【寸爆死敵】史高斯稱世冠盃不值一提：「我啲羽毛球獎盃仲勁！」
利物浦同曼聯之間嘅牙骹戰由來已久，曼聯名宿加利尼維利早前就曾經話，如果今季利物浦大好形勢仍無法取得英超冠軍，佢將會十分高興。最近又有另一名宿發功，前曼聯中場史高斯於《BBC》電台節目上不諱言踩低利物浦剛剛贏得嘅世冠盃，成為一時熱話。
作為歐聯冠軍，利物浦早前出戰世界球會冠軍盃，於決賽擊敗法林明高，球會史上第一次取得世冠盃。的而且確，世冠盃並非歐洲豪強十分重視嘅盃賽冠軍，亦唔係呢啲歐洲豪門會講出嚟炫耀嘅獎項，因為相對於由歐聯分組賽逐步殺入決賽奪冠，最難嘅事已經完成，加上其他各大洲代表牌面實力通常低於歐聯冠軍，只有幾支球隊角逐嘅世冠盃比起歐聯冠軍只被視為錦上添花。
不過，世冠盃對於其他幾大洲代表而言，可能係一個揚威國際，成為「世界冠軍」嘅舞台，佢哋嘅戰意往往十分之高，尤其南美球隊就經常為歐洲球隊帶嚟唔少麻煩，事實上16屆賽事中，南美球隊有4屆奪冠、9屆取得亞軍 (歐洲球隊12次奪冠)。今屆利物浦於決賽對法林明高，亦陷入苦戰，踢到加時先奠定勝局，畢竟係「世界冠軍」，如果講到不值一提，未免有啲為踩而踩。
前曼聯中場史高斯近日於《BBC》節目上表示：「當你落到場，當然會想贏，但呢個唔會係我哋十分渴望得到嘅盃。
就算而家有人問我捧過咩盃，我都唔會提起世冠盃。
我真係唔會，唔係講笑，我好認真。
睇嚟利物浦好享受捧呢個盃，佢哋為呢個盃而慶祝，而且好有機會佢哋第日都會拎出嚟講，點解唔得啫？——只係我哋踢波嗰陣唔會咁認真對待世冠盃囉。
而家睇返轉頭，我嗰陣都係開心嘅，不過佢唔會係我球員生涯要完成嘅目標。」
節目主持沙維治 (Robbie Savage) 知道史高斯熱愛打羽毛球，就問史高斯佢啲本地羽毛球賽冠軍重要啲定係世冠盃冠軍重要啲，史高斯就話：「羽毛球盃！」
2008年，曼聯於世冠盃決賽以1-0擊敗厄瓜多爾球隊利加大學 (L.D.U. Quito) 奪冠，史高斯並冇上陣。
Source: Independent, Daily Mail, GiveMeSport
作為歐聯冠軍，利物浦早前出戰世界球會冠軍盃，於決賽擊敗法林明高，球會史上第一次取得世冠盃。的而且確，世冠盃並非歐洲豪強十分重視嘅盃賽冠軍，亦唔係呢啲歐洲豪門會講出嚟炫耀嘅獎項，因為相對於由歐聯分組賽逐步殺入決賽奪冠，最難嘅事已經完成，加上其他各大洲代表牌面實力通常低於歐聯冠軍，只有幾支球隊角逐嘅世冠盃比起歐聯冠軍只被視為錦上添花。
不過，世冠盃對於其他幾大洲代表而言，可能係一個揚威國際，成為「世界冠軍」嘅舞台，佢哋嘅戰意往往十分之高，尤其南美球隊就經常為歐洲球隊帶嚟唔少麻煩，事實上16屆賽事中，南美球隊有4屆奪冠、9屆取得亞軍 (歐洲球隊12次奪冠)。今屆利物浦於決賽對法林明高，亦陷入苦戰，踢到加時先奠定勝局，畢竟係「世界冠軍」，如果講到不值一提，未免有啲為踩而踩。
前曼聯中場史高斯近日於《BBC》節目上表示：「當你落到場，當然會想贏，但呢個唔會係我哋十分渴望得到嘅盃。
就算而家有人問我捧過咩盃，我都唔會提起世冠盃。
我真係唔會，唔係講笑，我好認真。
睇嚟利物浦好享受捧呢個盃，佢哋為呢個盃而慶祝，而且好有機會佢哋第日都會拎出嚟講，點解唔得啫？——只係我哋踢波嗰陣唔會咁認真對待世冠盃囉。
而家睇返轉頭，我嗰陣都係開心嘅，不過佢唔會係我球員生涯要完成嘅目標。」
節目主持沙維治 (Robbie Savage) 知道史高斯熱愛打羽毛球，就問史高斯佢啲本地羽毛球賽冠軍重要啲定係世冠盃冠軍重要啲，史高斯就話：「羽毛球盃！」
2008年，曼聯於世冠盃決賽以1-0擊敗厄瓜多爾球隊利加大學 (L.D.U. Quito) 奪冠，史高斯並冇上陣。
Source: Independent, Daily Mail, GiveMeSport