面滑行之際，左腳卻被自己身體重量壓住，小腿近腳踝處受力扭曲，從畫面所見，屈曲角度接近90度。
梳高斯隨即於原地接受幾分鐘嘅應急處理，然後被抬上擔架送院。
網上有球迷馬上將梳高斯2010年令藍斯斷腳一事相提並論，認為係因果報應。作為阿仙奴球迷，亦希望講句公道說話。其實，當年梳高斯固然因為作出兇狠攔截令對手重傷，應該負上責任，受到良心責備及球例嘅懲罰 ，但當時情況相信梳高斯只係一心爭球 (動作過大係事實) ，而且佢亦表現出明顯悔意，已經獲得藍斯原諒。另外，根據近年訪問，梳高斯透露當年領隊普利斯賽前鼓勵球員放開心態，放大防守動作，目的係嚇怕阿仙奴球員，亦間接令梳高斯爭波時更無保留。梳高斯雖然一向攔截勇悍，但佢喺事前或事後都並非「殺人王」，佢雖有過失但並非人格有問題，事件已過去多年，如果將件事聯繫到今次重傷，對佢加以嘲笑或感到心涼，就未免有點那個。
反而，史篤城球迷自從藍斯事件後，每每於主場面對阿仙奴，必定對藍斯報以狂噓，呢啲先係真正冇品至極嘅行為同心態。同時，佢哋嘅邏輯更令人難以理解，為何被史篤城球員傷害嘅球員，反而成為史篤城球迷嘅公敵？今次史篤城球迷目睹球會隊長重傷，希望佢哋終能將心比心。
藍斯事件影片
https://www.youtube.com/watch?v=k07srJRaGL0
Source: Sky Sports