耶耶托尼批奧斯爾政治化，卻稱關注意甲種族歧視事件
阿仙奴球星奧斯爾早前因為喺Twitter上聲援新疆維吾爾人，以及用上「東突厥斯坦」旗幟，被中國封殺。雖然大部分中國媒體並未翻譯奧斯爾言論，但大多數中國網民仍然喺網上瘋狂攻擊奧斯爾。周末聯賽，阿仙奴對曼城，除咗CCTV將原定直播抽起外，各大體育媒體亦將奧斯爾名字從正選名單上抹去。
事件喺西方回響唔大，甚少有西方球員回應，甚至阿仙奴會方都冇發出官方聲明，只係由中國人營運嘅「阿森纳足球俱乐部官方微博」聲明球會並唔會作出政治表態，看守領隊龍格堡於賽後記者會上就表示交返俾球會處理。近日，前曼城中場耶耶托尼 (Yaya Toure) 接受美聯社訪問，相信係第一位回應今次事件嘅國際球星。
耶耶托尼於訪問中批評奧斯爾：「足球員應該關心返足球，政治留返俾政治家。因為你唔應該牽涉到呢啲事件之中，咁會引起好多問題。
作為一個穆斯林係好複雜，呢個係佢嘅選擇。佢一直發表佢嘅言論，但我認為佢咁講係錯嘅。我一直熱愛足球，所以我有時候唔想將佢政治化。」
不過另一方面，耶耶托尼接受《Sky Sports》訪問時就話會考慮加入FIFA工作，為消除種族歧視出一分力：「我見到呢啲事 (意甲近期種族歧視爭議) ，我想最多只會再踢多一年，然後我就要加入FIFA工作，呢啲事令人好傷心。」
過去半年喺中國甲組聯賽踢波嘅耶耶托尼，協助球隊升上中超，但去向未定。
Source: Sky Sports、AP
事件喺西方回響唔大，甚少有西方球員回應，甚至阿仙奴會方都冇發出官方聲明，只係由中國人營運嘅「阿森纳足球俱乐部官方微博」聲明球會並唔會作出政治表態，看守領隊龍格堡於賽後記者會上就表示交返俾球會處理。近日，前曼城中場耶耶托尼 (Yaya Toure) 接受美聯社訪問，相信係第一位回應今次事件嘅國際球星。
耶耶托尼於訪問中批評奧斯爾：「足球員應該關心返足球，政治留返俾政治家。因為你唔應該牽涉到呢啲事件之中，咁會引起好多問題。
作為一個穆斯林係好複雜，呢個係佢嘅選擇。佢一直發表佢嘅言論，但我認為佢咁講係錯嘅。我一直熱愛足球，所以我有時候唔想將佢政治化。」
不過另一方面，耶耶托尼接受《Sky Sports》訪問時就話會考慮加入FIFA工作，為消除種族歧視出一分力：「我見到呢啲事 (意甲近期種族歧視爭議) ，我想最多只會再踢多一年，然後我就要加入FIFA工作，呢啲事令人好傷心。」
過去半年喺中國甲組聯賽踢波嘅耶耶托尼，協助球隊升上中超，但去向未定。
Source: Sky Sports、AP