阿仙奴慳家起革命：伊度上任、管理層財技出神入化，機關算盡淨開支不足1500萬鎊
阿仙奴因為未能取得歐聯席位，財政相當緊拙，不過球隊需要增強嘅位置亦唔少，相當考管理層嘅轉會操作及眼光；然而，今個轉會窗反映阿仙奴高層似乎順利「慳家起革命」。
2018-19球季對阿仙奴而言，係全新嘅開始，執教22年嘅雲加換成艾馬利，而稍早時候逐步組成嘅全新球會管理層班底亦正式運作。本來，阿仙奴由 CEO 加齊迪斯 (Ivan Gazidis) 為首，加上前巴塞隆拿體育總監桑利耶 (Raul Sanllehi) 出任 Head of Football Relations ，以及前多蒙特首席球探米斯連達 (Sven Mislintat) 出任 Head of Recruitment ，組成管理層鐵三角，但加齊迪斯中途「跳船」往AC米蘭，米斯連達亦因為得唔到曾被承諾嘅足球總監一職而離開，令阿仙奴管理層前景令人擔憂。結果，桑利耶升任為足球總監 (Director of Football) ，佢喺今年7月正式委任阿仙奴名宿伊度 (Edu Gaspar) 為技術總監 (Technical Director) ，對於球會今夏改組意義重大。
伊度上任即簽兩巴西兵
伊度不僅曾經係「不敗阿仙奴」其中一員，對球會理念及文化瞭然於胸，亦為球會帶來祖國巴西嘅人脈資源。雖然伊度只曾為巴西國家隊上陣15場，但佢出道及退役於哥連泰斯，重返阿仙奴任職前，亦曾擔任哥連泰斯足球總監。
阿仙奴簽下原來只效力巴西丁組球會嘅18歲巴西前鋒馬天利尼 (Gabriel Martinelli)，就極大機會係伊度嘅「上任禮物」。馬天利尼對球迷而言係名不經傳，但喺球探圈內就係另一回事。呢位小將加盟巴西丁組球會Ituano前，正正於哥連泰斯五人足球隊受訓，佢2018年先為Ituano上演處子戰，以16歲又9個月成為球會本世紀最年輕上陣球員，其後以出色表現吸引世界各大球會注意。無疑，馬天利尼並非天王巨星級嘅超新星，但正因如此，皇家馬德里、巴塞隆拿及曼聯等球會都曾經邀請佢試腳，希望以極低價錢引入呢位低調嘅「草根」新星加以栽培。最終，佢選擇加盟阿仙奴。因為佢巴西丁組資歷而對佢不抱期望嘅球迷，相信亦已經喺友賽階段對佢刮目相看。以佢嘅速度、腳法及潛力，即使未必可以於阿仙奴發光發熱，至少係一筆穩賺不賠嘅交易。
除馬天利尼外，今夏第二位加盟嘅巴西兵更令球迷始料不及。車路士中堅大衛雷斯一直未有離隊傳聞，但竟然於轉會窗最後兩日傳出罷操要求轉投阿仙奴，最終以783萬鎊轉會費加盟。雖然個人睇法對於大衛雷斯可以穩定阿仙奴防線不抱太大期望，但考慮到隊長哥斯尼離隊留下空缺，以及交易花費甚少，仍然可以給予正面評價。特別係大衛雷斯有擔任防守中場嘅經驗，以及佢擅長傳送，起碼可以解決球隊後場出球問題，改善進攻質素，樂觀角度睇，進攻就係最好嘅防守。不過，希望數字上比梅斯達菲「失誤導致失球」更多嘅佢，唔會同梅斯達菲攜手上陣。
以較低代價引入多名球員
如要選出最令筆者興奮嘅轉會，並非「標王」尼高拉斯比比，而係外借加盟嘅皇馬中場施巴路斯。呢位22歲西班牙中場嘅球技有目共睹，特別係佢傳球節奏爽快，有利於中場提速，與其依賴狀態飄忽嘅奧斯爾及米希達恩組織攻勢，施巴路斯如何加入中場配置，將會成為今季關鍵問題。
