【技驚四座】加利夫巴爾自動導航腳面片波彎過三人，助攻賓施馬輕鬆建功
星期六晚上，西甲豪門皇家馬德里於主場出擊，面對今季令人驚喜地殺上積分榜前列嘅格蘭納達，賽前雙方分別得15及14分，呢場賽果將決定今周榜首誰屬。
皇馬最終順利以4-2擊敗格蘭納達，與對手積分差距擴大至4分，佔據榜首，而格蘭納達就喺賽後暫時排第二位，但身後嘅馬德里體育會第4支球隊只要今周賽事中贏波，仍可超越格蘭納達。皇馬雖然贏波，但其實贏得有少少驚險，佢哋領先3-0之下，一度被格蘭納達連入兩球，於77分鐘被追至3-2，結果由占士洛迪古斯於92分鐘埋齋奠定4-2勝局。
今場嘅焦點落喺皇馬兩位開齋球員身上，夏薩特於上半場補時階段射入加盟皇馬以嚟第一球；另一方面，占士洛迪古斯過去一度於皇馬被冷落及外借，今夏亦曾盛傳離隊，結果今季歸隊後得到機會，今仗亦射入歸隊後首球，即2017年4月以嚟首次為皇馬入波。不過，其實加利夫巴爾亦有技驚四座嘅表現。
https://i.imgur.com/vclwLyb.gif
https://i.imgur.com/EKu5Kzb.gif
開賽僅僅2分鐘，加利夫巴爾於右路推進，慣用左腳嘅佢，突然使出「腳指尾拉西」，用左腳外檔送出傳中，皮球彎過三名守將，直接去到賓施馬身前，賓施馬只需加一腳就輕鬆一射入網。呢球精彩傳送喺網上亦引起討論，唔少球迷大讚巴爾呢球係藝術，亦有球迷講笑話佢打得高爾夫球多練成絕招。
現年30歲嘅巴爾加盟皇馬已6年，雖然曾經多次用精彩入球幫助球隊贏波，但狀態浮沈加上不時受傷，令球迷對佢頗多批評；另外，有指巴爾一直不願融入皇馬更衣室、與隊友關係疏離、西班牙文欠佳，今夏主帥施丹曾經公開表示巴爾已經唔喺佢計畫之中，希望佢離隊尋求其他機會。不過，未有離隊嘅巴爾，反而受到重用兼有好表現，今季已於西甲上陣6場，射入2球、交出2個助攻。曾經被班拿貝主場球迷報以噓聲嘅巴爾，今場83分鐘被換出時，終於得到球迷讚賞。
Source: Sportbible
皇馬最終順利以4-2擊敗格蘭納達，與對手積分差距擴大至4分，佔據榜首，而格蘭納達就喺賽後暫時排第二位，但身後嘅馬德里體育會第4支球隊只要今周賽事中贏波，仍可超越格蘭納達。皇馬雖然贏波，但其實贏得有少少驚險，佢哋領先3-0之下，一度被格蘭納達連入兩球，於77分鐘被追至3-2，結果由占士洛迪古斯於92分鐘埋齋奠定4-2勝局。
今場嘅焦點落喺皇馬兩位開齋球員身上，夏薩特於上半場補時階段射入加盟皇馬以嚟第一球；另一方面，占士洛迪古斯過去一度於皇馬被冷落及外借，今夏亦曾盛傳離隊，結果今季歸隊後得到機會，今仗亦射入歸隊後首球，即2017年4月以嚟首次為皇馬入波。不過，其實加利夫巴爾亦有技驚四座嘅表現。
https://i.imgur.com/vclwLyb.gif
https://i.imgur.com/EKu5Kzb.gif
開賽僅僅2分鐘，加利夫巴爾於右路推進，慣用左腳嘅佢，突然使出「腳指尾拉西」，用左腳外檔送出傳中，皮球彎過三名守將，直接去到賓施馬身前，賓施馬只需加一腳就輕鬆一射入網。呢球精彩傳送喺網上亦引起討論，唔少球迷大讚巴爾呢球係藝術，亦有球迷講笑話佢打得高爾夫球多練成絕招。
現年30歲嘅巴爾加盟皇馬已6年，雖然曾經多次用精彩入球幫助球隊贏波，但狀態浮沈加上不時受傷，令球迷對佢頗多批評；另外，有指巴爾一直不願融入皇馬更衣室、與隊友關係疏離、西班牙文欠佳，今夏主帥施丹曾經公開表示巴爾已經唔喺佢計畫之中，希望佢離隊尋求其他機會。不過，未有離隊嘅巴爾，反而受到重用兼有好表現，今季已於西甲上陣6場，射入2球、交出2個助攻。曾經被班拿貝主場球迷報以噓聲嘅巴爾，今場83分鐘被換出時，終於得到球迷讚賞。
Source: Sportbible