強陣僅逼和米杜士堡，摩連奴有故講：「個波係沙灘波！」
噚晚熱刺出戰英格蘭足總盃第三圈，作客鬥英冠球隊米杜士堡，一啲都冇手軟，甚至應該話精銳盡出。當家前鋒哈利簡尼養傷，摩連奴今仗對英冠球隊照樣派出孫興民同盧卡斯摩拉兩名餘下最重要嘅攻擊球員，就連小將賴恩施斯隆亦已連續4場正選上陣。雖然如此，熱刺仍然只能逼和米杜士堡。
英冠球隊米杜士堡雖然名氣大，而且最近於聯賽經歷4連勝，但其實亦只係排英冠第16位，即使加上主場威力，賽和熱刺仍然係驚喜之作；或者應該調轉講，熱刺賽和呢隊米杜士堡，不論強陣弱陣，都不可接受，更遑論以強陣出擊仍然先落後，最後只係憑盧卡斯摩拉於61分鐘頭槌追平逼和，雙方將會進行重賽。
一向擅長用「偉論」轉移視線嘅摩連奴，繼1月1日不敵修咸頓後提出「白痴論」之後，今場再次發功，佢嘅批評對象係比賽用球。摩連奴表示：「我覺得呢個係沙灘波嚟，個波太輕喇。我唔覺得佢係幫緊啲球員。不過呢個唔係我哋贏唔到波嘅藉口。」
另外，摩連奴又指今場比賽並冇VAR，否則賽果可能改寫：「米杜士堡個入波係越位，如果有VAR就會判個入波唔成立。」
Source: DailyMail
英冠球隊米杜士堡雖然名氣大，而且最近於聯賽經歷4連勝，但其實亦只係排英冠第16位，即使加上主場威力，賽和熱刺仍然係驚喜之作；或者應該調轉講，熱刺賽和呢隊米杜士堡，不論強陣弱陣，都不可接受，更遑論以強陣出擊仍然先落後，最後只係憑盧卡斯摩拉於61分鐘頭槌追平逼和，雙方將會進行重賽。
一向擅長用「偉論」轉移視線嘅摩連奴，繼1月1日不敵修咸頓後提出「白痴論」之後，今場再次發功，佢嘅批評對象係比賽用球。摩連奴表示：「我覺得呢個係沙灘波嚟，個波太輕喇。我唔覺得佢係幫緊啲球員。不過呢個唔係我哋贏唔到波嘅藉口。」
引用'I think this ball is [a] beach ball. It's too light. I don't think it helps the players. But that's not an excuse,'
另外，摩連奴又指今場比賽並冇VAR，否則賽果可能改寫：「米杜士堡個入波係越位，如果有VAR就會判個入波唔成立。」
引用'Yeah because the Middlesbrough goal is offside. VAR would give [the offside decision],'
Source: DailyMail