尼高拉斯比比於法甲光芒四射，去季38場聯賽貢獻22入球、11助攻，合共需要花費7200萬鎊轉會費，但由於里爾接受分期付款，實際上只花費今個轉會窗預算嘅2000萬鎊，其餘尾數逐年攤還。可踢右翼或正前鋒嘅尼高拉斯比比如果可以打出上季表現七成，已足夠解決阿仙奴邊路進攻問題。當場上擁有質素相當嘅拉邊球員時，就可以減少對中路進攻嘅依賴，令攻勢更為立體，同時減輕閘位壓力。不過，法甲水平同英超有差距，身體十分單薄嘅尼高拉斯比比有可能出現嚴重適應問題或傷患，如果不幸發生，就會令阿仙奴豪賭失敗。期望越大，失望越大，因此個人對呢筆轉會係持審慎觀望態度。
些路迪左閘泰亞尼 (Kieran Tierney) 以2430萬鎊加盟，此子屬於公認具有潛質嘅左閘球員，價錢合理。不過據報佢有輕傷在身，加上陣中已有高拿仙歷及可踢左閘及中堅嘅老將蒙維爾在陣，泰亞尼未必會馬上披甲上陣，亦由於左閘位置上不乏選擇，開季後要慢慢觀察艾馬利如何配搭，暫時就不作猜度。
賣人操作稍稍失望
青訓產品伊禾比於轉會截至日最後關頭轉投愛華頓，此子一向評價十分兩極，但筆者其實對佢評價係傾向正面嘅，而且睇好23歲嘅佢仍有進步空間，詳細分析就唔講，只係想講一點。筆者明白有入就有出，事實上伊禾比離隊不但對球會財政有幫助，而且可以騰出空間俾陣中年輕球員如尼爾遜 (Reiss Nelson) ，所以出售伊禾比嘅決定係可以理解。不過，一位於英超前列球會一季各項賽事上陣51場比賽嘅球員，兼可以計入英格蘭本土青訓註冊名額，竟然只可賣得2736萬鎊 (連額外條款可達4000萬鎊) ，單睇呢個基本費用，實在有啲「肉痛」。筆者知道好多人覺得「咁都有人買已經執到」，但其實個人認為伊禾比作為「英人青訓」及英超球會常用翼鋒，加上年輕，基本轉會費就起碼應該有3500-4000萬鎊，再加額外條款 (即管笑) 。
另一位球員，筆者更完全唔希望佢離隊，佢就係年輕球員比歷 (Krystian Bielik) 。21歲嘅波蘭中堅比歷，加盟4季以嚟逐漸「成型」，夏天代表波蘭踢U21歐國盃，6場攻入3球，又可串演防守中場，腳法及制空力都唔錯，即使有大衛雷斯加盟，亦希望佢只係外借離隊，可惜佢最終永久離隊，轉投打比郡，球會收回738萬鎊。至於隊長哥斯尼，畢竟已33歲，過去一向為球會鞠躬盡瘁，最後嘅一點遺憾就不必計較，賣得450萬鎊亦算係好價錢。
收支狀況
按Transfermarkt提供金額計算，如果尼高拉斯比比只算首期款項2000萬鎊，以及將聖伊天中堅沙利巴嘅費用撥入下季預算，今個轉會窗阿仙奴共花5816萬鎊。收入方面，阿仙奴除伊禾比外，「薄利多銷」清走多名球員，共得4527萬鎊。淨開支 (net spend) 就只有1289萬鎊。
如果再計盡啲，假設可於伊禾比身上收足4000萬鎊，加上前球員賓拿沙 (Ismaël Bennacer) 由安玻里轉投AC米蘭嘅400萬鎊分成，阿仙奴甚至淨賺375萬鎊！
其實，喺人工上嘅調整亦不可忽視，不過寫到呢度已經too long didn't read，就舉下圖為例。下圖指出，出售伊禾比前，阿仙奴離隊球員嘅周薪合共57萬鎊，加上伊禾比周薪7萬鎊，即透過清人節省64萬鎊周薪空間。簽入球員大衛雷斯 (£160k/w) 、尼高拉斯比比 (£140k/w)、施巴路斯 (借用薪金 £60k/w)、泰亞尼 (£75k/w)、馬天利尼 (£20k/w)、沙利巴 (£50k/w；外借可忽略不計)，動用45.5萬鎊周薪，即整體淨節省18.5萬周薪，足夠簽多一位大衛雷斯有餘。
整體而言，阿仙奴喺十分有限嘅預算下，簽入6名質素唔錯嘅球員，其中大衛雷斯、尼高拉斯比比、施巴路斯都係明顯即時阿仙奴有所提升嘅球員，當中只有尼高拉斯比比風險較高，泰亞尼表現亦值得期待。離隊球員方面，阿仙奴清走大量球員，其中年輕球員比歷離隊令人失望，伊禾比售價略嫌稍低。筆者會給予阿仙奴今個轉會窗運作8/10評分，至於新兵是否發揮得當，就視乎艾馬利功力，留待開季幾場後再講。
