【利物浦年】摩連奴、堅尼齊聲「宣布」利物浦奪冠："It's done"
放心，作為電視嘉賓球評家嘅摩連奴同堅尼，當然並冇權力決定邊個奪冠，但呢句網絡名言，用表達佢哋嘅預測就相當啱用。一位前曼聯領隊，一位前曼聯隊長，異口同聲表示 "It's done" ，認為利物浦必定可以奪得今季英超冠軍，唔知係唔係出口術做「燈」呢？
上季英超係曼城同利物浦嘅雙頭馬車局面，利物浦曾經長時間佔據榜首位置，但喺下半季被曼城反超奪冠，而利物浦最終亦取得高達97分，僅以1分飲恨，全季只輸過1場聯賽，拋離第3位車路士25分，相信亦係史上最強(最慘)亞軍。雖然利物浦當季成功取得歐聯冠軍，但英超時代至今未取得聯賽冠軍，又多次失諸交臂，成為球隊一大遺憾。
今季季前，外間預測曼城同利物浦將會繼續以雙頭馬車姿態惡鬥，不過曼城今季表現有所下滑，而紅軍卻保持不敗。今個星期六晚上，利物浦主場迎戰曼城，利物浦一度領先3-0，最終亦以3-1擊敗曼城，拿下「六分波」，以8分優勢穩佔榜首，曼城就只得25分，排第4位。
聯賽半程都未到，8分優勢唔算咩巨大優勢，但利物浦不敗之餘亦擊潰最大潛在爭冠對手，令一眾球評家都認為紅軍已經十拿九穩，其中包括前曼聯領隊摩連奴：
「如果你隊波係爭冠形勢落後嗰隊，你需要覺得有得追；如果你隊波係領先嗰隊，你需要覺得有機會被追上。不過我而家唔係教緊波，作為局外人，我認為已經塵埃落定，除非有啲好戲劇性嘅事，例如傷病問題，摧毀咗成隊波。
("But I am not there, I'm here. And here, from my position, I think it's done unless something dramatic happens in terms of an injury situation that breaks the team.")
我認為隊波已經係一幅完整嘅拼圖，我覺得球隊嘅踢法已經完全同球員質素契合。曼城的確可以連勝7、8、9場，但我睇唔到利物浦點樣可以喺呢個優勢之下輸返轉頭。」
前曼聯隊長堅尼就話：「我唔係賭徒，不過我覺得勝負已分。 ("I'm not a betting man, but I think it's done.")」至於桑拿士就認為，曼城仍然有機會後上；前曼城隊長甘賓尼就當然鼓勵曼城急起直追。
利物浦下場比賽直至1月初，喺聯賽都唔會遇到特別強大嘅對手，但佢哋將會面對異常密集嘅賽程，亦係一大挑戰。
https://youtu.be/0QLreveQraA
Source: Sky Sports
上季英超係曼城同利物浦嘅雙頭馬車局面，利物浦曾經長時間佔據榜首位置，但喺下半季被曼城反超奪冠，而利物浦最終亦取得高達97分，僅以1分飲恨，全季只輸過1場聯賽，拋離第3位車路士25分，相信亦係史上最強(最慘)亞軍。雖然利物浦當季成功取得歐聯冠軍，但英超時代至今未取得聯賽冠軍，又多次失諸交臂，成為球隊一大遺憾。
今季季前，外間預測曼城同利物浦將會繼續以雙頭馬車姿態惡鬥，不過曼城今季表現有所下滑，而紅軍卻保持不敗。今個星期六晚上，利物浦主場迎戰曼城，利物浦一度領先3-0，最終亦以3-1擊敗曼城，拿下「六分波」，以8分優勢穩佔榜首，曼城就只得25分，排第4位。
聯賽半程都未到，8分優勢唔算咩巨大優勢，但利物浦不敗之餘亦擊潰最大潛在爭冠對手，令一眾球評家都認為紅軍已經十拿九穩，其中包括前曼聯領隊摩連奴：
「如果你隊波係爭冠形勢落後嗰隊，你需要覺得有得追；如果你隊波係領先嗰隊，你需要覺得有機會被追上。不過我而家唔係教緊波，作為局外人，我認為已經塵埃落定，除非有啲好戲劇性嘅事，例如傷病問題，摧毀咗成隊波。
("But I am not there, I'm here. And here, from my position, I think it's done unless something dramatic happens in terms of an injury situation that breaks the team.")
我認為隊波已經係一幅完整嘅拼圖，我覺得球隊嘅踢法已經完全同球員質素契合。曼城的確可以連勝7、8、9場，但我睇唔到利物浦點樣可以喺呢個優勢之下輸返轉頭。」
前曼聯隊長堅尼就話：「我唔係賭徒，不過我覺得勝負已分。 ("I'm not a betting man, but I think it's done.")」至於桑拿士就認為，曼城仍然有機會後上；前曼城隊長甘賓尼就當然鼓勵曼城急起直追。
利物浦下場比賽直至1月初，喺聯賽都唔會遇到特別強大嘅對手，但佢哋將會面對異常密集嘅賽程，亦係一大挑戰。
https://youtu.be/0QLreveQraA
Source: Sky Sports