贏多六場即奪冠，有利迷建議重簽謝拉特一圓英超夢
剛剛呢個星期嘅英超賽事，利物浦喺文尼缺陣下大炒修咸頓，繼續保持不敗強勢，而聯賽第2位嘅曼城就再一次失分，作客以0-2不敵熱刺，連同第3位李斯特城亦賽和車路士，利物浦奪冠形勢相當明朗。餘下13場聯賽，利物浦只要再贏6場，就必定可以奪得球會史上首個英超冠軍。
綜觀英格蘭足球歷史，利物浦肯定喺英格蘭歷來最成功球會排名中數一數二，佢哋一共奪得過18次頂級聯賽冠軍，僅次於20次冠軍嘅曼聯，兩大本土盃賽共15次冠軍，更有6個歐聯冠軍在手，但單論英超時代就十分失色，始終同聯賽冠軍緣慳一面。
就連上屆英超，利物浦全季只輸過1場聯賽，取得97分，放喺歷史上任何一季英超都足以奪冠，但不幸遇上取得98分嘅曼城，以1分之差飲恨，可能係「史上最強亞軍」。不過喺利迷心目中，近年最「傷」嘅可能係2013-14球季，利物浦該季曾經長期佔據榜首，奪冠呼聲甚高，但去到球季後段斷送好局，特別係對車路士一仗有「神奇隊長」謝拉特「世紀一跣」，輸俾車路士，再加上之後一仗以3-3賽和水晶宮，最終以2分之差，將冠軍拱手相讓俾曼城。呢一季嘅失利不僅令球迷印象深刻，謝拉特最近接受訪問時亦表示難以忘懷。
今季戰至25場，利物浦已經大幅領先曼城22分，餘下13場只要再贏6場即可奪冠，相信倒灶機會甚微。另一方面，一度備受質疑嘅隊長軒達臣亦已為自己正名，已奪得年度最佳英格蘭球員，又成為今季 PFA (英格蘭職業球員公會) 年度最佳球員大熱之選，呢位「謝拉特接班人」與前輩嘅比較又再成為網絡熱話，部分資歷較深嘅利物浦球迷認為謝拉特始終佔據一個更重要位置。
有球迷甚至建議，若利物浦能夠鎖定聯賽冠軍，不如重新簽回謝拉特，俾佢喺聯賽上陣5次，好讓謝拉特可以奪得一次英超冠軍，等佢同利迷都可以彌補當年無法奪冠嘅遺憾。其中一個twitter post獲得幾千次轉載。
甚至有球迷建議，要俾謝拉特喺主場對車路士一仗上陣，等佢「喺邊度跌低，喺邊度企返起身」。
有創意還有創意，謝拉特現時正擔任蘇超球隊格拉斯哥流浪主帥，少賽一場下落後榜首些路迪7分，正為如果打破些路迪壟斷而煩惱，最近更傳出與陣中射手摩里路斯不和，備受壓力，真係未必得閒出嚟踢波。
Source: Sportbible
綜觀英格蘭足球歷史，利物浦肯定喺英格蘭歷來最成功球會排名中數一數二，佢哋一共奪得過18次頂級聯賽冠軍，僅次於20次冠軍嘅曼聯，兩大本土盃賽共15次冠軍，更有6個歐聯冠軍在手，但單論英超時代就十分失色，始終同聯賽冠軍緣慳一面。
就連上屆英超，利物浦全季只輸過1場聯賽，取得97分，放喺歷史上任何一季英超都足以奪冠，但不幸遇上取得98分嘅曼城，以1分之差飲恨，可能係「史上最強亞軍」。不過喺利迷心目中，近年最「傷」嘅可能係2013-14球季，利物浦該季曾經長期佔據榜首，奪冠呼聲甚高，但去到球季後段斷送好局，特別係對車路士一仗有「神奇隊長」謝拉特「世紀一跣」，輸俾車路士，再加上之後一仗以3-3賽和水晶宮，最終以2分之差，將冠軍拱手相讓俾曼城。呢一季嘅失利不僅令球迷印象深刻，謝拉特最近接受訪問時亦表示難以忘懷。
今季戰至25場，利物浦已經大幅領先曼城22分，餘下13場只要再贏6場即可奪冠，相信倒灶機會甚微。另一方面，一度備受質疑嘅隊長軒達臣亦已為自己正名，已奪得年度最佳英格蘭球員，又成為今季 PFA (英格蘭職業球員公會) 年度最佳球員大熱之選，呢位「謝拉特接班人」與前輩嘅比較又再成為網絡熱話，部分資歷較深嘅利物浦球迷認為謝拉特始終佔據一個更重要位置。
有球迷甚至建議，若利物浦能夠鎖定聯賽冠軍，不如重新簽回謝拉特，俾佢喺聯賽上陣5次，好讓謝拉特可以奪得一次英超冠軍，等佢同利迷都可以彌補當年無法奪冠嘅遺憾。其中一個twitter post獲得幾千次轉載。
甚至有球迷建議，要俾謝拉特喺主場對車路士一仗上陣，等佢「喺邊度跌低，喺邊度企返起身」。
有創意還有創意，謝拉特現時正擔任蘇超球隊格拉斯哥流浪主帥，少賽一場下落後榜首些路迪7分，正為如果打破些路迪壟斷而煩惱，最近更傳出與陣中射手摩里路斯不和，備受壓力，真係未必得閒出嚟踢波。
Source: Sportbible