Source: Transfermarkt
2018-19球季對阿仙奴而言，係全新嘅開始，執教22年嘅雲加換成艾馬利，而稍早時候逐步組成嘅全新球會管理層班底亦正式運作。本來，阿仙奴由 CEO 加齊迪斯 (Ivan Gazidis) 為首，加上前巴塞隆拿體育總監桑利耶 (Raul Sanllehi) 出任 Head of Football Relations ，以及前多蒙特首席球探米斯連達 (Sven Mislintat) 出任 Head of Recruitment ，組成管理層鐵三角，但加齊迪斯中途「跳船」往AC米蘭，米斯連達亦因為得唔到曾被承諾嘅足球總監一職而離開，令阿仙奴管理層前景令人擔憂。結果，桑利耶升任為足球總監 (Director of Football) ，佢喺今年7月正式委任阿仙奴名宿伊度 (Edu Gaspar) 為技術總監 (Technical Director) ，對於球會今夏改組意義重大。
伊度上任即簽兩巴西兵
伊度不僅曾經係「不敗阿仙奴」其中一員，對球會理念及文化瞭然於胸，亦為球會帶來祖國巴西嘅人脈資源。雖然伊度只曾為巴西國家隊上陣15場，但佢出道及退役於哥連泰斯，重返阿仙奴任職前，亦曾擔任哥連泰斯足球總監。
阿仙奴簽下原來只效力巴西丁組球會嘅18歲巴西前鋒馬天利尼 (Gabriel Martinelli)，就極大機會係伊度嘅「上任禮物」。馬天利尼對球迷而言係名不經傳，但喺球探圈內就係另一回事。呢位小將加盟巴西丁組球會Ituano前，正正於哥連泰斯五人足球隊受訓，佢2018年先為Ituano上演處子戰，以16歲又9個月成為球會本世紀最年輕上陣球員，其後以出色表現吸引世界各大球會注意。無疑，馬天利尼並非天王巨星級嘅超新星，但正因如此，皇家馬德里、巴塞隆拿及曼聯等球會都曾經邀請佢試腳，希望以極低價錢引入呢位低調嘅「草根」新星加以栽培。最終，佢選擇加盟阿仙奴。因為佢巴西丁組資歷而對佢不抱期望嘅球迷，相信亦已經喺友賽階段對佢刮目相看。以佢嘅速度、腳法及潛力，即使未必可以於阿仙奴發光發熱，至少係一筆穩賺不賠嘅交易。
除馬天利尼外，今夏第二位加盟嘅巴西兵更令球迷始料不及。車路士中堅大衛雷斯一直未有離隊傳聞，但竟然於轉會窗最後兩日傳出罷操要求轉投阿仙奴，最終以783萬鎊轉會費加盟。雖然個人睇法對於大衛雷斯可以穩定阿仙奴防線不抱太大期望，但考慮到隊長哥斯尼離隊留下空缺，以及交易花費甚少，仍然可以給予正面評價。特別係大衛雷斯有擔任防守中場嘅經驗，以及佢擅長傳送，起碼可以解決球隊後場出球問題，改善進攻質素，樂觀角度睇，進攻就係最好嘅防守。不過，希望數字上比梅斯達菲「失誤導致失球」更多嘅佢，唔會同梅斯達菲攜手上陣。
以較低代價引入多名球員
如要選出最令筆者興奮嘅轉會，並非「標王」尼高拉斯比比，而係外借加盟嘅皇馬中場施巴路斯。呢位22歲西班牙中場嘅球技有目共睹，特別係佢傳球節奏爽快，有利於中場提速，與其依賴狀態飄忽嘅奧斯爾及米希達恩組織攻勢，施巴路斯如何加入中場配置，將會成為今季關鍵問題。
尼高拉斯比比於法甲光芒四射，去季38場聯賽貢獻22入球、11助攻，合共需要花費7200萬鎊轉會費，但由於里爾接受分期付款，實際上只花費今個轉會窗預算嘅2000萬鎊，其餘尾數逐年攤還。可踢右翼或正前鋒嘅尼高拉斯比比如果可以打出上季表現七成，已足夠解決阿仙奴邊路進攻問題。當場上擁有質素相當嘅拉邊球員時，就可以減少對中路進攻嘅依賴，令攻勢更為立體，同時減輕閘位壓力。不過，法甲水平同英超有差距，身體十分單薄嘅尼高拉斯比比有可能出現嚴重適應問題或傷患，如果不幸發生，就會令阿仙奴豪賭失敗。期望越大，失望越大，因此個人對呢筆轉會係持審慎觀望態度。
