尼馬巧合94分鐘兩黃一紅，連續六年於里約嘉年華期間傷停
又嚟到2月3月之間嘅時間，傳說中，巴西球星尼馬每年都會喺呢個時候剛好受傷或者停賽，往年傳媒就質疑，尼馬喺呢個時期會假裝受傷，或者停賽，總之就冇辦法比賽，然後就趁機返回巴西幫3月11日生日嘅妹妹慶祝，同時大約呢個時期亦係巴西盛事里約嘉年華 (Carnaval do Rio de Janeiro，又名里約狂歡節) 嘅大日子，係世界上最大型嘅嘉年華，而尼馬即使近年喺歐洲踢波，每年2、3月理應係聯賽歐聯鬥得如火如荼之際，佢竟然可以喺過去5年從未缺席呢個盛事，真係耐人尋味。
今年事態發展最有趣嘅地方就係，3日之前，各大傳媒以「尼馬六年來首次缺席里約嘉年華」為題報導，原來尼馬早前的確曾經受傷，但已於上星期復出，然後尼馬本人喺個人社交媒體上主動出post講：「好高興宣布，我將會缺席2020里約嘉年華，唔會再有爭議喇！」
https://i.imgur.com/o4aeCeo.gif
點知就喺噚晚PSG以4-3擊敗波爾多一仗中，尼馬喺92分鐘兩黃一紅被遂，將會停賽一場。睇返PSG嘅比賽日程，佢哋下一場比賽係3月1日法甲主場對迪安，再下一場就係3月5日法國盃對里昂，而今年嘅里約嘉年華舉行日期就係2月21日至2月26日 (每年復活節前51天舉行)，即係話嘉年華已經開始，而假設尼馬由2月24日比賽後開始放假，都係得返兩日時間參加嘉年華，而且搭飛機時間都唔短，所以睇落應該唔關事？
但其實唔係咁簡單，因為原來里約嘉年華呢個官方日期只係一部分，2月21日至2月26日期間係用嚟俾近200間森巴學校 (samba schools，escola de samba，其賁係社區森巴舞俱樂部多於學校性質) ，喺街上表演巡遊，以及一般市民都可以隨意加入嘅街頭慶典，但最重要嘅日子係嘉年華結束後嘅第一個星期六，即係今年2月29日，當日會由嘉年華巡遊幾個組別嘅冠軍巡遊，最後會喺一個大場館入面表演，而尼馬往年都係喺呢個場館入面同家人朋友、巴西明星一齊玩，所以今年真正嘅大日子係2月29日。想像一下，2月29日嘅下一日就係3月1日比賽日，如果尼馬唔係停賽，仲點有可能出席冠軍巡遊呢？
尼馬過去被傳媒翻舊賬，發現佢由2013年離開山度士之後，去到巴塞隆拿開始，只有第一年 (2014) 「安份守紀」，並冇返回巴西參加嘉年華。之後喺2015同2016年嘉年華期間，佢都剛好停賽，而且現身於里約熱內盧，之後咁啱得咁橋，2017、2018、2019年嘅同樣時間佢同樣受傷休養，當然更肆無忌憚出席嘉年華。不過受傷就話可以返屋企休息，但點解停賽唔使練波嘅呢？唔知道，但尼馬以前嘅經驗就話你聽佢有辦法。
至於早前已經明言唔會去嘉年華，突然又有空檔可以去，尼馬到底會唔會去？真係唔知，但佢今年如無意外就應該冇辦法再離隊同妹妹慶祝生日，因為3月12日將要出戰歐聯16強次回合，希望扭轉首回合落後俾1-2多蒙特嘅劣勢，除非連歐聯出局都唔理，又再離奇受傷啦。
Source: AS、Goal
今年事態發展最有趣嘅地方就係，3日之前，各大傳媒以「尼馬六年來首次缺席里約嘉年華」為題報導，原來尼馬早前的確曾經受傷，但已於上星期復出，然後尼馬本人喺個人社交媒體上主動出post講：「好高興宣布，我將會缺席2020里約嘉年華，唔會再有爭議喇！」
https://i.imgur.com/o4aeCeo.gif
點知就喺噚晚PSG以4-3擊敗波爾多一仗中，尼馬喺92分鐘兩黃一紅被遂，將會停賽一場。睇返PSG嘅比賽日程，佢哋下一場比賽係3月1日法甲主場對迪安，再下一場就係3月5日法國盃對里昂，而今年嘅里約嘉年華舉行日期就係2月21日至2月26日 (每年復活節前51天舉行)，即係話嘉年華已經開始，而假設尼馬由2月24日比賽後開始放假，都係得返兩日時間參加嘉年華，而且搭飛機時間都唔短，所以睇落應該唔關事？
但其實唔係咁簡單，因為原來里約嘉年華呢個官方日期只係一部分，2月21日至2月26日期間係用嚟俾近200間森巴學校 (samba schools，escola de samba，其賁係社區森巴舞俱樂部多於學校性質) ，喺街上表演巡遊，以及一般市民都可以隨意加入嘅街頭慶典，但最重要嘅日子係嘉年華結束後嘅第一個星期六，即係今年2月29日，當日會由嘉年華巡遊幾個組別嘅冠軍巡遊，最後會喺一個大場館入面表演，而尼馬往年都係喺呢個場館入面同家人朋友、巴西明星一齊玩，所以今年真正嘅大日子係2月29日。想像一下，2月29日嘅下一日就係3月1日比賽日，如果尼馬唔係停賽，仲點有可能出席冠軍巡遊呢？
尼馬過去被傳媒翻舊賬，發現佢由2013年離開山度士之後，去到巴塞隆拿開始，只有第一年 (2014) 「安份守紀」，並冇返回巴西參加嘉年華。之後喺2015同2016年嘉年華期間，佢都剛好停賽，而且現身於里約熱內盧，之後咁啱得咁橋，2017、2018、2019年嘅同樣時間佢同樣受傷休養，當然更肆無忌憚出席嘉年華。不過受傷就話可以返屋企休息，但點解停賽唔使練波嘅呢？唔知道，但尼馬以前嘅經驗就話你聽佢有辦法。
至於早前已經明言唔會去嘉年華，突然又有空檔可以去，尼馬到底會唔會去？真係唔知，但佢今年如無意外就應該冇辦法再離隊同妹妹慶祝生日，因為3月12日將要出戰歐聯16強次回合，希望扭轉首回合落後俾1-2多蒙特嘅劣勢，除非連歐聯出局都唔理，又再離奇受傷啦。
Source: AS、Goal