【又要補鑊】森多利亞7戰6敗「包艇」，雲尼亞里接任主帥
意大利籍教頭雲尼亞里 (Claudio Ranieri) 執教生涯拎過嘅錦標唔多，但帶領李斯特城奇蹟奪得英超冠軍已足夠成為傳奇。事實上，雲尼亞里當初執教李斯特城，亦不被看好，皆因佢執教同一間球會嘅日子最多不過四年，執掌李城之前已輾轉教過15支球隊，前一份工作更加係不足半年就被希臘國家隊解僱，但佢多次執教一啲陷入危機嘅球隊，反而喺「救火領隊界」有不俗口碑，甚至獲得「補鍋匠」、「補鑊匠」嘅稱號，今次佢再一次踏上征途。
意大利老牌球會森多利亞近年戰績相當穩定，由2016-17球季開始至2018-19球季，三個球季最終聯賽排名分別係10、10、9。2018-19球季，森多利亞更有36歲「老神鋒」哥利亞列拿 (Fabio Quagliarella) 轟入26球，問鼎意甲神射手，重返意大利國家隊，對一支中游球隊嚟講，相當難得。
不過，隨著呢三季嘅教頭基安保羅 (Marco Giampaolo) 被挖角到AC米蘭，森多利亞今季由前羅馬主帥迪法蘭斯高 (Eusebio Di Francesco) 領軍，開季戰績一塌糊塗，意甲7場比賽竟然錄得1勝6敗，共失16球，淪為意甲榜尾，球會自然要早早求變，宣布與迪法蘭斯高解約。
森多利亞於周六發表聲明，宣布委任雲尼亞里為教練，簽約至2021年6月30日。有報導指，合約內列明，一旦森多利亞降班，雙方可提早解約。有趣嘅係，雲尼亞里喺半年前由迪法蘭斯高手上接過羅馬帥印，今次又再執迪法蘭斯高「二灘」；另一方面，前前任森多利亞教練基安保羅轉任AC米蘭主帥，同樣執教7場聯賽就要執包袱，同繼任者迪法蘭斯高下場相同。
雲尼亞里接手後第一場比賽，將於10月20日上演，對手係舊東家羅馬，當日剛好係佢68歲生日。
Source: BBC
意大利老牌球會森多利亞近年戰績相當穩定，由2016-17球季開始至2018-19球季，三個球季最終聯賽排名分別係10、10、9。2018-19球季，森多利亞更有36歲「老神鋒」哥利亞列拿 (Fabio Quagliarella) 轟入26球，問鼎意甲神射手，重返意大利國家隊，對一支中游球隊嚟講，相當難得。
不過，隨著呢三季嘅教頭基安保羅 (Marco Giampaolo) 被挖角到AC米蘭，森多利亞今季由前羅馬主帥迪法蘭斯高 (Eusebio Di Francesco) 領軍，開季戰績一塌糊塗，意甲7場比賽竟然錄得1勝6敗，共失16球，淪為意甲榜尾，球會自然要早早求變，宣布與迪法蘭斯高解約。
森多利亞於周六發表聲明，宣布委任雲尼亞里為教練，簽約至2021年6月30日。有報導指，合約內列明，一旦森多利亞降班，雙方可提早解約。有趣嘅係，雲尼亞里喺半年前由迪法蘭斯高手上接過羅馬帥印，今次又再執迪法蘭斯高「二灘」；另一方面，前前任森多利亞教練基安保羅轉任AC米蘭主帥，同樣執教7場聯賽就要執包袱，同繼任者迪法蘭斯高下場相同。
雲尼亞里接手後第一場比賽，將於10月20日上演，對手係舊東家羅馬，當日剛好係佢68歲生日。
Source: BBC