阿仙奴名宿麥臣睇唔過眼：「槍手應重金禮聘羅渣士」
英超球隊阿仙奴近況十分低迷，接連失分予牌面實力較弱對手錫菲聯、水晶宮、狼隊等等，加上發生棄用奧斯爾及格列沙加擔任隊長等人事爭議，令主帥艾馬利 (Unai Emery) 備受抨擊。阿仙奴名宿麥臣 (Paul Merson) 就公開建議，球隊應盡力招攬李斯特城主帥羅渣士 (Brendan Rodgers)。
近五場英超賽事，阿仙奴只曾取得一勝，其中更三場比賽，先作客以0-1不敵升班馬錫菲聯，然後對水晶宮及狼隊連續兩場領先之下被追平，目前僅以11戰17分排聯賽第5位，要不是所謂 "Big 6" 球隊中，曼聯及熱刺戰績更為低迷，阿仙奴嘅壓力將會更大。
另一方面，阿仙奴亦受人事問題困擾。奧斯爾今季繼續不受艾馬利重用，一度連續五仗非因傷患問題而不入大名單，最近兩場比賽先因為球隊表現欠佳而得以重返正選。最近被正式委任為球會隊長嘅格列沙加，球場上表現繼續被槍迷猛烈批評，佢更喺水晶宮一役被調離場時不忿被球迷狂噓及咒罵，以粗言回應兼除低球衣直接返回更衣室，艾馬利最終於今日公布球會已褫奪沙加隊長臂章，交由奧巴美揚擔任隊長。兩件事一致反應艾馬利喺人事管理方面未如理想，加上戰績欠佳，坊間開始有聲音呼籲艾馬利下台。
曾經為阿仙奴上陣327場聯賽、現時於《Sky Sports》等傳媒擔任球評嘅保羅麥臣 (Paul Merson) ，就直接批評艾馬利，認為阿仙奴應撤換主帥，而人選就係李斯特城主帥羅渣士。
「我睇到有報導引述艾馬利話對狼隊嗰場波 (1-1)，對戰術執行感到滿意。如果俾狼隊射門24次係佢想見到嘅事，咁就係囉。不過當你見到呢場係阿仙奴搬到酋長球場之後，喺英超被射門次數最多嘅一場比賽，我就好懷疑佢嘅意圖係乜。
艾馬利係面對緊好多問題，星期六佢會作客李斯特城，如果呢場比賽結果未如理想，佢就要為自己份工而戰。阿仙奴現時距離前四有6分差距，老實講如果佢哋今季再輸多兩場波，就會好難追。
另一方面，李斯特城就踢得十分出色，佢哋有一位令人難以置信嘅領隊，羅渣士上任後每一位球員都有進步。如果佢哋星期六擊敗阿仙奴，距離爭奪最終前四席位又會近一步 (李斯特城暫時排第三位)。
羅渣士喺李城做得太好，佢哋一定會盡力留住佢。如果我係阿仙奴高層，我會重金挖角，然後俾一份5年合約佢，睇下佢點樣將阿仙奴改造。」
有球迷見到呢段新聞就話，如果李城最終拎到前四，羅渣士一定唔會有歐聯波唔教，就去教歐霸波啦……
Source: FourFourTwo
近五場英超賽事，阿仙奴只曾取得一勝，其中更三場比賽，先作客以0-1不敵升班馬錫菲聯，然後對水晶宮及狼隊連續兩場領先之下被追平，目前僅以11戰17分排聯賽第5位，要不是所謂 "Big 6" 球隊中，曼聯及熱刺戰績更為低迷，阿仙奴嘅壓力將會更大。
另一方面，阿仙奴亦受人事問題困擾。奧斯爾今季繼續不受艾馬利重用，一度連續五仗非因傷患問題而不入大名單，最近兩場比賽先因為球隊表現欠佳而得以重返正選。最近被正式委任為球會隊長嘅格列沙加，球場上表現繼續被槍迷猛烈批評，佢更喺水晶宮一役被調離場時不忿被球迷狂噓及咒罵，以粗言回應兼除低球衣直接返回更衣室，艾馬利最終於今日公布球會已褫奪沙加隊長臂章，交由奧巴美揚擔任隊長。兩件事一致反應艾馬利喺人事管理方面未如理想，加上戰績欠佳，坊間開始有聲音呼籲艾馬利下台。
曾經為阿仙奴上陣327場聯賽、現時於《Sky Sports》等傳媒擔任球評嘅保羅麥臣 (Paul Merson) ，就直接批評艾馬利，認為阿仙奴應撤換主帥，而人選就係李斯特城主帥羅渣士。
「我睇到有報導引述艾馬利話對狼隊嗰場波 (1-1)，對戰術執行感到滿意。如果俾狼隊射門24次係佢想見到嘅事，咁就係囉。不過當你見到呢場係阿仙奴搬到酋長球場之後，喺英超被射門次數最多嘅一場比賽，我就好懷疑佢嘅意圖係乜。
艾馬利係面對緊好多問題，星期六佢會作客李斯特城，如果呢場比賽結果未如理想，佢就要為自己份工而戰。阿仙奴現時距離前四有6分差距，老實講如果佢哋今季再輸多兩場波，就會好難追。
另一方面，李斯特城就踢得十分出色，佢哋有一位令人難以置信嘅領隊，羅渣士上任後每一位球員都有進步。如果佢哋星期六擊敗阿仙奴，距離爭奪最終前四席位又會近一步 (李斯特城暫時排第三位)。
羅渣士喺李城做得太好，佢哋一定會盡力留住佢。如果我係阿仙奴高層，我會重金挖角，然後俾一份5年合約佢，睇下佢點樣將阿仙奴改造。」
有球迷見到呢段新聞就話，如果李城最終拎到前四，羅渣士一定唔會有歐聯波唔教，就去教歐霸波啦……
Source: FourFourTwo