因欠體育精神險攘打鬥，伊恩拿祖被轟冇品上半場即被換
有時球場上自有球場上嘅規矩，一啲不成文規定已經成為球賽基本禮儀。冇錯，球例上可能冇寫明你一定要做，但如果唔跟呢啲「潛規則」，可能會被球圈排斥。李斯特城前鋒伊恩拿祖就因為犯下禁忌而得罪人，結果上半場38分鐘就被換出，要去冷靜下。
講緊嘅就係有球員受傷時，一方主動將個波踢出界外，比賽重開時，另一方開界外球，一般會將球權還俾對手。當然，球例上開界外球嘅一方完全有權保持球權，繼續進攻。不過，呢個以體育精神為基礎嘅慣例已經維持已久，有時候球證甚至會做手勢示意叫球員自己將個波踢出界，處理完傷勢後球權自然會返返去佢哋手上，甚至一啲火藥味濃嘅大戰亦都唔會破壞呢啲規矩。
星期六晚上一場英超比賽，李斯特城主場對諾域治。上半場中段，李斯特城進攻時，普基回防與列卡度佩雷拉發生碰撞，雙雙倒地受傷，諾域治將個波踢出橫邊，之後比賽繼續後，列卡度佩雷拉開出界外球，示意伊恩拿祖將個波踢俾諾域治門將告爾，而告爾亦喺旁邊等波。
點知伊恩拿祖乘敵不備，直接帶波推向禁區頂，被諾域治中堅掃低，即時引起衝突。諾域治當然唔滿意伊恩拿祖唔跟規矩及乘人之危，李城球員就上前保護隊友。結果，或者係為咗避免衝突，及保護伊恩拿祖，李城主帥羅渣士罕有地喺上半場38分鐘就換走伊恩拿祖。
事件引發爭論，有球迷指責伊恩拿祖不君子，但就有球迷表示欣賞伊恩拿祖嘅求勝心，認為羅渣士提早將佢換走，可能會摧毀伊恩拿祖近期所建立嘅信心。
賽後，羅渣士都嘗試淡化事件：「佢好明顯錯讀形勢，佢應該將個波俾返對手，好彩最終冇發生任何事。絕大多時間，個波都會俾返對手。今次事件幾乎造成紅牌，如果發生的話同樣係一個令人尷尬嘅局面。
對手因為伊恩拿祖嘗試入波而感到失望。年輕嘅伊恩拿祖，我都唔明佢諗緊咩。佢係一個誠實嘅孩子。佢好明顯被對手踢咗一腳。好彩事情最終得到解決，冇其他事發生。」
事實上，如果伊恩拿祖當時成功將個波射入及改變賽果，由於喺球例上將會入球成立，將會引起更大道德爭議；另一方面，伊恩拿祖當時未能成功起腳，係有諾域治出腳將佢掃低，羅渣士認為該下犯規有可能構成紅牌，如果發生的話，又係有排講。
對於呢類事件，有球迷認為呢啲不成文規定只係虛偽舉動，自然係入咗先講，「三分已袋，理L得你」；但亦有球迷十分睇唔過眼，認為伊恩拿祖嘅行為無恥，大家又點睇呢？
Source: Telegraph 、 leicestermercury
講緊嘅就係有球員受傷時，一方主動將個波踢出界外，比賽重開時，另一方開界外球，一般會將球權還俾對手。當然，球例上開界外球嘅一方完全有權保持球權，繼續進攻。不過，呢個以體育精神為基礎嘅慣例已經維持已久，有時候球證甚至會做手勢示意叫球員自己將個波踢出界，處理完傷勢後球權自然會返返去佢哋手上，甚至一啲火藥味濃嘅大戰亦都唔會破壞呢啲規矩。
星期六晚上一場英超比賽，李斯特城主場對諾域治。上半場中段，李斯特城進攻時，普基回防與列卡度佩雷拉發生碰撞，雙雙倒地受傷，諾域治將個波踢出橫邊，之後比賽繼續後，列卡度佩雷拉開出界外球，示意伊恩拿祖將個波踢俾諾域治門將告爾，而告爾亦喺旁邊等波。
點知伊恩拿祖乘敵不備，直接帶波推向禁區頂，被諾域治中堅掃低，即時引起衝突。諾域治當然唔滿意伊恩拿祖唔跟規矩及乘人之危，李城球員就上前保護隊友。結果，或者係為咗避免衝突，及保護伊恩拿祖，李城主帥羅渣士罕有地喺上半場38分鐘就換走伊恩拿祖。
事件引發爭論，有球迷指責伊恩拿祖不君子，但就有球迷表示欣賞伊恩拿祖嘅求勝心，認為羅渣士提早將佢換走，可能會摧毀伊恩拿祖近期所建立嘅信心。
賽後，羅渣士都嘗試淡化事件：「佢好明顯錯讀形勢，佢應該將個波俾返對手，好彩最終冇發生任何事。絕大多時間，個波都會俾返對手。今次事件幾乎造成紅牌，如果發生的話同樣係一個令人尷尬嘅局面。
對手因為伊恩拿祖嘗試入波而感到失望。年輕嘅伊恩拿祖，我都唔明佢諗緊咩。佢係一個誠實嘅孩子。佢好明顯被對手踢咗一腳。好彩事情最終得到解決，冇其他事發生。」
事實上，如果伊恩拿祖當時成功將個波射入及改變賽果，由於喺球例上將會入球成立，將會引起更大道德爭議；另一方面，伊恩拿祖當時未能成功起腳，係有諾域治出腳將佢掃低，羅渣士認為該下犯規有可能構成紅牌，如果發生的話，又係有排講。
對於呢類事件，有球迷認為呢啲不成文規定只係虛偽舉動，自然係入咗先講，「三分已袋，理L得你」；但亦有球迷十分睇唔過眼，認為伊恩拿祖嘅行為無恥，大家又點睇呢？
Source: Telegraph 、 leicestermercury