些路迪左閘泰亞尼 (Kieran Tierney) 以2430萬鎊加盟，此子屬於公認具有潛質嘅左閘球員，價錢合理。不過據報佢有輕傷在身，加上陣中已有高拿仙歷及可踢左閘及中堅嘅老將蒙維爾在陣，泰亞尼未必會馬上披甲上陣，亦由於左閘位置上不乏選擇，開季後要慢慢觀察艾馬利如何配搭，暫時就不作猜度。
賣人操作稍稍失望
青訓產品伊禾比於轉會截至日最後關頭轉投愛華頓，此子一向評價十分兩極，但筆者其實對佢評價係傾向正面嘅，而且睇好23歲嘅佢仍有進步空間，詳細分析就唔講，只係想講一點。筆者明白有入就有出，事實上伊禾比離隊不但對球會財政有幫助，而且可以騰出空間俾陣中年輕球員如尼爾遜 (Reiss Nelson) ，所以出售伊禾比嘅決定係可以理解。不過，一位於英超前列球會一季各項賽事上陣51場比賽嘅球員，兼可以計入英格蘭本土青訓註冊名額，竟然只可賣得2736萬鎊 (連額外條款可達4000萬鎊) ，單睇呢個基本費用，實在有啲「肉痛」。筆者知道好多人覺得「咁都有人買已經執到」，但其實個人認為伊禾比作為「英人青訓」及英超球會常用翼鋒，加上年輕，基本轉會費就起碼應該有3500-4000萬鎊，再加額外條款 (即管笑) 。
另一位球員，筆者更完全唔希望佢離隊，佢就係年輕球員比歷 (Krystian Bielik) 。21歲嘅波蘭中堅比歷，加盟4季以嚟逐漸「成型」，夏天代表波蘭踢U21歐國盃，6場攻入3球，又可串演防守中場，腳法及制空力都唔錯，即使有大衛雷斯加盟，亦希望佢只係外借離隊，可惜佢最終永久離隊，轉投打比郡，球會收回738萬鎊。至於隊長哥斯尼，畢竟已33歲，過去一向為球會鞠躬盡瘁，最後嘅一點遺憾就不必計較，賣得450萬鎊亦算係好價錢。
收支狀況
按Transfermarkt提供金額計算，如果尼高拉斯比比只算首期款項2000萬鎊，以及將聖伊天中堅沙利巴嘅費用撥入下季預算，今個轉會窗阿仙奴共花5816萬鎊。收入方面，阿仙奴除伊禾比外，「薄利多銷」清走多名球員，共得4527萬鎊。淨開支 (net spend) 就只有1289萬鎊。
如果再計盡啲，假設可於伊禾比身上收足4000萬鎊，加上前球員賓拿沙 (Ismaël Bennacer) 由安玻里轉投AC米蘭嘅400萬鎊分成，阿仙奴甚至淨賺375萬鎊！
其實，喺人工上嘅調整亦不可忽視，不過寫到呢度已經too long didn't read，就舉下圖為例。下圖指出，出售伊禾比前，阿仙奴離隊球員嘅周薪合共57萬鎊，加上伊禾比周薪7萬鎊，即透過清人節省64萬鎊周薪空間。簽入球員大衛雷斯 (£160k/w) 、尼高拉斯比比 (£140k/w)、施巴路斯 (借用薪金 £60k/w)、泰亞尼 (£75k/w)、馬天利尼 (£20k/w)、沙利巴 (£50k/w；外借可忽略不計)，動用45.5萬鎊周薪，即整體淨節省18.5萬周薪，足夠簽多一位大衛雷斯有餘。
整體而言，阿仙奴喺十分有限嘅預算下，簽入6名質素唔錯嘅球員，其中大衛雷斯、尼高拉斯比比、施巴路斯都係明顯即時阿仙奴有所提升嘅球員，當中只有尼高拉斯比比風險較高，泰亞尼表現亦值得期待。離隊球員方面，阿仙奴清走大量球員，其中年輕球員比歷離隊令人失望，伊禾比售價略嫌稍低。筆者會給予阿仙奴今個轉會窗運作8/10評分，至於新兵是否發揮得當，就視乎艾馬利功力，留待開季幾場後再講。
Source: Transfermarkt