一年聯賽零入球 萬年新仔連加特炒單刀，蘇B：「唔應該咁處理」
曼聯青訓出品連加特 (Jesse Lingard) 彷彿仍然係一位「十八廿二」嘅年輕球員，於場上全靠不斷奔跑衝刺，去掩蓋佢有待磨練嘅技術，決定略顯經驗不足。可悲嘅係，雖然連加特因為佢「親生仔」身分得到曼聯球會內部及球迷更大容忍，亦有人仍然期待進步，但事實上佢已經27歲，理應正值大熟大勇之年，如此表現於曼聯擔正，實在唔係好現象。
連加特今季表現一直備受批評，去到啱啱過去嘅英超第18輪賽事，屈福特對曼聯，曼聯因為迪基亞甩手、雲比沙卡送12碼，以0-2不敵榜尾球隊屈福特，令呢隊深陷危機嘅球隊終於取得今季第2場勝仗。迪基亞近一兩季的確間中有嚴重失誤，而且門將一旦犯錯就好大機會直接導致失球，因此迪基亞無疑係今場討論焦點之一。不過，迪基亞咁多年嚟好歹曾經多次以一己之力挽救曼聯，相比之下，今場射失單刀機會嘅連加特就係持續表現低迷。
https://i.imgur.com/eWKtmNa.gif
比賽33分鐘，馬斯亞中線送出直線，連加特單刀帶到禁區頂，面對出迎封位嘅賓科士打，連加特選擇笠射，最終高出楣頂，白白浪費一個黃金入球機會，當時比數仍然係0-0。要知道曼聯今季成為「英超羅賓漢」嘅原因正係因為球隊一般只能倚靠快速反擊製造機會，一旦陷入陣地戰就會出現老鼠拉龜情況，因此作為曼聯前場球員，把握呢啲入球機會可以話係最基本嘅戰術要求，否則即係一無是處。
射失呢一球之後，加上今場繼續無法入球，連加特已累計整整一年未取得聯賽入球，佢上一次於英超入波係2018年12月22日作客卡迪夫城，其實佢今季各項賽事出戰23場，亦只於盃賽取得1入球1助攻，對手只係羅奇代爾及艾斯坦拿，作為球隊主力，表現絕不合格。
主帥蘇斯克查賽後坦言，連加特處理單刀方式並不理想，因為當時賓科士打出迎封位，採取站立姿態，笠射空間已經減少。《BBC》節目《Match of the day》嘉賓丹尼梅菲及高治亦指出，根據皮球去勢及速度、門將站位，熨射右側會係較好選擇，同時連加特已經一年未有聯賽入球，採取笠射呢種較高難度方式，亦係難以理解。
Source: manchestereveningnews
連加特今季表現一直備受批評，去到啱啱過去嘅英超第18輪賽事，屈福特對曼聯，曼聯因為迪基亞甩手、雲比沙卡送12碼，以0-2不敵榜尾球隊屈福特，令呢隊深陷危機嘅球隊終於取得今季第2場勝仗。迪基亞近一兩季的確間中有嚴重失誤，而且門將一旦犯錯就好大機會直接導致失球，因此迪基亞無疑係今場討論焦點之一。不過，迪基亞咁多年嚟好歹曾經多次以一己之力挽救曼聯，相比之下，今場射失單刀機會嘅連加特就係持續表現低迷。
https://i.imgur.com/eWKtmNa.gif
比賽33分鐘，馬斯亞中線送出直線，連加特單刀帶到禁區頂，面對出迎封位嘅賓科士打，連加特選擇笠射，最終高出楣頂，白白浪費一個黃金入球機會，當時比數仍然係0-0。要知道曼聯今季成為「英超羅賓漢」嘅原因正係因為球隊一般只能倚靠快速反擊製造機會，一旦陷入陣地戰就會出現老鼠拉龜情況，因此作為曼聯前場球員，把握呢啲入球機會可以話係最基本嘅戰術要求，否則即係一無是處。
射失呢一球之後，加上今場繼續無法入球，連加特已累計整整一年未取得聯賽入球，佢上一次於英超入波係2018年12月22日作客卡迪夫城，其實佢今季各項賽事出戰23場，亦只於盃賽取得1入球1助攻，對手只係羅奇代爾及艾斯坦拿，作為球隊主力，表現絕不合格。
主帥蘇斯克查賽後坦言，連加特處理單刀方式並不理想，因為當時賓科士打出迎封位，採取站立姿態，笠射空間已經減少。《BBC》節目《Match of the day》嘉賓丹尼梅菲及高治亦指出，根據皮球去勢及速度、門將站位，熨射右側會係較好選擇，同時連加特已經一年未有聯賽入球，採取笠射呢種較高難度方式，亦係難以理解。
Source: manchestereveningnews