【人中呂布】母會球迷叱「三姓家奴」，伊巴謙莫域銅像險倒塌
世事就係咁巧合，瑞典球星伊巴謙莫域 (Zlatan Ibrahimović) 作為一代頂級中鋒，加上狂傲嘅性格，喺中文世界被封為戰神呂布，但佢同《三國演義》中嘅呂布一樣，被指毫無忠誠可言，近來喺母會球場外嘅銅像，更連番遭到破壞。
喺《三國演義》中，呂布為咗赤兔馬及黃金財帛而殺丁原，改拜董卓為義父，被張飛叱作「三姓家奴」。現實中，伊巴謙莫域職業生涯曾經效力9間不同球會，包括祖雲達斯、AC米蘭及國際米蘭，喺職業球員中雖然有啲爭議，亦唔算相當罕見。
不過，伊巴謙莫域最近就激嬲咗母會兼家鄉球會馬模 (Malmö FF) 嘅球迷，原因係佢竟然喺上個月宣布購入另一支瑞典超球聯賽球隊哈馬比 (Hammarby IF) 22.5%股份，成為班主之一。由於馬模球迷視哈馬比為其中一支死敵球隊，而伊巴謙莫域於馬模出生及出道，此舉令馬模球迷相當不滿。
更巧合嘅係，馬模為咗向呢位傳奇致敬，10月8日先至喺主場外樹立一個3.5米高嘅伊巴銅像，但伊巴喺11月底就宣布入主哈馬比，一前一後嘅對比猶如火上加油，令馬模球迷以呢個銅像為發洩對象，連日來不時有人破壞銅像，包括縱火、喺銅像掛上廁所板，最新報導指，喺銅像腳掌位置上被鋸，令銅像有倒塌危險。
銅像雕塑家Peter Linde呼籲球迷停止破壞銅像；另一方面，有受訪球迷就指伊巴入主球會嘅敵人，等於希望敵對球會發展比馬模好，係背叛母會嘅行為。馬模球迷組織 Blatte Ultras 04 一個球迷直言 "I think he is a piece of shit, to be honest."，為銅像掛上廁板嘅球迷就表示：「做人最緊要飲水思源，但佢就呢個方式嚟回報我哋囉。」
Source: Euronews
喺《三國演義》中，呂布為咗赤兔馬及黃金財帛而殺丁原，改拜董卓為義父，被張飛叱作「三姓家奴」。現實中，伊巴謙莫域職業生涯曾經效力9間不同球會，包括祖雲達斯、AC米蘭及國際米蘭，喺職業球員中雖然有啲爭議，亦唔算相當罕見。
不過，伊巴謙莫域最近就激嬲咗母會兼家鄉球會馬模 (Malmö FF) 嘅球迷，原因係佢竟然喺上個月宣布購入另一支瑞典超球聯賽球隊哈馬比 (Hammarby IF) 22.5%股份，成為班主之一。由於馬模球迷視哈馬比為其中一支死敵球隊，而伊巴謙莫域於馬模出生及出道，此舉令馬模球迷相當不滿。
更巧合嘅係，馬模為咗向呢位傳奇致敬，10月8日先至喺主場外樹立一個3.5米高嘅伊巴銅像，但伊巴喺11月底就宣布入主哈馬比，一前一後嘅對比猶如火上加油，令馬模球迷以呢個銅像為發洩對象，連日來不時有人破壞銅像，包括縱火、喺銅像掛上廁所板，最新報導指，喺銅像腳掌位置上被鋸，令銅像有倒塌危險。
銅像雕塑家Peter Linde呼籲球迷停止破壞銅像；另一方面，有受訪球迷就指伊巴入主球會嘅敵人，等於希望敵對球會發展比馬模好，係背叛母會嘅行為。馬模球迷組織 Blatte Ultras 04 一個球迷直言 "I think he is a piece of shit, to be honest."，為銅像掛上廁板嘅球迷就表示：「做人最緊要飲水思源，但佢就呢個方式嚟回報我哋囉。」Source: Euronews