【彈出彈入】史基泰爾、岡崎慎司同樣今夏轉會，一場未踢即被解約
筆者以為嗰頭簽人，轉頭解約，喺香港之類嘅聯賽先容易見到，喺歐洲主流聯賽會比較罕見，但最近竟然不約而同發生兩宗類似事件，涉事球員、球會仲係大家耳熟能詳，不過其中一個就係球會認為「中伏」炒人，另一個就係球員「中伏」。
意甲球隊阿特蘭大今季得以參加歐聯，要多線作戰，特別引入前利物浦中堅史基泰爾 (Martin Skrtel) ，相信期望佢以經驗幫助球隊出戰歐聯。34歲嘅史基泰爾與阿特蘭大簽約前效力費倫巴治3個球季，各項賽事上陣119場，錄得7入球、3助攻。
不過，意甲開季兩場都未見史基泰爾蹤影，連大名單都未有入選。最終，球會僅僅簽入史基泰爾24日就宣布同佢解約。據報，阿特蘭大認為佢嘅身體狀況未如理想，因此決定解約。阿特蘭大結果臨急借用30歲西維爾中堅卡積亞 (Simon Kjaer) 填補空缺，而史基泰爾就返回土超落班，已加盟巴沙克舒希 (Istanbul Basaksehir FK) ，該隊陣中擁有基歷治、阿達杜蘭、羅賓奴、丹巴巴亞等名將，今季將出戰歐霸。
另一位今夏轉會但未有上陣就解約嘅球員，係前李斯特城前鋒岡崎慎司。呢名33歲日本國腳今年7月約滿離開效力4個球季嘅李斯特城，成為自由身。已取得英超冠軍未有因為年紀漸大而返國「養老」，毅然選擇到今季要喺西乙作賽嘅馬拉加繼續「外流之旅」。
點知，馬拉加同樣宣布與岡崎慎司解約。不過今次就係球會責任，因為有報導指出，馬拉加因為球會有財政問題而未能為岡崎慎司註冊，導致佢同樣喺開季兩場比賽都未能上陣，而直到轉會窗關閉前亦未能趕及安排轉會，雙方唯有解約。岡崎慎司仍可以自由身加盟其他球隊，但暫時未有消息。
Source: Goal、football-espana
意甲球隊阿特蘭大今季得以參加歐聯，要多線作戰，特別引入前利物浦中堅史基泰爾 (Martin Skrtel) ，相信期望佢以經驗幫助球隊出戰歐聯。34歲嘅史基泰爾與阿特蘭大簽約前效力費倫巴治3個球季，各項賽事上陣119場，錄得7入球、3助攻。
不過，意甲開季兩場都未見史基泰爾蹤影，連大名單都未有入選。最終，球會僅僅簽入史基泰爾24日就宣布同佢解約。據報，阿特蘭大認為佢嘅身體狀況未如理想，因此決定解約。阿特蘭大結果臨急借用30歲西維爾中堅卡積亞 (Simon Kjaer) 填補空缺，而史基泰爾就返回土超落班，已加盟巴沙克舒希 (Istanbul Basaksehir FK) ，該隊陣中擁有基歷治、阿達杜蘭、羅賓奴、丹巴巴亞等名將，今季將出戰歐霸。
另一位今夏轉會但未有上陣就解約嘅球員，係前李斯特城前鋒岡崎慎司。呢名33歲日本國腳今年7月約滿離開效力4個球季嘅李斯特城，成為自由身。已取得英超冠軍未有因為年紀漸大而返國「養老」，毅然選擇到今季要喺西乙作賽嘅馬拉加繼續「外流之旅」。
點知，馬拉加同樣宣布與岡崎慎司解約。不過今次就係球會責任，因為有報導指出，馬拉加因為球會有財政問題而未能為岡崎慎司註冊，導致佢同樣喺開季兩場比賽都未能上陣，而直到轉會窗關閉前亦未能趕及安排轉會，雙方唯有解約。岡崎慎司仍可以自由身加盟其他球隊，但暫時未有消息。
Source: Goal、football-espana