《ESPN》：雲加有工開，將進入國際足協任職
前阿仙奴主帥雲加 (Arsene Wenger) 離開球隊已一個球季，至今仍然未有新去向，同摩連奴一樣，佢亦已經唔止一次表示仍然希望繼續執教球隊。根據《ESPN》報導，雲加即將會進入FIFA國際足協任職。
執教阿仙奴22年嘅雲加，於2018年離任，此後未有新教練工作，只係喺電視台擔任嘉賓球評。下月將會年滿70歲，好多球迷都認為雲加比較適合擔任管理層工作，多於擔任領隊呢份壓力更大嘅工作。根據《ESPN》報導，雲加已經談妥於FIFA國際足協接受一份工作，並將於幾星期內公布。
消息指，雲加即將擔任嘅確實職位未明，但相信係一個技術性職位 (technical role) ，類似技術總監之類嘅職位，估計雲加將會向FIFA提出改革意見，促進足球發展。
雲加嘅執教生涯，曾經對球會管理方法造成極大影響，例如引入運動營養學，令球員狀態管理更為科學；除此之外，雲加擅長發掘球員、與球員打交道，精通多國語言，財政管理能力更令人歎為觀止。因此，普遍球迷都認為雲加擅長管理球會、作宏觀方向指導，多於喺前線執教。
不過，雲加就表明自己十分期待重返執教崗位。9月初，雲加曾經於電視訪問中透露，急不及待重回前線執教。另外，自離開阿仙奴後，雲加曾收到執教工作邀請，但未有一份能打動佢。因此，《ESPN》相信，雲加只係「騎牛搵馬」，同時仍未放棄尋找執教工作，一旦收到滿意嘅邀請，就會再次擔任領隊。
Source: ESPN
執教阿仙奴22年嘅雲加，於2018年離任，此後未有新教練工作，只係喺電視台擔任嘉賓球評。下月將會年滿70歲，好多球迷都認為雲加比較適合擔任管理層工作，多於擔任領隊呢份壓力更大嘅工作。根據《ESPN》報導，雲加已經談妥於FIFA國際足協接受一份工作，並將於幾星期內公布。
消息指，雲加即將擔任嘅確實職位未明，但相信係一個技術性職位 (technical role) ，類似技術總監之類嘅職位，估計雲加將會向FIFA提出改革意見，促進足球發展。
雲加嘅執教生涯，曾經對球會管理方法造成極大影響，例如引入運動營養學，令球員狀態管理更為科學；除此之外，雲加擅長發掘球員、與球員打交道，精通多國語言，財政管理能力更令人歎為觀止。因此，普遍球迷都認為雲加擅長管理球會、作宏觀方向指導，多於喺前線執教。
不過，雲加就表明自己十分期待重返執教崗位。9月初，雲加曾經於電視訪問中透露，急不及待重回前線執教。另外，自離開阿仙奴後，雲加曾收到執教工作邀請，但未有一份能打動佢。因此，《ESPN》相信，雲加只係「騎牛搵馬」，同時仍未放棄尋找執教工作，一旦收到滿意嘅邀請，就會再次擔任領隊。
Source: ESPN