法國足協主席公開評論，賓施馬反擊：「俾我踢其他國家隊，你就知味道」
法國籍前鋒賓施馬 (Karim Benzema) 長年穩佔皇家馬德里正選中鋒席位，無疑有過人之處，縱使多年來飽受批評，仍有唔少球評認為佢係現今球壇其中一位最出色正前鋒。不過，賓施馬自從2015年起，已無緣法國國家隊，近日法國足協主席公開評論佢嘅處境，被賓施馬於Twitter上反擊。
現年31歲嘅賓施馬曾為法國國家隊上陣81場射入27球，論能力，佢今季於皇馬15場入11球，仍然有本錢入選國家隊，但令佢4年嚟遠離國家隊嘅係紀律問題。2015年，賓施馬被法國法院起訴，指佢以性愛短片勒索國家隊隊友華布拿 (Mathieu Valbuena) ，令佢自此被軍紀嚴明嘅主帥迪甘斯 (Didier Deschamps) 逐出國家隊，兼表明永不錄用。事實上，賓施馬亦曾被起訴嫖雛妓、無牌駕駛等。
迪甘斯早前喺法國電視台紀錄片中表示，堅持唔徵召賓施馬係純體育原因，認為挑選佢對球隊唔係好事。最近，法國足協主席拿格特 (Noel Le Graet) 公開表示，從來冇質疑賓施馬嘅水平，甚至認為佢係同一位置上世界最佳球員之一，不過支持迪甘斯決定，認為賓施馬嘅國家隊生涯已經「玩完」。
賓施馬隨即喺Twitter上反擊：「Noel ，我諗你唔可以干預教練嘅決定。你要知道，只有我自己可以決定幾時終止我嘅國家隊生涯。如果你覺得我已經玩完，俾我去其他國家隊踢，我哋拭目以待。」
賓施馬本來亦有資格選擇代表阿爾及利亞，不過為法國隊上陣多年後，當然無法隨意轉籍。另一邊廂，佢重返法國國家隊嘅可能性，必須建基於迪甘斯離任之上，但迪甘斯上年先帶隊贏得世界盃，威望如日中天，除非有極吸引嘅球會邀請令佢主動離隊……而31歲嘅賓施馬等到迪甘斯走人後，到底幾多歲、咩狀態？真係唔太樂觀囉。
Source: Givemesport、DailyMail、Standard
現年31歲嘅賓施馬曾為法國國家隊上陣81場射入27球，論能力，佢今季於皇馬15場入11球，仍然有本錢入選國家隊，但令佢4年嚟遠離國家隊嘅係紀律問題。2015年，賓施馬被法國法院起訴，指佢以性愛短片勒索國家隊隊友華布拿 (Mathieu Valbuena) ，令佢自此被軍紀嚴明嘅主帥迪甘斯 (Didier Deschamps) 逐出國家隊，兼表明永不錄用。事實上，賓施馬亦曾被起訴嫖雛妓、無牌駕駛等。
迪甘斯早前喺法國電視台紀錄片中表示，堅持唔徵召賓施馬係純體育原因，認為挑選佢對球隊唔係好事。最近，法國足協主席拿格特 (Noel Le Graet) 公開表示，從來冇質疑賓施馬嘅水平，甚至認為佢係同一位置上世界最佳球員之一，不過支持迪甘斯決定，認為賓施馬嘅國家隊生涯已經「玩完」。
賓施馬隨即喺Twitter上反擊：「Noel ，我諗你唔可以干預教練嘅決定。你要知道，只有我自己可以決定幾時終止我嘅國家隊生涯。如果你覺得我已經玩完，俾我去其他國家隊踢，我哋拭目以待。」
賓施馬本來亦有資格選擇代表阿爾及利亞，不過為法國隊上陣多年後，當然無法隨意轉籍。另一邊廂，佢重返法國國家隊嘅可能性，必須建基於迪甘斯離任之上，但迪甘斯上年先帶隊贏得世界盃，威望如日中天，除非有極吸引嘅球會邀請令佢主動離隊……而31歲嘅賓施馬等到迪甘斯走人後，到底幾多歲、咩狀態？真係唔太樂觀囉。
Source: Givemesport、DailyMail、Standard